餃掂手工餃子雲吞專門店

餃掂，真係要試下佢既餃子。😏差唔多有十款餃子，有常見既韮菜豬肉餃，白菜豬肉餃，又有貴價既松茸餃，元貝餃，壽喜燒牛肉餃，可以各自配湯或煎，好多選擇。- 狀元九鼎湯俾個名吸引咗，清清地，味道OK，唔重味精。- 醃蘿蔔枱面有醬料同醃菜，任食。醃蘿蔔非常開胃，覺得係一個驚喜。🤩- 韮菜豬肉餃雖然係常見餃子，但係做得唔錯，皮薄而餡料飽滿，口感同埋味道都幾好。- 壽喜燒牛肉餃又係俾個名吸引咗，冇預期咁好，但係都好多肉汁，味道OK，可以試下。- 麻辣松花皮蛋正正常常，冇乜特別。見到隔離枱啲煎餃，好似仲吸引，下次一定要試下。😆😆

去開金都商場嗰頭做嘢，發現附近新開咗間餃掂，食過太子同銅鑼灣店，餃子好食又有靚湯飲，一於餃子當晚餐。店內簡潔明亮，乾淨企理。 枱面有各式調味料，又有我至鍾意嘅醃蘿蔔，醃菜仲有紅蘿蔔、青椒、紅椒、薑片。挾幾件食吓先至慢慢睇食咩，餐牌有介紹創辦人嘅理念，個個係咁諗又身體力行就好嘞。叫咗個拍青瓜，再加3幾款唔同餡嘅餃子，有湯、有菜又飽肚。野生松茸素餃子(中)$48餡料主要係松茸、小棠菜、雲耳....又香又爽脆，健康好味。狀元九鼎湯，揀灼餃(湯餃)就會送湯，叫湯另上，剛剛好一人一碗，真材實料，原味不加鹽已經好飲。元貝豬肉餃子(中) $48豬肉餡料混有好多元貝絲，鮮味濃郁。芫茜豬肉餃子清新好味，芫茜香加埋豬肉嘅鮮，真係絕配。回味手拍青瓜$25拍青瓜爽脆，味道清新，好味。自家製山楂雪梨水$28微酸清甜，消膩又滋潤， 呢個天氣飲就最啱。餃子好食又有靚湯飲，正！

因為9點幾差不多10點,  又有d考攰攰地, 見到呢間收10點半仲可以食就入去試下.整體都算唔錯, 特別係任食嘅醃蘿蔔, 夠味夠爽脆. 未上菜前食左好幾嚿, 食完餃子口痕又食多幾嚿.好...下面開始介紹下.任食的醃蘿蔔, 我地食左好多, 但係個樽入面都仲係好多.淡淡地松茸味, 唔會似食松露醬隻味, 單食味道OK. 但係如果沾醬食就好似會蓋過左松茸味.餃子整體OK, 個湯幾好飲.味道清爽, 如果稍稍濃味D, 酸D 就更加好啦.2位多謝$162.

位於太子的餃子🥟專門店-「餃掂」，十分有創意又有霸氣的名字，一直是睛寶喜歡幫襯再幫襯的高質餃子🥟人氣店，由只有一間店，食到而家有四家分店。由於地理位置，每次都總是幫襯太子總店，質素有一定保證，今次行經太子另一分店，決定一試分店的水準！新店裝潢設計簡潔光猛，坐位寬闊！較總店舒適👍🏻晚市9時多，店內仍坐滿了食客，果然係熱店👍🏻，今次帶了新朋友來試，長期食客的我立即推薦煎芝士餃（$60/ 10隻）和湯餃-椰菜木耳餃（$52/10隻），另可自由配湯麵🍜或雙拼餃子🥟，選擇多元化！抵讚👍🏻在等候其間，當然要品嚐店內的免費小吃—醃蘿蔔，很入味，酸酸的很入味，又開胃！等了約十分鐘，主角🥟🥟來了，湯餃分量足！一入口，當年入口驚為天人的感覺沒有了，餡料亦欠入味，就是平平淡淡的味道，沒有一吃再吃的衝動，有點失望😞另一主角:芝士餃🧀🥟，煎得香脆，一入口，🧀有拉絲，質素不錯，仍保持水準，可以一試！今日試新分店，好壞參半，味覺沒有總店咁「掂」，但環境較總店「掂」，但還是值得一試！

與友人在旺角逛，去到始創中心，見到對面馬路有一店舖的招牌寫著「天下第一餃」，如此霸氣，於是走過去會一會，看看有如何的王者風範。外面除了有「天下第一餃」的招牌外，另一邊還擺放著知名食家蔡先生及影壇大哥大的照片作招徠。進入店內，座位倒不少，但已經差不多都坐滿了，幸好仍有位置。牆上有鏡屏，寫著「銷售賣什麼？何謂觀人於微？」，估不到小店也有這樣的大哲理。店內靠牆的座位是梳化長櫈，枱面貼上木紋紙，看來整齊潔淨，頗為舒適。店內燈火明亮，牆上以盛具作裝潢，藍白色襯托看來也很清新。既然要試，就盡量試所有店中的出名招牌菜。首先要試的是狀元九鼎湯，但原來有好些湯餃已經有此湯，所以不用另外點。其他店內最起眼的是龍鳳松茸餃，就點了一客龍鳳松茸雙煎餃($85)，煎餃沒有狀元九鼎湯，而且太多煎的會較油，所以就點了兩樣湯餃，包括至尊松茸豬肉灼餃子中碗跟狀元九鼎湯($72)及元貝豬肉湯餃子中碗跟狀元九鼎湯($48)，再點了小的蜜餞雞翼($22)，招牌的自家製山楂雪梨水一杯($20)及五花茶一支($15)。先來的是兩款飲品，材料包括有山楂片、雪梨、甘草、冰糖、麥芽及水的自家製山楂雪梨水，雪梨水是熱的，飲落雪梨味重，帶少

友人非常喜歡吃餃子，熱愛程度至每星期都要吃一次。 跟著她吃餃子，慢慢也變得喜歡這個主食，尤其是想減肥吃低澱粉餐時，吃餃子感覺好像比較瘦。是晚到我帶她去吃餃子了，看到這家新開的餃子店在大街上十分光猛，平日晚上來到未夠七時已經很多人，吃到一半時更全場滿座。 不過餃子畢竟可以很快吃完，轉枱速度快，所以也不用等位等很久。餐廳的裝潢花了點心思，加添了活力與新鮮感，年青人來也很合適。每張枱上都放了一瓶醃蘿蔔，用白米醋浸透，酸得來很開胃，而且白蘿蔔非常爽脆，在吃多肉少菜的餃子之間吃十分解膩。醬料十分齊全，除了一般的豉油和黑醋外，還有四川辣椒醬和菜甫辣椒醬。難得餃子店也有小吃，這個黃金皮蛋賣相十分吸引，比平常黑色的皮蛋多了份晶盈通透感，金光閃閃的很漂亮。原來黑皮蛋是用石灰醃製，而黃金皮蛋則是用草木灰醃製，較為天然。吃上去也覺得味道多了份清新，不會太濃郁，但蛋黃中間仍能做到溏心效果，十分好吃。另一個小吃要了蜜餞雞翼，果真是豐有蜜糖的甜味，但又不會覺得人工，個人口味很喜歡甜的雞翼，所以這個十分合口味。餃子店有賣雲吞，除了轉用雲吞皮外，包法也不一樣，摺疊位置較多，餡料裹成一個小乒乓球的大小。餡料肉很多，只夾

路過太子，見到有間新既餃子店，仲寫住天下第一餃，咁把炮，就決定入去試一試。坐低之後店務員就俾咗本菜單，因為我哋唔係好肚餓，所以只係點左一個重慶鮮肉雲吞麵同埋雙拼湯餃試試佢。係等緊啲嘢食黎嘅期間，枱上有醃蘿蔔係免費供應，蘿蔔酸酸甜甜，相當開胃，作為前菜係相當不錯！前前後後食左五舊！除咗醃蘿蔔之外，仲提供唔同嘅醬料，包括菜甫辣椒醫，仲有四川辣椒醫。我哋就用左兩種唔同辣椒醫混豉油，用黎一陣點餃子。雲吞比較實淨，唔易散，而皮亦都唔容易爛，雲吞帶鹼水味，雲吞入邊有雲耳絲，十分爽口！而麵方面，重慶湯底辣都未夠濃，但因加了芫荽，味道尚算香！最後都到主角餃子，湯底味道鮮甜，飲得出很少甚至乎係冇味精！食完餃子之後，可以當湯咁飲！而餃子實淨，唔易散，亦都十分足料，可惜肉汁唔夠多！以呢個價錢嘅餃子來講性價比未算高，但味道都算好食！