饞。台式食堂 (如心廣場二期)

營業中

休息中

🇭🇰Hong Kong - Tsuen Wan East📍 饞。台式食堂台灣炸滷排骨飯酒香花雕麻油雞麵牛肉麵蒜片台灣香腸仙草奶茶椰果蜂蜜甘桔檸檬_____________________________難得去荃灣做野，經過如心廣場就試下呢間台灣菜。分別叫左一個小食，三個主菜，兩杯飲品。每次食台灣菜一定會叫台灣腸食，好多餐廳都唔會跟蒜，但呢到竟然有跟蒜片。真係好地道，食台灣腸真係一定要配埋蒜食先好食。條腸好Juicy咬落仲會爆汁。另外，叫左三個主菜分別係台灣炸滷排骨飯、酒香花雕麻油雞麵、牛肉麵。花雕麻油雞麵好好味，酒味好出配上麻油雞，食完覺得暖笠笠。而麵質類似陽春麵麵質。而牛肉麵牛肉好好味，好淋唔會食落好多渣。湯底好濃郁。最中意舊蘿蔔，入晒味好好食又甜。而排骨飯大大塊排骨配上滷蛋同酸菜好有食台式便當嘅風味。兩杯飲品就不過不失，個人偏愛椰果蜂蜜甘桔檸檬。酸酸甜甜好味道。📍荃灣大河道98號如心廣場二期1樓122號舖

位於荃灣既如心廣場原來都唔少野食😍今次試左間價錢比較平民點既台灣菜😋😋估唔到味道都可以😉👍🏻聞落又香食落都唔錯😍🫦環境乾淨企理、舒適光猛🤩🥰🐟酸菜魚（配白飯）酸菜同配菜份量足料，湯底味道恰當好處，酸酸辣辣非常開胃，但又唔會好辣好嗆，魚肉方面切法比較特別，切到好似魷魚咁，口感獨特，食落肉質比較實淨少少，但完全唔腥，呢味酸菜魚送飯一流！🍜酒香花雕麻油雞麵一上臺已經聞落香噴噴花雕同麻油味，米線同雞件份量唔少，食落淡淡肉，而且都幾香口，湯底仲用左蟲草花同杞子一齊烹調，賣相色水都唔錯，味道濃郁滋味🧄蒜片台灣香腸食落口感紮實得黎帶點嚼勁，味道咸香多汁，配埋蒜片好有台灣既風味🍑白桃烏龍（配蒟蒻球）飲落陣陣白桃味，夾帶烏龍茶既甘香，味道香甜可口，配埋口感Q彈既蒟蒻球，飲落過癮滿足

酒香花雕麻油雞麵（$52）湯底幾香，唔油膩，但稍稍偏咸。雞肉份量不少，唔算滑但亦唔嚡。麵底好有咬口，不錯，但略嫌份量偏少（但下午茶唔可以要求太多）。另外仲有不少杞子、蟲草花。古早味炸豬扒便當（$50）份量足，即炸，外脆，厚身豬扒肉質少嚡但可接受。飯底係珍珠米，加少許肉碎及粟米粒。炸花枝丸（$22）有5粒，洒上椒鹽，即炸熱辣辣，彈牙，食到有墨魚粒。肉燥青菜（$20）肉燥份量不少，可以用嚟撈飯，肥肉瘦肉都有啲，味道正常。生菜正常。凍蜂蜜金桔檸檬（$0）酸酸哋，少少甜，杯底仲有啲QQ粒。凍珍珠奶茶（$0）味道正常。

由於工作緣故經常都會係下午茶先食lunch，呢一間位於荃灣如心廣場嘅台式食店，係我最常去既飯堂。除咗環境畀人感覺好舒適之外，餐廳仲會播放台灣嘅音樂，配上好正宗既台式菜同手搖飲，有種返左台灣既感覺。份量唔少，鹽酥雞表面用左粗粒番薯粉包裹再炸，食落好酥脆，脆卜卜嫁。咬開有肉汁，同埋加左九層塔同胡椒粉，好香口，非常好食，而且份量都唔少！個湯係好濃既花雕酒味，有少少似坐月食個補身湯。雞件大概有4件左右，肉質唔會太老，亦都唔係太滑，加埋個手工麵都好吸到湯既味。鐘意酒香湯底可一試。手撕雞有少少咸味同雞味，配埋青瓜絲，食落口好清新，調味雖然單調，但係都好食，有住家飯既感覺，而且咁健康，可以當減肥餐。雞肉拼滷肉，個滷肉食到係偏瘦肉，唔太油，口感紮實。滷肉、鹽水雞肉、溏心強撈埋粒粒分明既米飯，真係超夾同超好味嫁！下午茶時間，都包埋一杯台式野飲，諗返平時一杯手搖飲都廿幾蚊，但呢到係唔洗加錢，跟餐包埋，仲要同出面既飲品鋪既冇咩分別，真係好抵！推介台式飲品蒟蒻+果茶系列茶加埋蒟蒻球，蒟蒻球係好Q彈，同茶底真係好夾好清新，好好飲。值得一提，佢既珍珠奶茶D珍珠少少硬，唔係好彈牙，但奶茶係正常既。

湯底可以更濃荃灣如心廣場多咗好多嘢食，呢間台式店裝修都幾好，比較新，所以一試今次叫咗酒香花雕麻油雞麵，份量好大，送上枱時熱辣辣，一陣陣花雕油香味撲鼻。即刻試飲咗一啖，味道不過不失，可惜食落嘅時候，覺得個湯底比較淡，啲麵掛唔到汁，較為可惜。另外啲雞件份量都足夠，不過碎骨比較多，食嘅時候要較為小心。反而飲品比較有驚喜，蒟蒻球百香果綠茶，聽個名都覺得好清新，份量亦比較大杯，飲落透心涼，食完個麵，可以用來中和返，都幾夾