金鶴拉麵 (閩街)

營業中

休息中

上次夜晚經過要排隊，排左一陣店員出黎同啲人講無咁快有位，叫人地想食就去土瓜灣啦，舖頭最多位😑咁當然佢咁既態度我就梗係無再等。最近見ig好多人寫佢好好食，咁啱今次下晝黎到見到無咩人就打算入去試下。叫左個最出名既雞白湯拉麵 ($98)，有一大束炸牛蒡，炸得幾脆，都幾特別。奶白色湯底濃郁，一塊叉燒，兩塊雞肉，肉質都唔會嚡口，麵質係軟硬度適中。辛味拉麵 ($88)有辛辣香料，不過唔算好辣，整體不過不失啦。其實就唔算貴，不過太多人吹捧到好好食，又成日有人排隊令我期望好高，可能比普通拉麵店好食少少，不過都未必想再幫襯。

🌸佐敦美食🌸金鶴拉麵🍜好不容易又到星期五，一定要好好慰勞一下這星期自己的工作辛勞💪🏻忽然之間又想念以前有得去旅行去日本食拉麵🍜既日子🥺所講今晚決定去食日本拉麵🍜一解思念日本之愁❗️今晚去了金鶴拉麵品嘗餐廳馳名的雞白湯拉麵及辛味拉麵❗️餐廳門口裝修非常富日本風情，店內的裝修非常別緻❗️座位寬敞，每張餐枱下設有置物籃予客人擺放隨身物品。我們一行2人共惠顧了以下2碗拉麵🍜：1️⃣雞白湯拉麵 $98雞白湯拉麵配有2大塊雞肉🐓、1大塊日式叉燒、半隻糖心蛋🥚以及一大束鮮炸牛蒡❗️賣相非常討好，打卡一流❗️拉麵湯底呈奶白色而且味道滿鮮雞湯香甜味❗️此配搭非常出色，十分推介給喜歡食雞白湯拉麵的朋友👍🏻美味指數：⭕⭕⭕⭕️⭕️賣相指數：⭕⭕⭕⭕️⭕️抵食指數：⭕⭕⭕⭕️❌2️⃣辛味拉麵 $88辛味拉麵，麵如其名，配有惹味且香辣而不燥的高湯❗️同樣配有2大塊雞肉、1大塊日式叉燒及半隻糖心蛋🥚喜歡食辣的朋友不要錯過👍🏻美味指數：⭕⭕⭕⭕️❌賣相指數：⭕⭕⭕⭕️❌抵食指數：⭕⭕⭕⭕️❌

尋晚終於試到係朋友圈已流傳一段時間 - 好評如潮, 係本年度性價比高的拉麵 - 金鶴拉麵(佐敦)。雖然尋晚早食時段(6pm), 但不斷入客而外邊仲一直人等枱。 到我地有位坐低就二話不說, 叫了皇牌拉麵 - 「金鶴雞白湯拉麵」($98),及「辛味拉麵」($88), 兩款都是必食。因為湯底好濃, 尤其雞白湯, 一飲就知超足料, 好有膠質感同滴雞味高水準。而辛味拉麵起初擔心會太辛辣, 但原來辣啱啱好我會稱為「女人辣」, 好啱女人食, 仲有兩者的麵質口感好彈牙同好滑, 我地坐Bar枱所以係咁望實師傅點樣淥個拉麵底, 原來少些工力都不行!!同時兩款拉麵都配料豐富 - 雞胸、火炙叉燒、糖心蛋(金鶴雞白湯拉麵)。小食亦一絕, 「煎日式餃子」($33), 「日本明太子雞翼」($48), 我習慣去試一間新店時會盡試其看似簡單既菜式, 因為如果連小小一道簡單菜式已經好好味, 此店一定不能錯過。所以叫了金鶴的煎餃子, 肉質好豐富同最緊要煎得唔油, 食完個口唔會一泡油咁(高手), 而「明太子雞翼」好足料, 一咬成舊雞翼內心包圍晒明太子涵料但都只係$48/碟, 成餐都只食左$ 300以下仲好飽。所以真係 - 本

豬小姐今晚尼「金鶴拉麵」嘅目標相當明確 就係尼食尼排hit爆嘅招牌主打 白雞湯拉麵知道時間一晏就會大排長龍 豬小姐醒啦 五點九左右就到達現場 成功入座和諧燈光配合木系裝潢 令環境更充滿和式風情 感覺舒適服和諧牆上掛畫壯觀吸睛 以鶴為主題嘅掛畫更有整幅牆咁巨型 成功吸引食客嘅目光豬先生豬小姐被安排入座到bar枱位置 可以望住廚師煮食 加上望實可愛金色招財貓仔 坐到個好位先上小食 芥辣八爪魚芥辣味極重 八爪魚爽脆有咬口 又夠凍日本明太子雞翼新鮮煎出而非炸 唔會太油膩雞翼漲卜卜 餡內充滿微辛嘅明太子 餡料嘅不吝嗇令雞翼更加飽滿 啖啖肉傳說中招牌嘅雞白湯拉麵 奶白色嘅白雞湯相當濃稠 質地較杰身帶黏雞湯係用赤雞淆製六小時而成 濃郁香甜 係真雞湯尼 忍唔住飲哂個湯底 飲完都唔會好口乾拉麵雖然無得選擇軟硬度 但質感彈牙偏硬 合哂我心意喎叉燒肥瘦適中 值得一讚嘅係雞肉 口感嫩滑 一啲都唔嚡口 好hea但真心講句 好有雞味炸牛蒡為裝飾 一定要即食呀 否則浸耐左味道會變苦好高汁嘅拉麵呀 oiishi辛味拉麵嘅湯底呈橙紅色 有一層薄薄嘅油面辣嘅感覺唔係死辣 而係慢慢滲岀 由舌頭再到喉嚨 幾過癮程度屬於小辣

平安夜周圍都食著聖誕大餐，但我同老公就鍾意簡簡單單，平平靜靜地過，所以選了這間位置比較僻靜的一間新的拉麵店。本身覺得位置比較偏僻，應該會比較少人，但來到的時候都全院滿座，幸好等了一會就有位了，仲好幸運地安排了坐吧枱。老闆會很細心地為每一位坐吧枱的客人推櫈，還細心地幫我們放好私人物品，及附上日本製嘅濕毛巾，感覺好高級，招呼十分周到，這個要先讚呀!餐廳環境不算大，但裝飾得跟日本拉麵店一樣，有一個開放式廚房，完全地可以欣賞到廚師煮麵的過程，所以睇得開心食得放心，只是對著廚房是會比較熱的。雖然餐廳細小，但餐牌卻很丰富，主打的拉麵有5款之多，除了拉麵外，還有沾麵，活燒蒲燒鰻魚飯更是另一主打，還有餐前/佐酒小食提供。今晚我選了主打金鶴.雞白湯拉麵，豬骨湯底的拉麵吃得多，雞湯拉麵就比較少。坐於吧枱前便可清晰地看見廚師們會用攪拌器將湯底打至柔滑起泡，所以入口鮮甜帶雞味，濃而不油，呈現奶白色，配料有黑豚，溏心蛋和慢煮赤雞。黑豚肥瘦均勻, 肉質夠鬆軟. 而雞肉因為慢煮關係，相當嫩滑，店員更溫馨提示因為是慢煮關係，雞件會有少少凍。還有炸牛蒡放於麵上，炸得香脆，侍應還細心提點要將它先食，免得變得軟身。麵質食落