麺屋·隠 (已結業)

Ordered their 赤隱 and I love it and it was 過癮 😍 not too spicy, ramen texture was lovely but need to add the egg separately.The chicken cartilage gyoza was so so, cant really taste the chicken cartilage but i was just craving something deep fried.

一間毫不起眼的黃拉麵店，本來係屯天元區，甚至係香港黎講都好難搵到好食嘅拉麵店，都係沾麵居多，點知依間仲係黃店，更加加分。⭐️赤隱湯底叫左普通，都未揀濃郁都好濃郁. 日本拉麵平時叫辣都係唔辣，依間係少有地真係辣嘅拉麵，但真係好好味. 麵質都很好，無鹼水味👍🏻👍🏻 叉燒似自家整，唔係來貨切片。另外覺得拉麵唔可以無溏心蛋，所以隔外加了。依間絕對可以encore😆😆，價錢又唔係特別貴，不過舖頭比較細，位唔係咁多，但平日非繁忙時間都唔使等。

趁假期相約朋友去搵食，試得太多米線、車仔麵類既店鋪，今次試下拉麵，但香港既拉麵普遍貴夾水準低，所以本著一試無妨既心態去食，自然唔會有太大落差。餐紙有寫過既痕跡，我以為係上一手用過，諗住換過張先發現呢間店咁環保，會不斷重用餐紙。好彩係餐紙，如果其他嘢就怕怕。赤隱 $88- 湯底好惹味，初時食落會覺得唔夠味，越食越辣- 叉燒好有日本Feel，口感一流- 荀、木耳作為配菜，同湯底好夾，富有咬口店員見我咃無嗌嘢飲，會奉上凍水俾我哋，相當貼心。

山長水遠入到元朗，專揾一d黃色小店支持!呢間鋪真係好細，座位我見就得十幾個咋，店內有好多文宣，環境乾淨!拉麵有4款，白隱、黑隱、赤隱同限定白隱則係豬骨濃湯，黑隱係黑蒜油，赤隱係辣肉湯，限定隱係季節限定，會定期更換。我點左赤隱，因為我鐘意食辣，碗拉麵一到唔理咁多先試左個湯先，唔係好辣，唔錯。跟住撈埋d辣肉落個湯到，個湯就變左另一種辣比之前辣少少，但仍然好味，我另外加左一隻溏心蛋，味道都，值得加呀！另外此店同一般嘅拉麵店一樣都係可以揀湯嘅濃度，拉麵嘅軟硬度。店員禮貌好好!大家多多支持!

<赤隱>辣肉球十分有水準，辣度足又帶一點點麻，吃得十分過癮，湯跟麵都合格以上，溏心蛋需另外加，但流心程度滿分，唯一缺點是小店就如店名一樣十分隱蔽，身為地膽的我也花了點時間找😂😂

去元朗大棠行山。行山前係附近係個lunch 先，望落好有feel，所以揀咗呢間拉麵店。叫咗白隱同赤隱。白隱即是豬骨湯麵，飲得出的骨膠原，湯是起膠的。我加咗少少調味粉，所以有少少燈紅色。另外叫咗赤隱，即辣味拉麵。除了湯底加辣，仲加咗啲肉粒。都真係有少少辣，冬天食好暖身。店內裝飾品充滿日本特色。環境凝造到好「隱世」的感覺。靜靜地一個人食麵就好啱。好食喺好食，但真心有少少貴。元朗地區，仲要喺lunch time，成$70-$80 一碗麵無飲品。不過好近去大棠行山的K66 車站，方便的。

元朗舊佳記甜品附近，大坑渠直入去明愛陳震夏紀念中學嘅一小段路中間，有一間日本拉麵小店，店名叫做「隱」。雖然間拉麵店舖位面積不算很大，但是仲保留住一D傳統日本拉麵店嘅風格同面貌。我幾乎已經將屯門元朗天水圍嘅拉麵店都食完啦，而今次路過發現到呢間「隱」拉麵當然都唔會放過啦。當日雖然已經算早食晚飯(6:00) ，但估唔到店入面已經坐滿晒客人，所以都要等一陣間先有位，原來呢間「隱」拉麵都唔算太過隱秘。小食章魚小丸子外皮好脆，配埋味道濃郁嘅醬同脆脆嘅木魚碎，超正！入面係有八爪魚架男朋友就點左赤隱，佢話食落好辣，因為加左d辣肉碎，但係就辣得好滋味。叉燒切片切得比一般稍厚，而且肥瘦分明我點左黑隱，即係黑蒜油拉麵，黑蒜味好重，啖啖拉麵都有濃濃嘅蒜味，層次豐富，香味濃郁，肉就有少少「鞋」，不過完全唔阻礙我享受拉麵嘅味道，飲一啖湯，嘴中縈繞著蒜香和豚骨湯底鮮味。