廚十三老壇酸菜魚 (太子集團中心) (已結業)

星期四晚嚟食，唔算好多人。上菜速度都幾快，而且侍應同老闆都好有禮貌。兩個人叫左個大份嘅酸菜魚，份量好夠酸菜魚幾好食，夠味，啲肉又嫩滑食到咁上下老闆走過來問覺得好唔好食，好賓至如歸嘅感覺一定會推薦其他朋友嚟試吓~

次次黎開就食佢哋嘅酸菜魚，單人份量都好大份。一份酸菜魚，可以選擇配飯或米線。配飯嘅朋友仔，會加金針菇同薯粉兩個配菜俾你，而配米線嘅朋友仔，就會加金針菇同蓮藕俾你。呢間啲酸菜魚同傳統酸菜魚唔同，佢嘅蒜香味同麻油味取替咗傳統嘅重牛油味同好攻鼻嘅辣味。我一個唔係咁食得辣嘅朋友都食到。今次食嘅係午餐套餐，一份酸菜魚加一罐飲品，雖然配料只有兩樣，但份量都好足，本身食量唔大嘅人都會食剩。整體來講，都值得試下。

之前試過一次喺朋友屋企叫Deliveroo 食過廚十三嘅酸菜魚，覺得啲魚幾滑幾好食，但礙於外賣嘅關係，所以味道硬係爭緊啲🤥 今次口痕又想食酸菜魚，好彩尖沙咀有廚十三，就比多次機會再食！因為今次係兩個人食，就點咗一份細酸菜魚加豆卜，每人再要一碗白飯。大大個碗presentation幾好，香氣十足！我明白煮酸菜魚上菜前一定會淋啲熱油，令香味同味道進一步提升，不過就咁睇好似加得太多油，搞到我飲湯時好似打邊爐咁要隔走啲油先飲😂講返個湯先，酸菜、辣椒、花椒嘅味加埋一齊唔會太辣十分惹味，會越飲越開胃。豆卜基本上擺落去味濃嘅湯一齊煮，入晒味都好正！魚方面廚十三係用鱸魚，魚質有彈性唔易鬆散而且口感滑溜，潷啲湯、魚同酸菜落碗飯度真係一流，會不自覺咁越食越快，越食越多。可能呢啲就係重慶菜吸引之處！小總結：睇Menu見到細份酸菜魚嘅價錢要成三百幾蚊，都覺得有啲貴，但想食就真係無辦法。如果再食就一定會揀午市，$168就有雙人套餐，抵食好多

愛吃酸菜魚不是一天兩天的事，甚至疫情嚴重期間也忍不住要在超市買調料包在家自製酸菜魚。難得現在可以稍微安心出街吃飯，酸菜魚怎麼能不安排上呢對吧。廚十三，分店已經開了好幾家, 這晚星期一且多少還受點疫情影響, 但也幾乎坐滿了全場, 可見其受歡迎程度。酸菜魚當之無愧鎮店招牌, 超~大~一盤, 號稱酸菜比魚更好吃, 酸菜味濃但不刺喉, 魚肉嫩滑易融于口。值得一提的是另加的薯粉, 份量厚實, 口感Q彈, 給它十個讚。酥炸無臉男就令人有點失望, 感覺擺了很久, 上桌都已經涼透了, 理論上炸物都應該是熱辣上桌的才對啊。而且肉很細碎, 份量也很小氣, 和旁邊的辣椒粉碟對比就知道, 感覺對不起價錢。

本人鍾情於酸菜魚 未封關之前 大概兩個禮拜會番內地食一次酸菜魚 內地出名嘅大部分都有食過 心血來潮搵左尖沙咀呢間酸菜魚試一試 見都幾多好評 一黎到見到環境都幾靚 仲有小小海景睇下 有午餐 就叫左168二人酸菜魚餐一試 有米線 白飯 同兩杯酸梅湯飲 感覺幾抵等左一陣就到 湯底飲落唔係好辣 比較淡口 唔知係咪午餐關係 味道一般 鱸魚份量唔多 魚肉無咩味 豆腐仲有少少變咗質嘅味(宿宿地) 湯底唔夠熱導致米線唔太熟 都幾硬 同太二出入都幾大 試一次就夠

舊年喺度試過覺得大唔錯，因為無得北上就再過嚟食，但發現如果同太二比較，失望。同朋友叫了一啲小菜，土豆絲唔建議，偏酸，雞爪爪味道偏淡，有辣味但唔夠味，重點酸菜魚，偏油，而且魚有啲腥，唔係之前啲味道，所以，對比起100分的太二，可能呢次體驗只有65分

今晚同女朋友黎到尖沙咀試呢間廚十三既酸菜魚。我地叫左一個二人份既酸菜魚再加左3個配菜:土豆，荀同埋寛粉，手撕雞同埋柚子梳打。係餐牌上面大大隻字寫住: 酸菜更好吃哦! 原來係真既，一大盆酸菜魚上枱既時候已經聞到好香，成盆酸菜魚無論酸菜定係魚片，甚至係芽菜都好好味。而手撕雞就不過不失，略嫌味道份量少左啲。最後叫左杯柚子梳打，不過不失。

閒時本人亦都有上大陸食酸菜魚, 酸菜魚應該係近兩年內地冒起得最快嘅菜式之一.幾乎每間店舖都以老壇酸菜以及酸菜比魚好食作為招來 這間酸菜魚的菜餚頗為正宗,亦備有小辣作為選擇,適合香港人的口味. 酸菜魚湯都可以飲,此外魚肉沒有骨, 適合一啲怕辣又怕骨嘅人士.黑木耳外表一般食落有一股辣直衝上喉嚨.本人頗喜愛夫妻肺片,夫妻肺片辣中帶麻麻中帶香,比坊間一般夫妻肺片味道層次較多,而且起碟是以牛展圍邊,賣相吸引.喜歡或者未嘗試過酸菜魚的人士亦可到此間餐廳作第一類接觸.

作為酸菜魚迷 去到邊都會叫酸菜魚食真係好好好好好好食依間真係食過最鍾意既，日日食都願意haha雖然話廚十三係太二班底開既但我鍾意食廚十三多過太二魚又冇骨 真係好好食之前每次都會專燈過海去銅鑼灣分店食依家尖沙咀都有實在太好終於唔洗過海了 好感動新開張仲送好多野每人送一杯野飲，仲送一個前菜有刀拍前男友同老虎椒愛鬆花蛋揀，二揀一最估唔到既係食食下仲拎左袋茶葉送俾我地食完仲有甜品送！真心好驚喜，呢餐飯實在好物超所值