豚王 (已搬遷) 新店位置

前兩日我同事話未食過豚王唔算香港人😂我琴日就決定做返次正宗港女😎星期六8點幾 都有10個人左右係門口排隊👫👬👭填下拉麵 自拍下 等左20分鐘終於都入左去坐低！入面雖然唔大都坐到廿個人😮所以都唔洗等太耐~我叫左一個豚王🐷一個赤王👺加個溏心蛋✌先講豚王啦～豚王就叫左小辣既😮但感覺小辣唔辣但係好香👍而個湯底好濃好正 舊豚肉都夠哂味👌個面連男孩子都夠飽係抵食既！ 溏心蛋一定要試！！！真心流 真心好正 試完你就知😍 最後就係赤王😂唔係講笑都幾辣既 ！我只係叫左小辣😰但佢有齊左辣油 辣醬同辣粉 聽到都知抵食😂佢係香過豚王 但怕辣既朋友就真係食唔到So sad 😢啊……未講麵質🍲個人比較喜好硬d既 但佢未去到好硬😮但值得一提既係個麵真係好入味~❤終於做返個香港人 我既心情係會再去的🙆👍

一心想去試下, 朋友一早去等位, 我地黎到岩岩好入得點了豚王、黑王、赤王及翠王豚王: 原味, 反而係最好黑王: 普通, 軟身麵條不錯, 但黑色食唔到係墨魚汁味, 而且味道好咸赤王: 好辣, 蓋晒所有原有味翠王: 朋友係豚王fans, 早2日先到中環店食, 她說比中環店少芝士粉, 而且味道也不見突出店裡很細, 空間感欠奉, 而且員工很多, 更覺狹窄因為未入去已經填好食咩, 所以上菜速度很快, 等了差不多個多小時, 但食唔到半個小時湯底普通, 而且偏咸, 麵條是幼麵, 口感味道可以, 整體比一風堂較好員工也不時加水, 還有貼心服務(如提出), 可惜未見如其他食家所說的主動提供也沒有其他人所講咁好食, 一試是可以, 但等待時間太長, 要等冇咁多人先會再食我地食完唔夠11點已經冇人等位, 所以下次遲d先去食會好d

其實一路都好想黎試下食嫁啦, 由睇戲見到, 之後朋友同學又不同講, 只不過真係個個都排隊排到癲先食到, 基於本人太唔中意排隊, 所以一路都冇試結果, 話說讀中大既朋友Y實在太得閒, 佢去左排隊先等我同朋友P一落黎就有得食xD(朋友Y 萬歲!)一黎到, 等多左大約5分鐘就入得去食啦一早就係出面排緊隊既時候就"剔"左要食d咩值得一讚: 個表好詳細咁有得比我地customise我地既拉面有得剔幾辣, 面有幾硬, 湯幾濃......等等等等, 非常之好!((舖面其實幾細, 大約得20-30個位。)我中意食辣, 所以叫左赤王一黎就先試左飲個湯底, 非常之好夠辣, 又夠濃!而個义燒都非常之好食, 幾有彈性。面就相對黎講冇咁好, 我要左比較硬既面身, 但個面質, 都係麻麻-,-

有留意我的食評的朋友，都應該知道我是豚王的支持者。從豚王銅鑼灣分店開張，一連吃了四天已可知一二。不過支持不等於盲從附和，我也是會覺得豚王有不足之處，以下這篇文章，就是我對豚王的一點不同看法。赤王是辣味版豚王，現在的這個赤王，和我在中環第一次吃豚王的時候差太遠了。那個時候的赤王，辣得有勁，但不會過辣，辣的來源全靠中間那團辣肉醬，湯底就是豚王那招牌豬骨湯。現在你看到的這個赤王，除了那辣肉醬外，連那湯底也是赤紅一片，這個辣度已經超乎我所能接受的界限，過辣的味道，完全蓋過了豬骨味，可能嗜辣之徒會很喜歡，但這個赤王已經完全不是我杯茶。以前我較喜歡赤王多於翠王，但現在剛好相反。現在的翠王是明顯地改良了。翠綠的湯底上，灑上了芝士粉，份量比例調整得更好。以前吃翠王的問題是因為芝士很多，加上豚骨湯後感覺異常肥膩，現在翠綠份量加多，芝士份量減了，肥膩感也減低了。怪不得後來有不少食友也說翠王好吃，原來就是經過改量過。豚王身為拉麵市場的領導者，仍不會固步自封，除了開業的四王外，隨後慢慢加了元氣王、海老王等，都已經是長期供應。後來還有限定王，供應期只有數週，每天限定20碗，如果食客反應良好，說不定會加進長期餐牌

想食豚王好耐...今日本來係想去食魂...點知行錯咗...就將錯就錯...見豚王門口唔係好多人排隊,就好開心咁行埋去等,點知有個店員同我哋講隊尾係喺對面後巷...好彩都唔算好多人,等咗半個鐘就入到去,喺排隊嗰陣就已經tick咗menu,入到去好快就有得食,不過啲位真係好逼,對筷子成日撞到隔離朋友...我叫咗赤王同半熟蛋,比想像中spicy,不停飲水,個蛋真係好正!!!入面啲黃好好味!!!朋友就叫咗豚王,感覺都唔錯,比想像中飽,不過覺得味道有啲濃...

這家拉麵店所很多人的心目中都有著極重要的位置，雖然常跟食友們談起這裡的拉麵，但其實在中環店開業那麼久，我也只是去過一次，和食友們一口氣試所有口味的拉麵。沒想到這次銅鑼灣新店開幕，竟然跟上一次情況一樣，可以一口氣試了全部款式的拉麵，而唯一不同的是上次是自己付錢的，但這次是在一個apps發起的活動上得到的兩碗免費拉麵，實在很感激有關方面的安排。新店比起中環店大，但其實也不算很大，大概可以坐二十多個人吧。當天的試食活動很熱鬧，大家排著隊等著吃拉麵。上次提及過那位德高望重的朋友更加是豚王超級粉絲，他敢認第二應該也沒有人敢認做第一，他跟老闆也很熟，所以跟著他一起去絕對不會有錯。我們六個人，剛好可以每款湯底都點一個，除了點拉麵紙上的四款：豚王、赤王、黑王和翠王外，還有元氣王和新推出的海龍王可以試，至於要怎樣配搭每款湯底的濃稠度和拉麵的軟硬度等，我們全部交給豚王達人拍板，自己就安安份份的坐著等吃。檯上有兩瓶芽菜和高菜，還有拉麵汁和果實醋。醃製過的辣辣芽菜令我想起福岡的一風堂，裡面的芽菜前菜也是任吃的。這個芽菜爽口，不過比較適合放在湯裡同吃，如果單吃的話會比較鹹。麵條是幼直身的，軟身滑溜而彈牙。這裡所