影片
更多
2019-12-03
124 瀏覽
葵涌廣場出晒名多嘢食，不過都係小食為主。今日午飯時間係附近做完嘢搵地方食晏，就試吓呢間嘅車仔麵見佢招牌以只有車仔麵，原來有好多地道港式小食，我見到附近有人叫碗仔翅好吸引，不過可惜我只有一個人，唯有獨食碗車仔麵算數。車仔麵的餸種類都算好多，除咗一般車仔餸，最特別係佢有港式小食嘅餸，咁我可以試多幾款，唔洗額外再叫小食，抵讚！我揀咗水魷魚、牛雜、咖喱魚旦同埋牛栢葉，全部都係我平時掃街最鍾意食嘅小食。連埋麵底都只係$48，幾抵食。平時係旺角要兩串牛雜都20幾啦。重點推介牛雜！雖然要加$4但好足料。每一嚿雜都好有濃花椒八角味，勁香口！就連我平時唔食嘅牛腸佢都煮得好淋好入味，忍唔住食晒！水魷魚都好正，夠彈牙又夠大隻！咖喱魚蛋有成6粒，粒粒都爽口的，不錯！牛栢葉相比下就無乜特別。每碗車仔麵都會跟少少菜，呢一點好抵讚。不過唯一敗筆就係個粗麵煮得好琳，過咗火冇乜口感，好彩味道搭救。汁底我揀咗秘制汁，個名好神秘😂原來係辣汁，但又唔係一般麻辣又唔係一般辣醬，辣得嚟好香口，必試！凍檸檬茶少甜係真的小甜，甜度剛剛好，亦飲得出有茶味。值得一提嘅係，枱面有菜譜免費提供，有辣有唔辣。辣菜甫好香口，唔算好辣，唔食辣嘅都
葵涌廣場出晒名多嘢食，不過都係小食為主。今日午飯時間係附近做完嘢搵地方食晏，就試吓呢間嘅車仔麵
見佢招牌以只有車仔麵，原來有好多地道港式小食，我見到附近有人叫碗仔翅好吸引，不過可惜我只有一個人，唯有獨食碗車仔麵算數。
車仔麵的餸種類都算好多，除咗一般車仔餸，最特別係佢有港式小食嘅餸，咁我可以試多幾款，唔洗額外再叫小食，抵讚！
我揀咗水魷魚、牛雜、咖喱魚旦同埋牛栢葉，全部都係我平時掃街最鍾意食嘅小食。連埋麵底都只係$48，幾抵食。平時係旺角要兩串牛雜都20幾啦。
車仔麵
43 瀏覽
0 讚好
0 留言
重點推介牛雜！雖然要加$4但好足料。每一嚿雜都好有濃花椒八角味，勁香口！就連我平時唔食嘅牛腸佢都煮得好淋好入味，忍唔住食晒！水魷魚都好正，夠彈牙又夠大隻！咖喱魚蛋有成6粒，粒粒都爽口的，不錯！牛栢葉相比下就無乜特別。每碗車仔麵都會跟少少菜，呢一點好抵讚。
不過唯一敗筆就係個粗麵煮得好琳，過咗火冇乜口感，好彩味道搭救。
汁底我揀咗秘制汁，個名好神秘😂原來係辣汁，但又唔係一般麻辣又唔係一般辣醬，辣得嚟好香口，必試！
凍檸檬茶少甜係真的小甜，甜度剛剛好，亦飲得出有茶味。
值得一提嘅係，枱面有菜譜免費提供，有辣有唔辣。辣菜甫好香口，唔算好辣，唔食辣嘅都可以試少少。
張貼
