川婆婆 (利園山道) (已結業)

打工仔恩物係平價得嚟又好食既午餐！今次同事們帶領去試新嘢-川婆婆既酸菜魚🐟小小辣但味道夠好既酸菜魚配飯1。湯汁：鮮甜酸辣好過癮，我食既時候仲澆湯上去飯度撈埋一齊食😍推薦食法川婆婆辣味係可接受，因為酸同辣可以自己溝一咁溝啱嘅味2。魚片：份量多，好滑同埋肉質鮮甜3。配菜：海帶、芽菜、芹菜、辣椒4。價錢：屬於中間但因為有coupon優惠所以無太貴

一大碗裏面有十幾塊魚肉喺銅鑼灣呢區嚟講算係好抵食魚肉底下佈滿海帶絲, 蓮藕片,芽菜同娃娃菜加埋配菜一齊食口感好豐富,呢度可以揀唔同嘅辣度我今次食少辣,辣度食落啱啱好就算係我呢啲成日胃痛嘅人,食完都冇唔舒服每個餸都會跟一碗白飯食完真係好飽好滿足仲有呢度每次嗌外賣都好快就可以攞得

男職員態度惡劣，食都食得唔安樂，bad experience ，以前好鍾意食呢間，今日黎過之後，以後唔會再嚟。食品好味，酸菜魚和麻辣魚都好美味，女職員態度都OK，係收銀嗰個男職員態度真係好差之前都冇呢個男職員，寸寸貢，態度好差。等左15 分鐘都可以，因為真係好食，但服務態度咁差，例如：收錢問我有冇一蚊，我話冇，佢比面色我睇，再寸我冇一蚊，找錢又好不滿。等位時又比面色我睇。食嘢食到要受氣，不如唔好食啦，以後唔會再幫襯，幾好食都假！我從來未劣評過人，今次第一次劣評！

▪️酸菜魚 配白飯 $76通常叫酸菜魚都是整鍋上，人少少又想叫多幾款，這裡的一人餐就最適合不過。魚肉嫩滑，湯底濃郁帶麻勁，酸菜、芽菜、海帶和娃娃菜份量很多，惹味開胃，不用撈飯已經好正！⁡▪️麻辣豬耳大腸腩肉 配火鍋粉 $50火鍋粉的口感很特別，比普通薯粉更煙韌有咬口，喜歡薯粉的不妨一試。麻辣湯底帶濃郁的牛油香味，像重慶老火鍋的感覺！⁡小食方面很多選擇，特別喜歡炸大腸，斜切厚度剛剛好，肥膏不會太多，頗有港式豬大腸的街頭風味。也很推薦爽脆的萵筍！👍 整體性價比高，十分抵食，很適合滿足一下麻辣癮！

每次黎川婆婆都係食佢地嘅自遠粉麵，今次試下水煮魚酸菜魚同埋啲小食😛水煮雞柳($76)份量大到誇張😳 個湯夠晒濃味同辣味，雞柳嫩滑，仲有好多配菜(蓮藕片，芽菜，等)，夠晒豐富😋酸菜魚($76)份量一樣勁多，魚片好滑無骨無腥味，又係好多配菜食，湯底都好濃味，但如果再多啲酸菜就更正😛小食嗌左上湯皇帝菜，香辣魚皮餃，手拍青瓜伴海蜇，干撈蒜香火鍋粉，都係$23-$38一份大大份，好抵食！特別係個青瓜超爽脆清甜，同埋火鍋粉超級煙韌彈牙，推介😆👍🏻 跟餐+$12要左枝凍豆漿，少少偏甜，解辣一流😝

屹立咗好耐嘅川婆婆 由細食到大係回憶😆分店越做越多最方便都係銅鑼灣😎 門面細細但係入邊位置都夠 而且冇乜人唔使等👍🏻本來已經唔貴 lunch set 係好抵食 懷疑兩個share都夠🤣❣️酸菜魚（配白飯） $78有巨量嘅魚片而且全部都冇骨又滑🐟酸菜都好高質 個湯勁送飯 睇相都流口水🤤配料有好多海帶 蓮藕 芽菜 娃娃菜堆得滿滿✅原本碗飯真係超大碗🍚 即刻同店員講要一碗就夠🤣❣️水煮肥牛 （配白飯）$76Again又係點解咁高質🌶🌶 以水煮湯來講真係唔算油 好惹味🔥配料方面大致上差唔多 但係唔同湯底又唔會悶😆肥牛又係巨量 好似打邊爐嘅質素唔會太肥都唔錯‼️ ❣️麻辣牛丸 $28我都好鍾意食佢嘅辣粉配牛丸一流🌶😍❣️紅油抄手 $38呢款就冇咁驚喜啦🙈 因為食慣咗抄手都係好少汁 呢個好似一碗湯咁 比較似雲吞加辣湯 但都好食😛❣️伯爵荔枝紅茶 +$15❣️桂花綠茶 +$15配肥仔水會開心啲 但係為腸胃着想就叫咗呢兩款都好重茶味💕

📍銅鑼灣利園山道5號地舖同個friend去咗Hysan 嗰邊嗰間Apple store 睇iPad，行吓行吓又到咗醫肚嘅時間😄😄😄，都係見到邊間有位就入去😂😂😂，真係啱啱遇着剛剛見到一間平時排晒隊嘅川菜店有位，咁就入咗去🤪🤪🤪1. 酸菜魚🐟🫕 $76 - 本人覺得呢碗酸菜魚唔止一人份量😂😂因為十分之大碗同足料👍🏻👍🏻👍🏻好多魚塊，個湯底簡直入魂，有幾種唔同嘅酸菜，再加上唔同配料例如海帶，蓮藕，牙菜，娃娃菜，同埋不可缺少嘅唔同種類辣椒🌶️令到個湯底嘅層次感十分容易入口，又酸又辣，又唔會太油膩，可以直接飲用或者撈飯，不過如果佢有碗米粉會在正啲🤷🏻‍♂️🤷🏻‍♂️🤷🏻‍♂️2. 飄香水煮魚🐟🌶🫕$76 - 超足料，因為呢個價錢冇諗過會有咁多塊魚🐟，啲魚塊好滑，配料有海帶，牙菜，娃娃菜同蓮藕用嚟索味，吸收哂啲辣油，食落又辣又香口😋😋😋，個辣湯撈飯一流，因為好有層次感👍🏻👍🏻👍🏻3. 手撕雞🐔$48 - 小食嚟講份量都好大份，每一件手撕雞都係差唔多sized，唔會又大又細，容易入口，手撕雞用咗青瓜，芫荽同芝麻，再加埋啲辣油食落口好滑同好有口感，唔會有味精味道😋😋4. 手拍青瓜拌海蜇🥒$38 - 份量就細

我係個好鍾意食辣嘅人，以前好鍾意食麻辣，而家就好鍾意食酸辣，因為特別開胃，所以係呢一年試咗好多間唔同嘅酸菜魚，今次介紹咗呢間川菜除咗有酸菜魚仲有好多麻辣小食。川婆婆係一間喺尖沙咀厚福街嘅川菜小店，喺2011年開業，總店只係做外賣。因為老細有次去四川旅行，食咗一間特色麻辣燙小店，覺得當地嘅小食非常好食，所以返到香港就萌生開店嘅諗法，所以就開咗呢間小店，係香港第一間麻辣燙店。開舖嗰時頭三個月都冇咩生意，到四個月來越多人食麻辣燙，要排隊先買到，瞬間變成尖沙咀橫巷既人氣小店。店主係依10幾年選材不嬲都嚴格，口味從一而終，迎合香港人口味，所以配料上以清淡為主，不過不失香味。客人越來越多，不過就抱怨老細幾時開一間大鋪，因為冇冷氣咁食麻辣燙始終都有啲辛苦，所以最後2014年喺附近開多咗一間可以坐40個位嘅大鋪，嘢食都唔再局限麻辣燙同小食，仲有最正宗既九宮格重慶火鍋，湯底有好多款，好似有養生湯鍋底、麻辣鍋底、魚湯鍋底等。之後仲打破傳統火鍋店概念，推出磯燒燒烤，2019年係旺角開設超過四千六百呎既麻辣火鍋店，以粉紅藍為主調色，雖然之後結業左。銅鑼灣分店係2020年疫市擴充，一樣有堂食座位，主打各式川菜料

這次見銅鑼灣開咗間新嘅川婆婆，就入去試下先，我叫咗酸菜魚、香辣台灣腸、香辣魚皮餃，仲有炸大腸，全部都係辣點可能唔飲嘢，叫咗荔枝伯爵紅茶。係食物個方面，在我來講，我覺得香辣台灣腸及香辣魚皮餃都係一般，因為佢既湯底係用麻辣燙，將台灣腸再加魚皮餃煮熟後，再落辣椒粉，冇乜特別。跟住我要講既係炸大腸，話明炸大腸係炸，咁啫係炸到脆卜卜聲，但，相反我食唔出卜卜聲，反而有點韌。不過，我要讚賞下，佢嘅酸菜魚，酸菜魚真心係唔錯。佢既酸菜魚係魚塊，但我都食到有少許魚骨，所以我建議要小心慢慢食。酸度適中，辣度有得揀大中小辣，我就叫咗小辣，對我嚟講小辣係我接受到既辣度。酸辣魚嘅配菜方面有海帶、芽菜、酸菜、大白菜等等，海帶、芽菜爽口，酸菜我平時唔係好食，我都食到，咁大白菜入到味，整體而言酸菜魚，值得推介👍🏾係飲品方面，荔枝伯爵紅茶，荔枝味比較淡，基本上伯爵紅茶搶奪咗荔枝味，但都好飲嘅，又或者係伯爵紅茶味本身帶有少少似荔枝味，所以先叫荔枝伯爵紅茶。

食過一次外賣同一次堂食，感覺係cp值極高既餐廳💛酸菜魚。 8/10必食！雖然話係一人份量，但相信兩個女仔食都飽😬我一個人空肚去食都食唔晒🙃魚肉同各樣配料份量都極多（海帶、蓮藕、芽菜），白飯都大大碗😝夠酸夠辣（bb辣似小辣）魚肉雖然夠嫩滑冇雪味，但部分魚塊有骨刺，對於我尼個極怕梗骨既人黎講係扣分位！配料既海帶份量多，但我唔鍾意食啊～因為覺得海帶總係有種腥味玫瑰紅茶： 7/10跟餐加$15， 開頭見到係茶包有啲失望，但發覺佢可以重複加水都仲有味就gur晒～～下次想試埋火鍋粉😍同蕃茄湯系列～

🥰川菜新店🥰水煮、酸菜、蕃茄系列任你配搭唔同食材，非常少見，而且選擇更多，可以選唔辣、Bb辣到大辣，辣度都適合唔太食到辣嘅小編。🥩水煮安格斯牛配白飯$128 (小辣）小辣剛剛好，非常高質，亦可以選擇平民價嘅肥牛$68，配菜甚多，有海帶絲、芽菜、蓮藕等等。 🐟酸菜魚配白飯 $68 （Bb辣）酸味適中，大部份魚都唔多骨，配菜同樣多。🥓蒜泥鹿兒島五花肉$48 小編覺得最吸引，啖啖肉，鮮嫩肥美，蒜泥味重。🌶麻辣盪 $42（小辣）（自選三餸：魷魚、蓮藕、豆卜）紅薯粉蓮藕、豆卜容易吸收湯底精華，魷魚有一大舊，多啲會更好。🤪🥃桂花綠茶/玫瑰紅茶（原：$25，跟餐加$18）非常清新，最緊要係止辣。川婆婆銅鑼灣利園山道5號地舖

今日同朋友去了行山,行完山經過銅鑼灣發現銅鑼灣終於開咗川婆婆分店，叫咗個酸菜魚及水煮魚加手撕雞，三樣嘢都好好味值得推介，店務員都非常有禮貌服務質素非常好，值得推介