Mother of Pizzas

營業中

休息中

終於試到長期都排長龍嘅 Mother of Pizzas!星期五晚去我哋起碼等咗個半鐘因為冇得book🥺我哋試咗加拿大人($228/ 13”) 同超級撒亞人肉腸($228/ 13”)。我自己就鍾意食前者多啲，有好多磨菇都幾足料。呢度嘅pizza唔係薄批脆底，個批係比較厚身，食落都幾煙韌。後者我就覺得啲蕃茄味有啲太重有少少酸，加上個批有啲太燶，會食到有苦澀味。至於值唔值得等咁耐，我覺得可以食一次嘅，但佢就未至於係朋友所講嘅全香港最好食嘅Pizza。可能期望太大所以有啲失望😣

Bookmark咗好耐嘅Mother of Pizzas，因為只接受三人或以上嘅訂位，聽講walk-in要排隊排好耐，唔鍾意排隊嘅我拖咗好耐終於嚟咗食。星期六大概6:15pm嚟到，排前面有四張枱，排咗大概半個鐘先入座。餐牌有多款pizza同意粉選擇。我哋兩個人叫咗一個13吋pizza同蒜蓉包。由於pizza係即叫即製，所以都等咗十五分鐘先有得食。首先上枱嘅係媽媽香蒜焗麵包，一上枱就聞到勁香蒜味。表面鋪滿Mozzarella芝士，芝士份量多有拉絲效果。每片麵包都好多蒜蓉好足料，食落有部份蒜比較生，所以有少少辣，非常惹味。想味道再豐富啲可以蘸蕃茄醬一齊食，蕃茄醬味道偏酸夾埋食感覺無咁膩。Pizza口味有多款選擇，好多款都好吸引！而且可以揀一半一半雙拼，價錢會收取較貴嘅口味。Pizza分為六塊，每塊都好大好多料。餅底薄，邊位就厚啲，批邊食落煙韌有咬口愛的夏天 Summer of Love 1967有菠蘿、肉丸、谷巴火腿同意大利肉腸，面頭淋咗帶有辣椒味嘅蜜糖。Pizza加菠蘿根本就好好味，同蕃茄醬底係個好好嘅配搭，再加上餐廳用嘅係新鮮菠蘿，而非罐頭糖水菠蘿，食落帶點爽口又清新。谷巴火腿同意大利

一直想食Mother of Pizzas好耐架啦，但知佢長期好多人排隊，令我卻步。今日專登去買外賣拎返屋企開餐(仲叫埋男朋友一齊黎食)，都等左半個幾鐘先有得攞。貪心既我梗係揀雙併啦，可以試多啲味，再叫埋香蒜芝士焗麵包。依家六點後冇堂食，外賣自取會送野飲，我就要左Zero。全部pizza都好足料，又唔過鹹，屬於厚邊薄批。我最鍾意超級撒亞人肉腸，覺得啲料同pizza最夾。兩款有菠蘿既pizza味道好相似，建議揀其中一款就得。火箭兵團係素pizza，始終冇肉好似差少少甘。同埋可能因為用火爐烤，所以有啲邊邊過燶。13吋火箭兵團拼椰香夏威夷人火箭兵團有水牛芝士、San Marzano 番茄、大蘑菇、紅洋蔥、火箭菜、車厘茄、帕馬森乾酪芝士，我唔鍾意紅洋蔥所以走左。椰香夏威夷人有水牛芝士、San Marzano 番茄、谷巴火腿、美式肉腸、新鮮菠蘿、椰絲，我唔鍾意椰絲所以走左。13吋超級撒亞人肉腸拼愛的夏天1967超級撒亞人肉腸有水牛芝士、San Marzano 番茄、羅勒香草、好多美式肉腸、意大利牛奶芝士、香蒜。愛的夏天1967有水牛芝士、San Marzano 番茄、谷巴火腿、意大利肉腸、新鮮菠蘿

一班朋友剛好路過就話入去食，聽人講好好食，所以見到排隊都排一陣。雖然店面都算忙，但員工態度仍然非常友善，等位時會派招牌蒜蓉pizza，同埋新出嘅酒精飲品，一試蒜蓉pizza之後覺得好好食，等多陣都抵。入到餐廳，預先點餐嘅pizza好快就到。所有pizza 都好好食，我好少覺得pizza好好食，但呢間pizza係我食過覺得最好食嘅pizza，尋晚食完今日又想再食，值得推介。雞味濃好足料，pizza皮好香軟，味道都好好。因為試食完覺得好好食，所以再點一次。18吋嘅pizza 好有滿足感，好足料。