曦

營業中

休息中

香港越黎越多高級鮨店，尤其哩兩年出唔倒國，更加多人捨得食。㬢同其他鮨店好唔同，因為全店得一個$1800/人嘅套餐，而且完全冇簡介有咩食，真真正正係廚師發辦，會多左一份期待感。㬢店面唔大，圍住壽司吧檯大約可以坐倒12個食客，一貫淺木色設計，感覺舒服。墨魚醋物 - 先黎一道開胃小菜，入面除左有墨魚，仲有青瓜同紫菜，酸酸地非常開胃。廣田灣生蠔 - 生蠔好大隻飽滿，海水味唔會太重，就咁加少少青檸汁食就得。真鯛 - 真鯛黎自愛媛縣，師傅將佢薄切，中間再包住北海道馬糞海膽，因為加左海膽，所以整個味道都好鮮甜。沙甸魚磯邊卷 - 磯邊卷入面放左好多沙甸魚，中間係芽葱，魚味幾重。北海道白象拔蚌 - 師傅喺象拔蚌上面落左岩鹽同青檸，象拔蚌口感爽脆。瀨尿蝦 - 師傅將瀨尿蝦 燒到暖暖地，加左岩鹽，所以可以唔洗蘸豉油，就咁用紫酥葉包住食，瀨尿蝦肉質軟腍有彈性，紫酥葉味道比較強，我自己就鍾意空口食多啲。等師傅上菜期間，都會食下啲配菜，食完師傅會再加，今次第一次見有芥菜頭，食落有少少似炸菜。燒太刀魚 - 似似地本地嘅牙帶魚，佢比較多油，食之前可以加青檸汁，等食落冇咁膩，如果唔夠味先蘸酸汁食，我自己就鍾意配酸汁食。

疫情終於受控，四月下旬晚市得以重開，舞會亦隨即開放，堅有XO仔心嘅靚女舞伴即相約舞前於鄰近嘅新店「㬢」嘆番餐廚師發辦，補祝細佬生日，認真客氣！小店離炮台山地鐵站不遠，巴士、小巴、叮叮附近都有站，交通絕對方便。地舖木造嘅門面、鮮紅色嘅布簾及光亮嘅招牌於灰牆上十分顯眼。步入店子，即可見到可容納上十人嘅壽司吧，掌舵嘅兩位師傅相當好客，而且平易近人。不用花巧之裝潢，木造嘅間隔足以滲出和風味。值得一提嘅就係男女共用嘅洗手間全自動模式操作，疫情下感覺尤其衛生。每位席上都擺有齊備嘅自用餐具、濕紙巾及口罩信封。桌上另有牙籤及額外嘅乾、濕紙巾。晚市只提供一款以店名取名嘅「㬢」廚師發辦套餐（$1,800/位）。電子飲品餐牌則有一頁之多。嘻嘻，酒鬼賀壽當然係要飲番兩杯啦！如貴客欲自攜佳釀，每樽720ml及1.8L日本清酒嘅開瓶費分別為$200及$500，價格都好合理。師傅備製魚生前，先送上清新爽脆嘅漬物送酒酒，細心得很。為晚餐作序嘅有暖胃嘅茶碗蒸。小碗中嘅燉蛋軟嫩滑溜，配料用上橙美厚彈嘅蝦隻、厚潤嘅帶子粒及幼嫩嘅松葉蟹蟹絹即倍添口感及鮮甜。頭兩道刺身均為組合菜。第一件師傅以愛媛縣嘅真鯛切成薄片，夾入海膽後再