廚十三老壇酸菜魚 (太子集團中心) (已結業)

估唔到人生中第一個食評就俾咗廚十三不嬲都鍾意食海鮮🦞🦐🦀尤其係食魚🐟間間酸菜魚都話自己係最正宗最好味，究竟邊一間先係最出色呢？之前都聽人講過話廚十三嘅酸菜魚好好味，今日終於試到啦果然名不虛傳，真係好好味，又可以自選辣度酸度，之前食過海港城嗰間叫祥仔辣辣嘅酸菜魚，本人就覺得真係麻麻哋，價錢又貴，叫咗正常酸都好酸，辣味又唔出，仲好似有浸抹枱布嘅味道，所以試過一次真係怕怕，如果你又鍾意食酸菜魚嘅，不妨俾個機會去廚十三試吓，我覺得佢個午市套餐都幾抵食，$88，可以揀要米線或者白飯，揀白飯嘅話湯底總會有粉絲㗎，如果兩個女仔食叫一碗share就夠，可以再加一兩個小食，套餐係逢星期一至日12至5pm時段都有㗎

暫時係食過最好食嘅酸菜魚！夠酸夠麻又夠辣！有大中小辣可以揀，如果真係唔食得辣嘅話可以選擇走辣，不過味道一定會差好遠，所以比較建議大家叫小辣試吓。當日係晚上6:30左右入座，已經見到餐廳滿左大部份位，所以大家記得要訂位先好黎食，未夠八點已經坐爆要排隊等位。小食方面我哋嗌左酥炸無臉男（其實即係炸豬肉條），佢會配埋一個麻辣粉，豬肉條再點埋麻辣粉一齊食，又香脆又惹味，個辣粉唔係話好辣所以唔使擔心。我哋仲嗌左個紅糖糍粑，上面會有少少黃豆粉，糍粑外皮好脆，佢唔係粉漿好厚嗰隻外皮，佢似係直接煎個糍粑，所以做到外脆內軟，熱辣辣嘅時候再點埋紅糖糖漿，食落煙煙韌韌，就好似食緊一個炸咗嘅糖不甩咁🤣🤣解辣一流！我哋嗌左個大份嘅酸菜魚（適合三至四人），加配左腐皮，寬粉，金菇，鍾意食酸菜嘅朋友仔可以再加$22酸菜個湯會更加酸更加好飲條魚都好滑，唯一有少少美中不足係有少少魚骨，不過真係好少好少可以接受佢個湯唔係話好油膩，所以鍾意飲湯嘅我都飲咗一碗，天氣凍熱辣辣嘅湯真係好正。飲品方便餐廳提供玄米茶，我哋就自己嗌左巨峰提子梳打，味道正常，都係解辣嘅時候飲🤣飯後嗌咗個紅糖冰粉，不過不失，上面會有小小黃糖，下邊就會有黑糖糖

愛吃酸菜魚不是一天兩天的事，甚至疫情嚴重期間也忍不住要在超市買調料包在家自製酸菜魚。難得現在可以稍微安心出街吃飯，酸菜魚怎麼能不安排上呢對吧。廚十三，分店已經開了好幾家, 這晚星期一且多少還受點疫情影響, 但也幾乎坐滿了全場, 可見其受歡迎程度。酸菜魚當之無愧鎮店招牌, 超~大~一盤, 號稱酸菜比魚更好吃, 酸菜味濃但不刺喉, 魚肉嫩滑易融于口。值得一提的是另加的薯粉, 份量厚實, 口感Q彈, 給它十個讚。酥炸無臉男就令人有點失望, 感覺擺了很久, 上桌都已經涼透了, 理論上炸物都應該是熱辣上桌的才對啊。而且肉很細碎, 份量也很小氣, 和旁邊的辣椒粉碟對比就知道, 感覺對不起價錢。

呢間川菜館除咗有經驗十足嘅四川師傅坐鎮👨🏻‍🍳大部分香料同食材，例如八角、花椒、酸菜等，都係來自原產地，確保原汁原味。店中亦有其他川味小食，包保越辣越過癮，口水鼻涕一齊流🤣💗老壇酸菜魚($338/小份)餐廳精選經過365日發酵嘅老罎酸菜，既有掛湯嘅菜葉，亦有爽脆嘅莖部，不過酸甜味唔算好濃🥬而新鮮鱸魚只用1-1.5斤重，即叫即劏同人手起骨，先以80°C- 90°C水灼熟，再放入豬骨湯同煮。鱸魚片帶住魚皮，嫩滑有彈性，依然保留到魚肉嘅紋理。份量又多， 冇腥味，只係得幾舊有幼魚骨🐟湯面飄滿指天椒、花椒 、 原串青花椒、菊花等，味道酸辣麻香，不過湯底較肥膩唔夠清爽🌶墊料唔洗加錢都已經好足料，寬大嘅薯粉口感滑溜煙韌；軟嫩嘅豆腐吸湯度十足；爽脆嘅金菇、蓮藕片同萵筍充滿蔬菜鮮甜味🥒💗酥炸無臉男($88)將豬肉條炸至外表金黃色，可惜凍咗少少唔夠香脆。肉質就肥瘦適中，咬落有少少油份不過都係偏乾。點埋旁邊嘅花椒辣粉食，帶微微麻香好惹味🐷💗雨露均沾($48)糍粑外層炸得香脆，裡面口感軟滑煙韌，唔油膩唔痴牙，面頭灑上大量黃豆粉，再點上甜絲絲且濃稠嘅紅糖汁真係欲罷不能🤤💗紅糖冰粉($28)晶瑩剔透嘅蒟蒻入口滑捋

尖沙咀太子集團中心樓上多食店，排隊上樓揾食時，發現有新店，一行三人就是被新店吸引，按上18字樓。電梯一出，已被窗口位置那幾張卡位吸引著，可是行到那位置時，中午時分太陽正直，朋友說太囇了，相信要戴帽、太陽眼鏡才能進餐。在沒有窗簾的情況下，我們決定選另一張枱了。背著窗口比較舒服。午市粉麵套餐$68:包括自選湯底、餸兩款、粉麵及飲品，另加餸每款$15。單看餐牌，小吃項目最引人入勝⋯⋯刀拍前男友~原來是拍青瓜;不開心的黑木耳？上上簽？還有酥炸無臉男⋯⋯單是看見那些菜名已會心微笑，但由於繁忙時段，所以落單時不好意思逐一詢問店員。餐飲~酸梅湯:餐飲除了奶茶和咖啡外，這裡值得一讚是，敬送酸梅湯，而不用加錢，和酸菜魚很夾檔。午市粉麵套餐$68~由於第一次到來，朋友所以想試原味湯底，餸選擇了咸酸菜和腐竹，未知是否因為選擇了咸酸菜，㕑房誤會了酸菜湯底與否，朋友未能吃辣，結果要問店員取了一大碗原味湯。老壇醉菜單人套餐$88~由於店名叫老壇醉菜魚，當然點這個餐應該不會出錯，嗜辣及濃味者必喜。酥炸無臉男$88~酥炸無臉男其實是將一些帶肥的豬肉切片再酥炸，鬆化爽脆，相信飲啤酒作為下酒小吃的話，相當不錯。雨露均霑$