湘川滬 (粉嶺中心)

營業中

休息中

呢間湘川滬餐廳，當然裡面有一啲湖南菜式丶四川菜式丶上海菜式，其實呢度仲可以飲茶，有中式點心食，有客飯套餐，亦有麵食套餐，都有幾多選擇架。招牌小籠包食上海菜，點可以唔食小籠包㗎，呢度嘅小籠包都做得唔錯，一籠有4個，皮唔厚多汁，都幾好食京蔥爆牛肉(配白飯) 我都幾鍾意食京蔥，份量都幾多，牛肉爆得好香，都幾好送飯。菠蘿黑醋骨(配白飯) 黑醋骨味道就似我哋平時食嘅生炒骨，不過生炒骨就細細骨，呢度就有3大舊，酸甜度啱啱好，又係好適合送飯。酸辣湯中式客飯套餐可以加錢要埋個酸辣湯，酸辣湯酸辣度啱啱好，好足料上海湯粗麵上海粗炒就食得多，上海粗炒放湯就第一次食，估唔到都幾好食喎，都幾大碗。整體嚟講我都幾滿意，可以revisit

同屋企人補慶父親節，為左方便家人，所以就係附近揀食肆。自從附近商場裝修後，搵食都多左選擇，而今次就揀呢間川、湘、滬集於一身既小店—湘川滬。上網見佢正評唔少，而且每到食飯時間都會大排長龍，與隔離既一間酒家形成強烈對比。本身諗住BOOK枱，但原來要8位以上先可以BOOK，唯有早D拎位；不過估唔到6點4黎到已經要排隊…結果排左半個幾鐘，終於入去。店內地方唔算大，但枱與枱之間唔會話好迫，可以接受。餐牌中有唔少選擇，川菜除左有水煮野外，仲有干鍋，睇相好吸引，但由於家人唔食得辣，所以就無點川菜。韭黃炒鱔糊 ($108)媽咪中意食鱔，所以點名要試。上枱果陣連埋個爉燭爐仔，食到尾都仲熱辣辣。不過呢度既鱔切成幼條，食落無口感之餘，仲無魚味，只有強烈既胡椒味砂鍋什錦津白 ($88)呢度服務都幾好，職員主動幫我地分碗上枱。砂鍋內有海蔘、花膠、津白、豆腐、粉絲等，味道唔錯，不過由於胡椒味偏重，感覺比覺適合冬天飲咸肉松子苔條炒飯 ($70)師傅調味重左，好鹹!! 炒飯炒得好均勻，白飯粒粒分明，而且每粒都沾上海苔，食落都重海苔味上海粗炒 ($68)面條雖然彈牙，但整體令人頗為失望，一黎色水唔夠深，二黎味淡，真係食

今日幾個同事留守公司做野，中午去了呢間上海菜餐廳，去到唔使等位，地方乾淨企理，大家都叫午餐，食物好快到！擔擔麵（$42）好濃嘅湯式，花生味重，有微微焦味（我唔知係呢間嘅特色，或是真係煮過火咗）幼麵微微彈牙，幾滑，灑上花生碎、芝麻、青蔥花增加香味！ok春卷（跟餐）炸得香脆，餡料有香甜蘿蔔絲，加爽脆蔬菜絲，點陳醋好味！鮮魚羹（跟餐加$5）細細碗，超級熱，有荀絲、冬菇絲、魚碎，唔會腥，鹹香好味！同事食：酸辣湯麵（$42）乾蔥豆豉雞（$55）陳醋小黃瓜（跟餐）上海回鍋肉（$48）麻辣豬耳（跟餐）食物幾好，店員好勤快，上菜上菜都好爽！不錯的上海菜

今日相約友人去歎個下午茶食下點心先，知道粉嶺中心有間唔錯的酒樓，一於去試下先來份前菜開個胃先，雞絲粉皮，伴著青瓜絲吃十分清新酸辣湯 order 左一碗，好足料重慶口水雞，帶一點點辣，雞肉又嫩滑蝦仁兩面黃，個麵餅脆卜卜招牌小籠包(4只)，配埋豆漿都係 $29，因為係下午茶，上來都唔穿，湯汁炸銀絲卷，配上煉奶又係我摯愛，炸到金黃色，點少少煉奶，一咬落去，不得了的新鮮下午茶有好多款式，價廉物美店內寬敞又舒適，店員服務又親切有師傅不停向度即整小籠包(好新鮮)

話說，今日去見A媽，當然唔可以求其兩梳蕉去，所以特登去九龍城買日本生果，仲著得正式啲，唔可以失禮吖嘛，終於去到粉嶺，好遠呀！客套一番後，喺時候食飯啦，一早做定功課，知道A媽鍾意食上海嘢，見到粉嶺有湘川滬，啱晒！酸辣湯呢嗰酸辣湯非常足料，有筍、木耳、豬血等，又酸又辣，好醒胃。四喜烤麩秘製醬汁醃過嘅麵筋好濃味，入口彈牙，係唔錯嘅前菜選擇。招牌小籠包食上海嘢無理由唔食小籠包，一籠四粒，熱辣辣，湯汁豐富。如果嗰皮薄啲，就仲正啦！花膠肉碎四季豆仲食干煸四季豆咁Out？四季豆配預先炒過嘅肉碎，香口惹味；加埋花膠仔，口感豐富。上海回鍋肉跟摩摩考下大家回鍋肉最正嘅係咩？唔係椰菜，唔係豬腩肉，而係豆乾，好鍾意嗰個少少硬嘅口感，加埋回鍋肉嘅鑊氣，正。平時都係配銀絲卷，呢到跟摩摩薄餅，薄薄一塊，包住椰菜同豬腩肉一齊食，都幾特別。嫩雞煨麵我每次叫嫩雞煨麵，A姐都話係病人麵，佢真係唔識欣賞。煮到軟淋淋嘅上海麵，吸晒湯底嘅清香，加埋切到細細粒嘅雞肉同小唐菜，啖啖都好滋味。（記住Like同Share畀朋友）By A姐M佬 玩樂日記