港 (已結業)

猶記得年幾前食過Bread & Beast既牛腩三文治留下不俗印象，本來以為呢間港式新派fusion菜係旗下分店，黎到先知原來係原址轉型，就試試有冇進步到。港式咸檸炸雞 ($158)基本上呢餐就係衝著炸雞而來，幻想中係Jollibee個種咬開「咔嚓」一聲既脆皮，點知香就夠香喇，外皮反而冇想像中咁香脆。 雞件熱辣辣嫩滑又入味，味道有少少似西檸雞咁酸酸甜甜，幾香口惹味。話梅乳豬 ($208)西式乳豬一般比較貴，我幾欣賞乳豬有兩排、份量十足，豬肉亦厚實嫩滑有肉味。 乳豬皮好透薄酥脆，點埋開胃既話梅醬完全唔會油膩，略嫌放左一陣就冇咁脆皮喇，但整體係物有所值。避風塘芝士蟹腸粉 ($168)滿滿既芝士同蟹籽組合已經冇得輸，一夾起腸粉就有戲劇性既拉芝效果，未食就令人心癢難耐。 老實講我最怕個種得個樣既韓式拉絲，食落同無味既香口膠一樣好無癮，好滿意呢度用既芝士好香濃幼滑，基本上腸粉只係一個用黎瘋在點醬既載體，好味到爭d連碟都lam埋，全台大讚。豆豉鯪魚凱撒沙律 ($88)本來以為兩樣野大纜都扯唔埋，食落又幾夾喎。 凱撒沙律本身已經好好味，生菜夠爽脆，每一塊都有蛋黃醬包住，重點係好耐冇食豆豉鯪魚，感覺特

呢間叫港嘅餐廳，睇左下d相片，見佢用曾皇帝字體寫嘅餐牌，就知道係一間好地道嘅港式酒吧。d菜式好fusion,好創新，所以專門去試一試。餐廳位於汕頭街，靜中帶旺，地方不大，但裝修簡約優雅。坐低左先發覺原來老細係外國人，唔太識講中文，但開左間咁地道嘅餐廳，真係好amazing。餐牌上嘅菜式都係好港式，好多都係用中式嘅調味方法。叫左幾樣小食，一份港式咸檸炸雞。酒吧食蔥油餅我都係第一次試，再叫了一份黑蒜蛋黃醬去搽蔥油餅食，味道真的好夾。雖然蛋黃醬份量唔多，有d貴，但黑蒜味好香，夾埋蔥油餅一齊食非常好味。蓮藕片炸得好脆，相對平時食嘅炸薯條點茄汁更為健康。藕片上的白色醬汁，我初時以為係蛋黃醬，結果一放入口，嚇左一跳，竟然係腐乳汁，估唔到可以將平時面鋪食油菜嘅腐乳汁發揮得咁淋漓盡致，真係估佢唔到。接下黎嘅車厘子可樂牛腩腸粉，又係一樣玩轉傳統點心嘅fusion菜。腸粉皮好薄好滑，可樂牛腩好冧，味道好特別，配埋墊底嘅芽菜同韮菜一齊食，比傳統點心更好味，fusion 又勝一籌。最後呢個港式咸檸炸雞，老細叫佢做KFC，呢個唔係fusion 嘢，應該真的同KFC炸雞差不多。用牛角載著嘅炸雞真的好吸睛，隻牛角好

環境方面入到去已經覺得好chill 昏暗燈光同音樂令到環境好relax重點係港式同西式菜既Mix and Match, 今次叫左 糖醋豬腩肉, 車厘子可樂牛腩腸粉同話梅乳豬糖醋豬腩肉一尼到好香 肉質故意煎到表面脆脆地 (似西式佐酒小食既咬口) 所以唔會太油膩 糖醋味好夠 再有蔥香同少少辣椒吊味 車厘子可樂牛腩腸粉 夠滑溜 原片牛腩比腸粉包住 口感同平時茶樓一舊舊切碎咗既牛肉冇得比 好有新鮮感 雖然車厘子係配菜 但係佢甜甜地配埋腸粉既汁好juicy同入味👍🏻最好食係話梅乳豬 乳豬豬皮整得好香脆 肉質煮得岩岩好唔會好老 仲係熱辣辣上碟 話梅醬都好夠味 最後餐廳職員服務好好咁樣問我地意見 仲介紹咗兩隻dessert cocktail - 芝麻糊豆腐花 同 楊枝甘露; 呢度氣氛好好 菜式既mix and match 連Hong Kong Local 都覺得有新鮮感 值得推介👏🏻