hoo韓國包車

營業中

休息中

成日睇韓劇既時候，都好想好似啲主角咁一邊食韓劇既大排檔一邊飲酒傾計，但可惜好耐都冇去過旅行😢 不過今日就黎到尖沙咀呢間韓國餐廳，成間都好似韓國當地路邊攤咁，唔單止摺凳、摺枱都係路邊攤會用既款式，仲有自助洗衣店、漫畫店既鋪面、霓虹燈等，到到都係打卡位，勁有feel！✨辣炒章魚一上菜已經聞到勁香！魷魚非常彈牙，配料仲有爽脆既椰菜同埋蘿蔔片，食落微辣帶甜，最正既係仲有焦香！估唔到樓上鋪既餐廳都可以炒到咁有鑊氣，送酒一流！✨芝士炒年糕呢到既炒年糕唔會好辣，味道甜甜哋！我最中意既係年糕非常煙韌，而且煮到啱啱好，唔會霉哂。加上芝士鋪面，仲用火槍輕輕燒過，香濃之餘仲帶炙燒既煙燻味，比一般餐廳既做法更有誠意！✨泡菜煎餅煎到外層超脆，內層柔軟煙韌，加埋泡菜，酸酸地味道令人更開胃之餘仲增加口感！不過一定要趁熱食，如果唔係好快就會淋哂～✨柚子牛奶樂柚子味道好突出，加左牛奶之後平衡左柚子既酸味。飲得出米酒份量都幾多，但同柚子味道好夾～✨熱帶雨林一直都幾驚飲燒酒，因為覺得酒精味好濃，但呢杯完全飲唔出酒精味。加埋啲果汁酸酸甜甜既味道，好啱女仔飲！

而家喺厚福街嘅韓國菜，裝修參考布帳馬車，感覺就好似喺韓國嘅大排檔到食嘢咁！┄┅┄┅┄┅┄┅┄≋ 一雞兩味 (甜辣 & 醬油炸雞) $198呢個可以自選2款炸雞，炸皮算薄，2款炸雞都好濃味！如果雞皮再脆d就正～評分：🌕🌕🌕🌗🌑-≋ 醬煮辣雞腳鍋 (Medium) $138一送到黎d雞腳係生既，要煮大約15分鐘到～個汁會越煮越杰，雞腳索哂d汁，然後變得好淋好有膠質！辣度方面算bb辣，但好入味，推介！評分：🌕🌕🌕🌕🌘-≋ 辣炒章魚 $138章魚一d都唔韌仲好爽口，雖然話係辣炒但冇乜辣度，所以唔食得辣既都可以試下！蔬菜好爽口，索左d汁好惹味。評分：🌕🌕🌕🌖🌑-≋ 柚子牛奶米酒 $65因為有柚子既開係，所以個米酒好fresh，酒味唔算濃，味道甜甜地。評分：🌕🌕🌕🌗🌑

餐廳裝潢花盡心思，每個角落都有打卡位📸有韓國街頭景、懷舊士多場景、洗衣店、漫畫店、理髮店等等，各有特色，恍如置身韓國街頭🇰🇷🍡街頭魚糕串串 大大塊嘅魚糕穿起一串串魚糕串係韓國街頭常見小食點上魚露汁食落更加開胃湯底加入青蔥、蘿蔔、少量胡椒等調味仲有個爐一路熱住 慢慢食都唔會凍哂🔥🐙辣炒章魚 加入椰菜同紅蘿蔔，面頭仲灑了芝麻章魚食落口感Q彈😉帶有少少辣味，夠晒惹味🤤炸紫菜粉絲卷 炸到外脆內軟裏面包住滿滿嘅粉絲炸粉如果薄返少少就更加好🙊🍏青蘋果氣泡燒酒 淡淡嘅酒香中，帶住清新嘅蘋果味口感較普通燒酒更加柔和、清甜爽口酒精味亦唔會好濃🥂

雖然疫情好轉，但要喺街頭食餐好，都需要勇氣不過有個地方滿足到呢方面嘅環境要求，又相對乾淨，就係開喺樓上嘅搭景懷舊韓國街頭餐廳喺韓國街頭，點少得魚糕鍋呢？大胃本身唔太好魚蛋類嘅食物，不過呢間嘅魚糕煲得好腍好綿，感覺幾舒服想濃味啲可以點醬汁，飲住湯底送酒冇咁易冧𠻹生章魚大胃喺韓國試過，原來仲有一味叫炒章魚，送酒都唔錯，就咁睇仲以為會好鹹，但原來香口得嚟，完全唔鹹薯仔煎餅睇起嚟平平無奇，切開嗰吓已經feel到佢嘅爽脆，放入口嚼，又脆又煙韌，點埋個醬食都好過癮嗌咁多嘢梗係要飲酒啦，cocktail有柚子牛奶米酒，味道相當可口，好香果味，仲有心型飲筒幾搞鬼啤酒都係必嗌飲料，朱古力啤酒真係未飲過喇，聽落好奇怪，但又幾夾喎，中和啤酒嘅苦味，但又唔會太甜前菜雖然只係普通嘅泡菜同芽菜，但微辣得嚟都幾開胃，送酒又唔錯，最重要係，有得任fill

位於22樓，其實成幢大廈都一樣格局，一層一間餐廳，望入去都暗暗地，檯都算擺得疏，走年青打咭路線，有啲公仔書，小擺設，又有啲似大排檔feel, 摺檯，櫈無背嘅, 所以坐得唔太舒服😑。menu都幾簡單，無乜選擇，咁叫個廚師推介辣炒章魚HKD138，另叫咗個韭菜煎餅HKD76, 水已喺檯，自助，餐前小食有芽菜同泡菜。辣炒章魚極有效率，除咗章魚仲有椰菜，好濃味，唔太辣，章魚多過菜，而且都新鮮。韭菜煎餅煎得唔夠香，幾油，份量比我預計細。

呢一間韓國餐廳是新開的，經朋友介紹，本身想預訂四月尾的座位，但是因新開張很多人光顧，所以最後簡係OpenRice book位，排到5月11日才吃，8 點到步後見有些人客想Walk in都沒有位。這間店的裝飾很特別，很有韓國街頭的風味。我的朋友就是被這間店的裝修吸引到。辣辣無骨雞腳份量比想像中少，無骨好方便，不過食少辣嘅人士就可能會覺得較辣辣炒章魚呢個比較出色，章魚好友煙韌口感。好入味炸豬扒紫菜飯卷呢個唔似韓國菜似日本菜多啲，但係都幾特別。味道正常甜辣炸雞炸雞個甜辣汁好好味，提升左炸雞個口感。雞翼很嫩，很有肉汁街頭魚糕串串呢個湯底比較辣，但整體黎講ok 的，都是份量比想像中少。

呢間韓式餐廳超好好生意！無論係食物、環境、餐具都超韓！ 🇰🇷🤟🏻✨主打鍋物、年糕、蛋卷、煎餅、炸雞🍗等，冇得去韓國黎呢到打下卡都好🥲：-1️⃣「拳頭飯🍚($58)」-飯粒粒分明有咬口，配麻油同紫菜幾香，又飽肚，性價比幾高🤣~Rice ball with sesame oil and dried seaweed👍🏻-2️⃣「辣炒章魚🌶🐙($138)」-超個幾惹味！章魚香辣得黎又爽口，配爽脆椰菜岩岩好，送飯一流～Stir-fry octopus with Korean sweet and chilli sauce 👍🏻-3️⃣「炸紫菜粉絲卷🍘($52)」-炸到外脆內軟，包住滑lulu嘅粉絲，熱辣辣好香口🙈~Deep-fried vermicelli rolls with dried seaweed 👍🏻

韓國夜攤街景嚟到尖沙咀啦🎈呢間小店將韓國街景搬到室內🏮每個Corner嘅打卡位都有唔同特色🪑舒舒服服咁喺室內嘆美食～暫時想像下自己去咗韓國！因為都比較滿座🈵大家記得卜定位先好嚟呀！入坐後店員送上前菜泡菜及芽菜，同埋冷水🧊🦑辣炒章魚 $138鐵板上嚟時比較熱，食到一半時章魚都仲帶點暖咖！味道唔算太辣～章魚切到細細粒，見到粒粒吸管🤪口感超彈牙！唔會咬唔開！配搭韓國高麗菜🥬用嚟做下酒菜一流！🍢街頭魚糕串串 $138串串魚糕用鍋呈上，店員話水滾就食得！一邊滾一邊食🔥🔥湯底清甜有啖啖魚味，串串魚糕口感彈牙，沾沾附上的特製醬汁，更加掛住韓國！當中仲有白蘿蔔咖！🔰因為地方有限，店員話想等我哋食完個魚糕串鍋先至上個辣燉雞湯❤️好細心嘅服務❤️但我趕時間嘅關係，將原本熱住嘅魚糕鍋放側邊，將辣燉雞鍋放爐上面😆🍗辣燉雞湯 $128微辣湯底帶點刺激感覺，湯底愈熱味道會愈辣🔥味道超開胃，我差啲飲哂啲湯啊🤣雞肉份量足夠2個人食用，當中雞髀同雞皮比想像中嫩滑好多喔🤩當中仲有薯仔咖～🍺柚子MILKY米酒$65奶味濃郁嘅米酒，味道偏甜～🍹菠蘿梳打🍍 $38