孖寶車仔麵

營業中

休息中

每次來葵廣都會直奔3樓「掃街」。這次逛街逛到累，決定找家餐廳休息一下，選擇了孖寶車仔麵。3餸車仔麵套餐附飲料，湯底有三種選擇：清湯、腩汁、秘製汁。$60 車仔麵 (豬油渣 魚皮餃 朱紅 手打麵 秘製醬汁 凍奶茶)平常吃車仔麵時，我通常會點冬菇、魷魚等菜色。但這次看到這家麵店供應的豬油渣，一種比較罕見的菜色，就想試試看。果然驚喜，香脆的口感與湯底意外地搭配得宜，非常值得一試！朱紅一點都不腥，很入味，而魚皮餃也相當不錯。麵條使用的手打麵很有嚼勁，份量也相當大，一個人吃不完。$12 燒賣除了車仔麵，他們家的小吃也相當不錯。燒賣大小適中，口感不會太粉。$25 魚肉碗仔翅魚肉碗仔翅的底料非常豐富！一定要加上紅醋攪拌後食用，每一口都能品嚐到滿滿的料，相當滿足。$22 腐竹雞蛋糖水至於甜品，我有點好奇一家主打車仔麵的餐廳能做出什麼樣的中式甜品。結果發現他們家的糖水也相當不錯！一大碗的腐竹雞蛋糖水，暖暖的而且帶點甜，個人相當喜歡。總的來說，這家車仔麵的性價比很高，食物相當美味，價格也非常實惠。除了主打的車仔麵外，其他的小吃和甜品也相當不錯！

Sometimes good food is just on the street, you don't need to pay big bucks to find delicious food Cart Noodle/車仔麵 is a popular noods dish found in many HK food stalls. Order any of your favorite toppings to create a bowl of custom-made, price-friendly comfort food to satisfy your tum tumI had my rice noods in clear broth/清湯米, topped withork and Vegetable Wonton/菜肉雲吞▪︎Chicken Wings/雞翼▪︎Mushrooms/冬菇▪︎Marinated Tofu/鹵水豆腐▪︎Enoki Mushrooms/金菇▪︎Turnip/白蘿蔔Hot Lemon Water/熱檸水> Overall I like wings the mo

一個週末就會 近地鐵站出口嘅葵芳廣場 行下街食下嘢 孖寶車仔麵我幫襯多年 勝在舊街坊人情味選擇又多 仲有好多香港小食 價錢親民真係好 值得支持今日食咗個 #三餸車仔麵 配凍檸茶 揀左最配車仔麵嘅油麵 揀咗豬紅 大腸同埋蘿蔔 蘿蔔好鮮甜入味 豬紅滑捋捋 可以揀湯底有清湯 秘製汁 腩汁仲有佢自製嘅辣汁 呢度仲有糖水食 有腐竹雞蛋糖水同埋 蕃薯糖水 番薯糖水 大概有六七舊 滿足曬我鍾意食蕃薯嘅人 朋友仲嗌咗啲小食啦例如 魚肉碗仔翅 魚肉分量多 碗仔翅熱辣辣 真係最佳配搭 燒賣腸粉 我鍾意加勁多甜醬 熱辣辣上一直保持質素 最鍾意佢呢度有菜脯食送麵有辣有唔辣 仲有辣椒油添

唔知大家覺唔覺得 依家越嚟越少 #車仔麵 而新開嘅車仔麵檔亦越嚟越靚以前二、三十蚊就有兩餸、三餸 依家起碼要五、六十🤑而 #葵廣 地下呢間車仔麵 就貼地好多#下午茶 時間仲由$48➡️$42 #三餸一麵 包熱飲其後每款餸+$9#手打麵好似食油渣麵果啲厚身上海麵#秘製汁唔辣 又唔係滷水汁 又唔係沙嗲 我麵唔知係咩 不過幾惹味#豬大腸好肥 有陣陣豬大腸嘅香味 滷水都炆得夠腍夠入味#牛肚呢個幾好味👍🏻 雖然都係滷水炆#雞翼尖 滷水好難整得唔好食架喎 而且都起碼有六、七隻#花枝條有點失望😔我以為係腐皮炸果隻點知原來係好似魚肉咁 不過變咗花枝咁我想食果隻叫咩呢🤷🏻‍♀️#牛柏葉正常水準 不過白灼 所以冇咩味#鳳爪幾腍又入味 而且有幫佢地剪腳甲架🤣🤣#生菜 本身冇跟菜 想食菜要另叫#水魷魚 （額外+$3）都係白灼 但灼得耐咗 所以有點韌🥺我地兩個人share食 所以先KO 到咁大碗😂但好滿足🤣🤣另有 #小食 可散叫#燒賣 $10/5粒魚肉燒賣嚟嘅～#牛肉 $10/2粒牛肉球 酒樓水準 仲有～記得要試佢地嘅 #菜甫 有辣冇唔辣=====================#懲罰 #黃色經濟圈 #yellow

今日行過葵芳，食厭咗葵廣嘅小食，點知比我搵到間未食過嘅車仔麵！🥰仲要超多人排隊，好彩雖然多人但係座位都安排得好快❤️孖寶車仔麵。自選車仔麵嗱嗱嗱菜單就喺度啦大家可以見到我食咗碗超豪華嘅車仔麵最最最重要嘅係佢竟然唔使$80！喺香港$80食咗啲乜嘢😂我加咗牛腩、牛丸貢丸、蘿蔔、豬頸肉、沙嗲牛肉！真係好好味！一想到你已經有好濃郁嘅沙嗲醬味，簡直忍唔住流口水最正就係可以將啲面撈埋沙嗲醬，仲有佢嘅秘製汁🥰，人生簡直太快樂啦！好欣賞佢嘅豬頸肉同埋沙嗲牛肉😌！真係好香好Q😍肉味好正，而且口感好好😍牛丸同貢丸都真材實料，味道正宗，爽口彈牙😌啱晒我😂另外加咗一杯香港特色：茶走❤️好香濃好絲滑🥰會話非常正宗，最愛煉奶嘅甜味。

今晚勁凍，想食熱辣辣嘅野，但又想快食留時間打機，最好就係食車仔麵。魚旦，鳳爪，豬皮，雞腎，咖哩魷魚，米粉，加辣，仲有滷水拼盤，唔洗幾分鐘已經攞得走人。打開蓋好香，魚旦ok夠彈，鳳爪入味，豬皮乾淨索哂湯汁好正，好少車仔麵有咖哩魷魚，魷魚靠咖喱汁調味，做得車仔麵又難唔到佢，幾香咖喱味。$49滷水拼盤都幾多餸，有雞翼、鳳爪、雞腎、雞蛋、翼尖、豆腐，個滷水汁超濃味，所以每樣餸都夠哂入味，最鍾意食滷水雞翼，滷水蛋都唔錯。

今日約咗朋友喺葵廣食午餐，大家都好肚餓，又想坐低慢慢傾偈唔想掃街，於是選擇近葵廣入口嘅車仔麵食，之後先慢慢行街。呢間餐廳都有好多人幫襯，車仔麵食材選擇繁多，唔錯！3餸麵套餐+4餸 $78- 今次我嗌左總共七個餸，因為今晚要比較晏先食晚餐，所以午餐要食飽啲。我叫咗貢丸、生菜、金菇、魚肉春卷、滷水蛋、菜肉雲吞、芝士腸、米粉加腩汁。食物上菜速度好快，不過米粉變咗做米線，朋友叫嘅滷水豆腐擺咗喺我嗰度，不過唔緊要啦。每個餸我都好鍾意，最推介嘅係滷水蛋，佢滷得好入味，蛋白有少少實，係我鍾意嘅質感，推介！貢丸、魚肉春卷爽口！其他餸都正常發揮，係腩汁比較油膩，如果想食得健康啲嘅話，可以叫清湯。如果淨係叫三個餸嘅話，我會選擇滷水蛋、貢丸同金菇加清湯米粉。順帶一提，原來呢度堂食都係用發泡膠碗同紙杯即棄餐具，希望遲啲餐廳可以用返循環再用嘅餐具啦，為環保出一分力！

今個禮拜疫情越嚟越嚴重，開始唔敢出街食嘢，連薪餐廳都唔敢啦。如果出街，大家都係搵啲乾淨嘅外賣食下好啦。 今個禮拜五放工，去咗一田掃貨買嘢食遲啲返屋企煮。一田人頭湧湧，買嘢排隊都用咗成個鐘，買完已經好肚餓，所以就喺葵廣買外賣返屋企食。孖寶車仔麵就喺葵廣地下，我見佢有指定嘅衛生指引比員工跟隨，而且我睇住佢哋整嘢食，個衛生都唔錯，於是就吸引左我去買佢嘅外賣啦。佢門口有個外賣處俾人哋寫嘢，同埋等外賣。佢嘅主打係車仔麵，有好多唔同嘅餸， $46有三個餸，價錢都好合理。我叫咗冬菇+生菜+菜肉餃子配秘製汁米線，叫多個碗仔翅($20)， 燒賣($10)。等左五至10分鐘左右，個外賣就OK，之後我用左半個鐘返屋企，唔知個外賣嘅condition係點呢。。。。答案係都唔錯喎，講車仔麵先，雖然個面冇分到湯，但係我叫嘅米線浸左半個鐘都無發脹，返屋企加少少水就可以還原。佢嘅車仔麵嘅面底都幾多，米線浸左好耐都冇乜發脹，外賣來講幾好。秘製汁湯底幾好食，幾惹味。冬菇淋得黎好入味，生菜同菜肉餃子正常，份量好足夠。碗仔翅係非常之好食，佢入面啲冬菇好大隻好足料。佢嘅碗仔翅比較杰，味道較濃，$20一碗，果然一分錢一分貨。最尾

葵涌廣場出晒名多嘢食，不過都係小食為主。今日午飯時間係附近做完嘢搵地方食晏，就試吓呢間嘅車仔麵見佢招牌以只有車仔麵，原來有好多地道港式小食，我見到附近有人叫碗仔翅好吸引，不過可惜我只有一個人，唯有獨食碗車仔麵算數。車仔麵的餸種類都算好多，除咗一般車仔餸，最特別係佢有港式小食嘅餸，咁我可以試多幾款，唔洗額外再叫小食，抵讚！我揀咗水魷魚、牛雜、咖喱魚旦同埋牛栢葉，全部都係我平時掃街最鍾意食嘅小食。連埋麵底都只係$48，幾抵食。平時係旺角要兩串牛雜都20幾啦。重點推介牛雜！雖然要加$4但好足料。每一嚿雜都好有濃花椒八角味，勁香口！就連我平時唔食嘅牛腸佢都煮得好淋好入味，忍唔住食晒！水魷魚都好正，夠彈牙又夠大隻！咖喱魚蛋有成6粒，粒粒都爽口的，不錯！牛栢葉相比下就無乜特別。每碗車仔麵都會跟少少菜，呢一點好抵讚。不過唯一敗筆就係個粗麵煮得好琳，過咗火冇乜口感，好彩味道搭救。汁底我揀咗秘制汁，個名好神秘😂原來係辣汁，但又唔係一般麻辣又唔係一般辣醬，辣得嚟好香口，必試！凍檸檬茶少甜係真的小甜，甜度剛剛好，亦飲得出有茶味。值得一提嘅係，枱面有菜譜免費提供，有辣有唔辣。辣菜甫好香口，唔算好辣，唔食辣嘅都

一排無食車仔麵今日陪女友去到葵涌行葵涌廣場食順便食下這裏嘅名物孖寶車仔麵此店除了有車仔麵，還有好多街頭小食，例如：魚肉燒賣，魚肉條，碗仔翅，最特別係主食除左麵同飯好，仲可以揀腸粉每枱也有兩款菜圃，可以任加，一款辣，一款唔辣，同樣好好味我哋來的時候剛好下午茶，原本$45一個車仔麵包三餸，下午茶只需$39，而我多了兩餸+$2沙嗲汁-我揀左蘿蔔，豬紅，牛腩，牛肚同咖喱魷魚沙嗲汁好值得加，好野味，令整碗麵層次提升牛腩唔怕韌，而且重牛味；牛肚好淋；蘿蔔好好味，好入味，多汁無渣，清甜；咖喱魷魚爽口得嚟唔韌；豬紅亦好入味，很滑仲送熱飲，而我揀了換樽裝豆漿，豆味濃，而且幾大枝下，飲完消辣又解渴而女友叫碗墨魚條碗仔翅，碗仔翅好耐無食，湯底濃郁鮮味，味道好好，再加上墨魚條不是平時魚肉條係碗仔翅果隻，墨魚味好重

又一次去葵芳血拼一輪，攰攰哋又有啲餓，就順便再去孖寶醫肚上次無影到，佢個餐牌設計到好似武林秘笈咁，好有趣，食物品種同埋選擇都唔少，去幫襯時不妨揭吓睇清楚先不過呢次因為心急想食嘢，都係叫車仔麵算數，貪佢快靚正而佢又的確好快就上枱今次點咗個5餸車仔麵湯底加咗腩汁，飲落好鮮甜可能今次剔餸多咗，變咗每種食材嘅份量亦少咗，不過勝在可以試多啲口味有餡嘅肉丸爽口彈牙之餘又有啲肉汁，幾好味豬頸肉唔韌，調味都唔錯值得一提，手攪麵幾特別，夾起嚟麵身幾挺，以為食落會硬身，但真係入口咬落又係另一回事，比想像中柔軟，仲索晒湯底嘅味道，都幾好食，有機會去開葵芳嘅朋友可以去試吓~

葵芳選擇多，但如果唔想立食，就緊係落地下果層搵食喇！行過見到孖寶車仔麵的鹵水好似鹵得好出色，每款鹵水食物都令人好想試，而且平日的下午茶時間人流都好多，一於就食呢間喇！就係呢d鹵蛋，鹵雞脾，鹵豆腐吸引左我地坐低食架喇！鹵水味真係好香！餐牌設計到成本武林秘笈咁餐牌的種類都好多！車仔麵的餸真係花多眼亂仲可以當小食咁點，如果唔想食成碗麵咁full, 就可以點1、2款小食喇！車仔麵有餐紙自己tick, 唔駛驚落錯單！小食鹵豆腐鹵蛋賣相非常吸引食物完全上了鹵水色而且仲有好多鹵水汁豆腐同蛋都鹵味十足每咬一口都食到啖啖鹵水的香味果然色香味俱全生菜魚肉翅生菜放碗面證明翅的份量好足（不會用菜墊底）魚肉都好大舊車仔麵選了牛丸/菜肉雲吞/鹵豆腐/米粉最重要的是祕製汁祕製汁味濃而不辣是整碗麵的精華另每枱都有辣同唔辣的菜脯，個人覺得佢同碗仔翅最夾

葵涌廣場而家人來人往，樓上都多左好多不少的店舖賣小食，午餐。但要講車仔麵，一定係呢間!!我之前都黎齊都試過無數次，真心好味既野唔怕一講再講!!呢到雖然人流都好多下，但好多人都快快食完又到下一輪，所以每次都唔洗點等位。老實講以佢既價錢黎講，一定係抵食加好味。以前食好多車仔麵店，而家好多都加左好多台式既湯底或者泰式既口味。但我最鐘意既始終係港式!!孖寶車仔麵唔止有車仔麵, 仲好多款飯同小食，選擇好多，一定係有香港人既心水。唔好以為呢到既環境，D呀姐一定事事旦旦或者粗粗魯魯。我問左幾款醬汁有咩分別，呀姐都好好笑容咁解釋我知，落單快手。3餸車仔麵套餐$44包熱飲<=去邊到搵?車仔麵我揀左豆腐、麻吉燒、牛柏葉、咖哩魷魚河粉,  沙嗲汁黎到一定要試佢既咖哩魷魚，真係好好味。老實講香港唔係好多間做到咁有港式口味，唔會得個辣字。仲有，我偷偷地試埋我朋友揀既秘製汁，真係好香好好味又唔辣，大家下次都可以試下。

由於每次返工都好趕時間，呢間舖頭唔送外賣，但今日可以早d收工, 試下堂食嘅感覺先。首先佢嘅車仔麵係超多選擇由於我喉嚨痛，所以今次唔食咁辣，揀咗佢哋特製嘅秘製汁。 秘製汁唔辣得嚟又惹味推介！ 下午茶時段去$39 三個餸，仲要包熱飲，抵叫埋我兒時最愛嘅碗仔魚肉翅兩溝， 碗仔翅足料魚肉夠哂味。燒賣嘅質地同出便小食店唔同，煙韌， 加啲辣椒油同豉油冇得輸，平時我都喺係度叫外賣燒賣墨魚鬚就稍為硬咗少少， 不過個汁好味搭夠！我在附近商場返工，如果可以送外賣就好了

今日黎到葵芳行街，葵涌廣場，新都會依然係大眾愛到既地方。買完衫，睇完精品，黎到葵涌廣場地下，打算食返個下午茶呢間孖寶車仔麵 人流好多幸好座位都多的服務員姐姐很快就幫我找了兩個位置看完餐牌後，決定叫了一碗車仔麵，兩隻雞脾，麻吉燒來試試3餸既車仔麵 選了蘿蔔，五香肉丁，雞翼蘿蔔炆得好林好入味，沒有渣，做得好好五香肉丁 味道都是五香肉丁的味，但份量都比得多，大大粒的五香肉丁，相信都有5至6粒。五香肉丁味道好濃 令成個麵既湯底都有dd五香肉丁味，令湯底都更香濃雞翼 甜甜的 肉都很林 炆得好入味 完全會令人愈食愈想食下次再來 我一定要叫一份雞翼食 麻吉燒可以選配醬汁或配湯我選了配醬汁醬汁甜甜的 幾得意麻吉燒感覺就是食緊甜甜的芝士魚丸咁入面有超多芝士架 芝士迷一定要黎試下口感幾q彈。。芝士味濃 的確唔錯最後2隻雞脾黎到啦醃得好入味 甜甜又帶點咸既汁 令雞脾啖啖咬下都有濃濃既醬汁味雞肉又嫩滑 有肉汁大啖大啖咬落去感覺好爽呢間餐廳值得讚揚既係 佢會係雞脾碟邊放上一隻手套，比大家可以戴上手套 手持雞脾大啖大啖咁咬 又唔洗怕整污自己既手 整體用餐感覺係。。快靚正