鮨廷 (裝修中)

同屋企人行街，突然佢話想食壽司，見到附近有間日式餐廳就入去啦！餐牌有壽司、火炙壽司、軍艦、手卷、卷物等等，我哋就見咗唔同壽司試下。壽司師傅會喺你面前製作壽司。我哋叫咗真鯛($22/件)、赤蝦($20/件)、帆立貝($25/件)、油甘魚($28/件)、深海池魚($30/件)、芥辣八爪魚($12/件)、蟹棒蟹膏($25)、焦糖玉子($12/件)，師傅都係由淡到濃味奉上，仲會按進餐速度而提供下一件壽司。油甘魚、深海池魚都有油份，而軍艦個紫菜好脆之餘，滿滿的芥辣八爪魚好吸引。特別要提焦糖玉子，面層是脆脆的焦糖，下面是玉子，一次過食哂兩種口感。臨走時店員仲同我講，只要用電話號碼就可以成為會員，午餐叫Omakase就會有半價優惠，晚餐Omakase就有85折，下次有機會再試下。

初次嘗試立食壽司，呢間店係自助形式，檯上有玄米茶同綠茶粉可自助沖茶，填好點餐紙後交比面前的師傅。選了午餐的自選壽司定食10件 ($165)，已包括沙律同麵豉湯。師傅係你面前即場製作新鮮壽司，見你食完一件再整下一件比你。全部壽司都好新鮮，特別係帆立貝同甜蝦，勁鮮甜，絕對會再來光顧！！三文魚深海池魚+油甘魚赤身+帆立貝勁鮮甜蟹棒+玉子甜蝦好大隻鮮甜+鰻魚芥辣八爪魚軍艦赤蝦松葉蟹肉軍艦蔥拖羅軍艦蟹棒蟹膏軍艦三文魚籽軍艦另外追加左焦糖玉子，脆脆的焦糖加上甜甜的玉子，配搭起來係好好食的飯後甜點

尖沙咀開左間壽司店，特別在於立食，所以同朋友去體驗一下，其實企住食又唔太累，反而感覺好快消化，唔會頂胃，客人省時食店省成本，雙贏的做法，感覺幾有新鮮感。有自選壽司定食、魚生飯、單點壽司......自選壽司定食還可追加其他壽司，而且定食款內無的，所以可以考慮點個細既定食再追加壽司。定食包括味噌湯及沙律，我選了自選8款壽司定食。沙律用醋汁，酸酸地好開胃，味噌湯微熱溫戈，唔會太咸，配料有油豆腐同海帶。有兩款茶提供，個人較喜歡抹茶，茶粉幼細，一沖就溶化開，茶香味甘幾好飲。油甘魚好肥美，入口快要溶化，魚脂夠甘香，魚肉已塗上醬油，內裡亦有芥末，所以味道已經好足夠。真鯛肉質緊緻，魚味清淡，但有鮮甜味。若唔夠味，可再沾醬油。帆立貝唔算好大粒，不會嫩滑柔軟，幾鮮甜。壽司飯經調味後，成為醋飯，輕輕的醋味更越食越誘人。赤蝦好爽彈的口感，結實口感，不過見友人的甜蝦更為吸引。蔥拖羅軍艦，拖羅充滿魚脂，芳香吸引，味道係口中久久不拖，配蔥的辛辣味，更惹味更夾油香。三文魚籽軍艦，口中爆發鮮味，係海中的咸鮮味，而且味道幾強，魚籽份量也很多，由於師傅每件分開整，食完一件再整另一件，所以軍艦的紫菜都係好脆身，呢樣係幾好既安

我從來都覺得立食係一件好攰既事，但基於香港有土地問題，以致立食壽司店越開越有，為左想試下連鎖店以外既壽司，搵返正宗日本壽司感覺，今日都終於決定要獻出我既第一次！啲精選全部都好吸引店舖環境企理乾淨，一入內店員就主動幫我地放遮，話我地知枱底可以掛袋，又介紹枱面有咩，仲可以揀飲綠茶定玄米茶，服務超周到雖然舖頭細細但五臟俱全，呢度就算企滿人都一啲唔覺得逼，反而有種築地市場內壽司店既親切感第一件先上場既係令我地見到都流哂口水既三文魚壽司，外表肥美不在話下，油脂分明，再塗上餐廳既特製醬油，令到成件事個鮮甜味再昇華左一個level，入口有果種豐厚既感覺真係好感動而且！仲要只係9蚊！性價比超高第二件上場就係赤蝦壽司，上面既黑魚子既咸鮮味令成隻蝦既鮮甜再level up，聰明！帆立貝壽司又係食材新鮮到令人欲罷不能，師傅同我地講仲加左青檸，令到成件事非常鮮甜睇住師傅即燒既火灸三文魚又係另一佳作，佢唔會好似連鎖店果啲咁一咬落去就係即刻溶哂，師傅岩岩好燒左最面果一層，而且佢有咁上下厚度，令到人仲會食到三文魚果種甜味再上柚子既點輟非常清香左口魚邊食得多喇，右口魚邊係第一次！感覺上右口魚口感比較滑溜甘甜，唔怪得右

之前都未試過係香港食立食壽司, 咁岩今日放左工又未夠鐘上yoga, 就係附近食少少野, 立食壽司就岩晒啦。餐廳地理位置好方便, 裝修都好有日本既感覺, bar枱高度岩岩睇到師傅即刻製作, 即刻覺得好有日本風味!!壽司價位合理, 有平有貴, 最平$9起(當然係玉子/三文魚果D), 仲要件件都新鮮製作。bar枱上有玄米茶同綠茶粉, 個人比較喜歡玄米茶, 清得黎又有米香。灸三色壽司盛合($80)因為好鐘意火灸系列, 而咁岩呢3款壽司都岩口味, 分別係大拖羅/三文魚/左口魚邊, 3款之中我會揀左口魚, 因為燒完既魚油真係好香, 而大拖羅既口感都好軟滑, 正!!燒帶子配黑醋鵝肝($58)賣相好得! 本身覺得帶子同黑醋鵝肝唔係好夾, 會搶晒d味, 但其實係食得出3種味道, 複雜得黎又match!火灸海膽蟹棒壽司($50)係香港好少食到鮮味既海膽, 而呢件海膽係鮮甜既, 加埋燒過既蟹棒, 令到成件事好high class!XD赤蝦辣蕃茄莎莎($30)赤蝦就成日食, 配合埋蕃茄莎莎令到成件壽司更fresh。除左以上幾款特別推介既壽司, 仲食左其他普通壽司, 值得一提既係, 呢到既壽司米唔係普通醋米,