饞。台式食堂 (如心廣場二期)

營業中

休息中

酒香花雕麻油雞麵（$52）湯底幾香，唔油膩，但稍稍偏咸。雞肉份量不少，唔算滑但亦唔嚡。麵底好有咬口，不錯，但略嫌份量偏少（但下午茶唔可以要求太多）。另外仲有不少杞子、蟲草花。古早味炸豬扒便當（$50）份量足，即炸，外脆，厚身豬扒肉質少嚡但可接受。飯底係珍珠米，加少許肉碎及粟米粒。炸花枝丸（$22）有5粒，洒上椒鹽，即炸熱辣辣，彈牙，食到有墨魚粒。肉燥青菜（$20）肉燥份量不少，可以用嚟撈飯，肥肉瘦肉都有啲，味道正常。生菜正常。凍蜂蜜金桔檸檬（$0）酸酸哋，少少甜，杯底仲有啲QQ粒。凍珍珠奶茶（$0）味道正常。