愛上米線 (香港仔中心) (已結業)

老實說，我對X仔的米線麻麻地，可能我已對麻辣、酸辣等口味生厭。還是本地口味啱我，加上就在樓下超方便，教我如何不愛上它？今晚外賣到成枱都係，有湯米線，有拌米線，有小食，有特飲，還有一份蔥油餅明天做早餐。由於每份主食減十元，全部加埋都只係二百元，好抵。外賣包裝企理，連辣椒醬都細心的為你準備好，贊。紅燒排骨湯米線選了我最愛的牛骨湯，濃郁清甜少油。排骨有八件之多，又腍又入味。辣椒炒肉拌米線這是我最我的米線，青辣椒不辣而香，炒五花腩薄片又香又惹味，一粒粒的黃豆炸得鬆化，食之前拌一拌，香噴噴。的確，無需什麼花椒麻辣重口味，簡單的醬油豆豉反而令你百吃不厭。以上主食加$18轉套餐，有小食和飲品（特飲+$4）小食選了話梅小番茄和醋香青瓜白木耳，全都清爽好味，酸度適中。特飲是雙檸梳打茶和芒果乳酪梳打雙檸即是檸檬和青檸，少少酸澀很開胃。芒果乳酪梳打不但好飲，杯中還有爆珠，好正。套餐外叫多個小食：炸蝦醬雞翼，三隻（$28），香脆夠味，每次都要食。我好喜歡食蔥油餅，它的蔥油餅雖然無乜特別，但藤椒雞粒就非常好食，雞肉嫩，藤椒香，與蔥油相配是你估唔到的合襯。

今日放工成8點幾番香港仔，諗住買個外賣番屋企醫下肚，搵搵下見到呢個大招牌，諗住見未食過就走左入去，見餐牌唔貴仲要有主食減10蚊，真係認真抵跟住聽餐廳講佢地嘅米用日本珍珠米，連鹽都用海鹽，真係估唔到一間米線舖會用料咁精細，於是我就叫左佢地兩個招牌，辣椒炒肉拌米線同埋招牌脆炸蛋肉沬拌飯，加埋炸蝦醬雞翼辣椒炒肉拌米線，餐廳係用辣椒本身嘅辣味去提味，不過唔會太辣食落夠惹味，同埋肉係新鮮五花腩，餐廳係自叫自炒所以五花腩非常香口，米線份量畀得又夠多，都幾令人驚喜嘅招牌脆炸蛋肉沬拌飯，又係令人驚喜嘅野食，首先個蛋係流心蛋，肉沬個汁教得非常好入口，用黎配飯一流，外賣仲要減10蚊，38蚊就食到咁足料嘅飯，邊度有先炸蝦醬雞翼比一般炸雞翼香口，用黎配飯好好，唔覺唔覺就會食哂

今日做野經過見到餐廳個裝修好得意，因為好小米線舗個裝修咁有特色，於是就畀吸引左入去食。一入去侍應就好熱情咁招呼我地，細心咁介紹餐牌嘅食物，仲介紹餐廳可以任加米線同白飯。不過真係估唔到餐廳嘅白飯係用日本珍珠米，湯底係自家製唔加任何味精。跟住經餐廳叫左幾款野食，都真係幾有驚喜!!!辣椒炒肉拌米線即叫即炒嘅辣椒炒肉，一上枱已經聞到香味，入口超級香口，辣度岩岩好完全唔會嗆喉。米線加入餐廳嘅秘製嘅醬油，同辣椒炒肉好夾，兩者非常配合得岩岩好，餐廳仲可以任加米線，岩哂米線FANS話梅小番茄另外套餐其中一樣包嘅小食就係話梅小番茄，呢個小食通常係高檔中菜館先有，餐廳醃得岩岩好，唔會太甜，入口清涼，食緊辣椒炒肉拌米線配呢個小菜簡直一流

唔知幾時香港人愛上食米線，米線店愈開愈多，不過大多集中四川、雲南、酸辣等口味。今日喺香港仔試咗一間新開的米線店，尋回本地口味，感覺不錯。試了一個湯一個熱拌米線，全部加$18轉套餐，有小食和飲品，都幾抵。見到牆上海報說餐廳是使用海鹽和日本珍珠米，米線和白飯還可以添加。我們沒有加到，因為一碗都夠飽了。芫茜皮蛋脆鯇魚湯米線（$58）奶白色魚湯好清甜，鯇魚片夠多又爽口，不過間中有骨；皮蛋不孤寒，足一隻，好少見。我是芫茜會會員，覺得可以再多些。辣椒炒肉拌米線（$58）這個超級好食。辣椒是青辣椒，不太辣，反而很清香；炒肉是豆豉炒五花腩薄片，很惹味，還有炸黃豆，炸得鬆化；加埋滑捋捋的米線和清爽醬汁，全部撈埋好好食。套餐小食叫了剁椒皮蛋和話梅小番茄，份量和味道都不錯。套餐飲品叫了熱奶茶，比正常餐廳的大杯。另外、叫了炸蝦醬雞翼（$28）和油菜（$18）。雞翼香脆有蝦醬味，油菜都好大碟。