老掌櫃東北菜館 (已搬遷) 新店位置

雖然寫咗短短嘅日子，我已經收到唔少嘅feedback，有人會驚訝⋯估唔到你會寫野喎～重寫得似模似樣，有人會認真話俾你聽，你有好多錯別字，格式亦可以留意返，令人睇得舒服嘀！其實我真係好開心大家俾我嘅見議，證明你有用心去睇我嘅文章，我開頭只係傻更更咁去開始我嘅寫作，諗住just for fun，但如果可以幫到你地搵食，或者氹到你地笑下輕鬆下，我都開心今次黎到呢間大角咀老掌櫃係因為我好鐘意食醉雞，同其實都知呢間東北菜好出名，因為平時都見到佢要排隊，難得今日見冇咩人，緊係要一探究竟啦～係幅圖你都睇到，醉雞做得相當嫩滑，美中不足係個酒味可以再濃嘀！但有時我諗，因為唔係咁多人飲得，有時嘀鋪頭唔敢整得太重酒味，意思意思一下就算，我食過一間我覺得最好味嘅醉雞，係用一個小酒埕，將雞件放入再用酒完全掩蓋，雞肉真係濃濃酒香，回味無窮。但東北野貴在粗！叫了三鮮餃，餃子皮都係粗厚，簡單，撲素！簡單粗暴就係佢嘅名字！之後我地重有叫炸醬麵，濃濃嘅肉醬加上青瓜，蘿蔔，麵條，味道精緻不足，但粗獷有餘！重有烤麩，我平唔識嗌烤麩黎食，原來佢相當有益，烤麩蛋白質含量豐富，屬於高蛋白、低脂肪、低糖、低熱量食物。 三低，減肥一流

話說上次食完覺得好味又抵食，決定要repeat!基本上佢6時開舖，已經有人龍。小妹同男友人6:30到都要等一陣。另外，如果你人到齊，記住自己同職員講，佢先會安排入座。前菜 - 醉雞 酒味香，有點點甜，好正！主菜 - 酸菜魚唔食得辣嘅小妹覺得好辣，但係係好味嘅，好足料，底有薯粉，超入味！羊肉饀有羊嘅羶味，證明係足料，煎得又香，好食！菜不嬲係小妹最愛，呢個菜上湯唔馬虎，好香蒜子味。小妹覺得呢個蕃茄湯底偏重口味，同預期嘅唔同，但都好味！總括而言，兩個人3百幾蚊，CP值好高，小妹下次想食佢個片皮鴨！

在友人的同事推介之下，我們吃了一頓不錯的東北菜。醉雞的雞肉粉嫩，雞皮爽滑；惟味道多甜少酒，欠有酒的香氣，食味偏甜，是一碟純情的醉雞。鍾情薯仔的友人，來到中餐館，當然不會有薯條薯角，都要叫一客炒土豆絲。開始時小人不以為意，萬料不到居然這麼好吃，驚喜滿分！薯仔絲炒得條條通爽，剔透分明，加上酸酸辣辣的味道，似是吃著一條條的瓜絲，完全不覺油膩，越食越想食！直接了當的蝦蛋炒飯就是用蝦仁和蛋來炒飯，無需甚麼花巧，鑊氣夠，飯粒炒得通透，調味得宜，被我們二人極速秒殺！今次人少，吃不到片皮鴨，下次約多些人一起，可以嚐更多的菜餚。

黎食飯，Book枱是常識~ 因為永遠咁多人，唔book就要排好耐 (今次因為靚既timeslot比人book晒，唯有早D黎walk in)一話食片皮鴨，我一定會諗到呢度因為呢度既片皮鴨好香，油脂分佈好好，仲好抵食 (會跟size附餅皮12塊/24塊)記得要打電話book位落訂叫埋！(要打電話講定先有得食北京填鴨&紅燒大元蹄，就算book唔到枱要walk in，都可以照訂)枱與枱之間唔係隔好開，但都叫坐得舒服叫完野食，好快就上到枱，arount 5-10分鐘就黎到 但質素又唔會變左快餐質素，不得不讚(雖然佢有1.5小時用餐時間，但基於佢上菜速度太多，1.5小時絕對夠你食得開心)推介食物有以下京燒羊肉 ($128)一上枱，超大煙，勁熱 羊肉勁香羊味，肉質細緻，真正啖啖肉，又唔會好油，結果我忍唔住叫左兩碟明明好好食，但又唔係好多枱會叫，唔知係唔係因為大家怕羊羶味？北京填鴨 (半隻) ($158)為左呢隻填鴨黎呢度，結果無失望份量幾多，建議大家6個人或以下叫半隻好啦~ 多過6個先叫全隻啦叫得太大份，就無位食其他菜 如果可以比多幾塊餅皮就好啦，半隻有12 塊，但都唔太夠醉雞 ($68)超入味de

生日飯仲未停呀，今次朋友們帶咗我去食東北菜，六點鐘已經全場爆滿，超級誇張，估唔到咁神秘既地方大家都會搵到😅一早已經做好功課，知道依度個片皮鴨好出名，醒目嘅朋友們已經一早訂定左雞絲粉皮，前菜嚟講都叫做幾大，粉皮唔係淋嗰啲，幾好食醉雞，花雕好入味，我朋友連啲花雕汁都飲埋，好味程度佢哋話下次一定要再叫多次牛犇麵，d牛肉超林，湯底好濃，有小小藥材味，好好食眨吓眼已經冇晒麻辣海蜇，以我依個5太食得辣既人嚟講，竟然我無食到變左angelina jolie😂😂麻麻辣辣，好香，海蜇好爽脆，好食 來之前，💁🏻‍♂️已經講個依度啲餃子好好食，所以我哋叫咗䓢香豬肉，酸菜餃子，本身諗住酸菜餃子會好酸，點知我自己個人覺得唔夠酸，我朋友就覺得剛剛好，個豬肉幾好食,40幾元有10隻，好抵🤭🤭🤭片皮鴨，冇咩肥高脂肪，好食，不過要多啲人一齊食先食得晒，可能因為我哋叫得太多嘢食😅😅😅最後叫左拔絲蘋果，好得意，店家要我地即刻擺落凍水過一過冷河，如果唔係硬哂就食唔到，熱辣辣，甜甜地，好特別，有機會叫埋拔絲地瓜☺️總括而言，又抵又大碟，i will be back

又黎到搵食時間啦😛呢一間次次經過都排哂隊，試問胃食既我點會唔去朝聖下呢。呢間餐廳位置方便一出大角咀旺街就到！一去到已經好多人，最搞笑係好多外國人黎，連外國人都黎試，真係要試試！拎完飛等左陣就到我地啦。兩個人食起初都怕叫唔到幾多，但份量又岩岩好，可以叫多d !首先食左拎過獎既醉雞😋真心好出色 醉雞先講個汁，酒味唔會過量又甜甜地好開胃，其次個雞都滑不過好多血....如果食唔到太生既真係唔好叫，我可以接受但我隔離個靚仔話太生加上佢腸胃唔太好，問問待應先...佢話係咀嫁無問題😛咁我當然招食啦 好吃但接受唔到有血就唔好食。試埋另一碟擔擔麵，可以叫我擔擔麵王😂好鐘意食擔擔麵可能鐘意個湯汁，一流阿呢個擔擔麵，好正宗麵質好食唔會話好淋湯有種胡麻味無得頂！試埋個茄子🍆全晚我同身邊位俊男一致認為最好食，燒得好香好入味配埋豆角無得頂，都算一個健康菜式雞絲粉皮....唔識食...仲難食過食河粉但唔知點解咁多人叫😅但總體黎講好高質素，下次一定再去，要叫多d朋友去！

這間東北菜館舖位細細，而且用盡所有空間去擺放餐卓，服務員要在非常狹窄的通道幫客人落單傳菜，但是客人一些都不介意在這擠迫的環境用餐，當晚坐無虛設，我們一行六人，可以點多個菜式試試，餸菜很快就上枱，先來的是冷盤，雞絲粉皮，簡單的配搭，口味清新，醬汁不是太稠杰跟著是醉雞，充滿酒香，酒還帶少少的甜味，雞皮爽滑，雞肉嫩滑麻醬冷麵，醬汁帶濃濃的芝麻香，麵質有彈性，這個醬汁跟雞絲粉皮不同，這款濃厚很多跟著是片皮甲鴨，一隻只不過298元，一碟是半隻份量，好抵食啊！皮脆肉嫩就是最好的形容詞！豆角炒茄子，好普通的家常菜，但出乎意外的好味道，有鑊氣，清炒就可以帶出蔬菜的鮮甜味家常餅，香脆不油膩店舖不收加一，不收信用卡，價錢比起一般的京滬飯店低，如不介意用餐環境擠迫，沒有殷勤的服務，真是值得一試。

突然好想食醉雞，原本想去就腳既X太瘋食，但被反對說咁細碟唔夠食，下旨再搵搵。嬲嬲地揀間唔就腳既等朋友放棄轉餐廳，點知竟然贊成要試試…幸運地真係好食！尋日先bk位，6點個輪已full係意料中事，第二輪要8半才可入座。阿姐教路留定半隻片皮鴨穩陣實有得食。8點已餓到不行，搏一搏早d行去睇下俾唔俾入，去到見到起碼10人等緊已心知不妙，因有食力奇經驗bk左都要拎飛，所以問下阿姐bk左位洗唔洗拎飛，阿姐見有bk又有枱執緊竟然放我地早15mins入去食！so nice! 有時客仔就係咁簡單，少少著數已超滿足！拿拿臨order一早諗定既菜式拍黄瓜$42味道非常普通，唔係浸得好入味，唔夠酸。醉雞$68上枱已覺得好大碟，仲要成係隻雞脾，由於本人比較奇怪鍾意食鞋雞肉，對於唔係雞胸好失望但d雞肉真係好滑，加上啖啖酒香食到唔停口！四季豆$66入去時見到每枱都有點，本身都鍾意食呢味菜，可惜不算驚豔，只屬中等之作，勝在無目測咁咸，因為所以咸味都係由肉碎而來，而家好在唔會好似出面有d餐廳咁碟底成兜油。半隻片皮鴨$158呢味真係好抵好抵食，係晏晝一個燒鴨飯都5,6十蚊既時候，呢碟野只係百幾蚊！仲有有姿勢有實際，當然唔係

一行5人來食野，朋友一早訂左枱同留定半隻片皮鴨，因為話好多好評話要試下。去到 喺門口已經見到 如果等超過十五分鐘會有嘢食送， 所以等咗十分鐘到就有喇。嘢食整體質素唔錯，但上菜時間比較慢， 如果叫拔絲蘋果，記得叫佢上埋唔係就要等成個鐘㗎啦！

星期六與朋友一行5人去大角咀尋滋味，訂了坐，很快就可以入餐廳坐下點餐！在門口等候朋友時，發現店家很好，如果候坐超過15分鐘，會送小吃！超級窩心點菜方面，自助寫NO. 省確了侍應等候的時間我們點了9樣東西，價格也只是$591 抵先說說前菜我地叫左雞絲粉皮、醉雞、老醋萵荀主食片皮鴨人唔係太多👏🏻所以叫左半份片皮鴨但半隻既份量同 「北X人家」全隻差不多大隻 價錢仲平好多 味道當然也差不多好好味白菜水餃 +$5 就可以成碟轉成煎餅 熱辣辣小心辣親萵荀的味道有d似油麥菜唔係間間有得食！清爽！值得一試羊肉餡餅羊肉好羶 喜歡羶味既勁愛，討厭既就好討厭（唯一的壞處就係最少叫2件）一件$18甜品環節蘋果拔絲必食 好辣口 小心小心高力豆沙 可以一試 但我個人覺得麻麻地 可能我唔喜歡豆沙壞處都係 最少要叫2件

和朋友gathering~家人介紹到這一間～雖然有點'格sip' 但有google map 還是輕鬆去到～～我們4個人點了4個菜一個甜品～分別是醉雞，小黃瓜，北京填鴨，雞絲粉皮和高力豆沙～～我地點了2碗白飯4人分～因為有朋友生日之後要留少少肚食蛋糕😋第一次寫食評～所以忘記記錄價錢～十分抱歉！埋單3百尾～total 4個人每人都吾洗一百蚊😋超值

香港其實都唔係太多間食東北菜既餐廳，今日就去左大角咀既老掌櫃一嚐東北風味。我地一行三人叫左4樣野，有醉雞、雞絲粉皮、白菜豬肉餃、秘製杭州骨同埋蘋果拔絲。而我覺得最值得推介既係醉雞同雞絲粉皮呢兩個凍盤，首先呢間餐廳價錢真係無得輸，而份量同質素都有返咁尚下。另外醉雞做得十分出色，花雕酒嘅味入晒落隻雞度，而呢間餐廳嘅醉雞喺用雞髀位去做，所以包保食客食到雞最滑嘅部份。仲有雞絲粉皮亦喺我好喜歡嘅菜式嚟，麻醬嘅份量啱啱好唔會蓋過雞絲同青瓜嘅味；而其他菜式相對下就唔係太特別了。

見到網上評價咁高，特登預早兩日定位，諗住可以食到正宗東北菜嘅口味，點知只係屬於普普通通嘅貨色，唔係大家講得咁好囉。或者係我叫唔中佢哋拿手嘅小菜？頭盤叫咗醉雞，其實味道都OK嘅，但係略嫌雞肉唔係太入味，同埋有少少生得滯，整體雞肉尚算爽口，中上水準。跟住之後就叫咗一碟松鼠魚，一上枱，都覺得怪怪地，因為顏色實在太過鮮艷，感覺好假。食落口，真係非常非常酸，白醋落得太多，有少少赤親喉嚨嘅感覺，同埋碟餸放入好多急凍雜豆，奇奇怪怪咁，同成件事完全唔搭。失望呀！跟住就到呢個所謂嘅排骨擔擔麵。其實佢擔擔面係做得唔錯嘅，口味尚算正宗，不過就清淡左少少，我希望佢濃味啲，都OK嘅。但係最激氣就係嗰啲排骨，炸得超級差，又淋又滴油，一睇就知油溫未夠就放落去炸，食咗一舊就再冇興趣食第二舊入口。或者係咪我抱太大期望呢？一話呢度真係唔夾我嘅口味呢？我覺得呢度非常普通，或者我應該俾多次機會佢？我唔知，因為我覺得太多餐廳，比佢做得更好食、做得更出色了。

誠意推薦* 一定會回來食食食！鋪頭乾淨清潔，食物都好新鮮！最緊要係員工既服務態度都好好*第一次黎，佢地會介紹有咩好食！價錢仲要吾貴，非要超值各位，真的值得一試的。

香港少有的東北菜館, 之前從未嘗試過,今次一班朋友的聚會來到老掌櫃東北菜館多人去就一定要記得訂位,唔係就要等位一班人未到齊,先叫左D小食,食住先!!!!醉雞好好味，有花雕酒味，肉質都好嫩滑。千層醬豬耳 好爽既豬耳配埋蘿蔔同青瓜絲等等口水雞 好惹味老醋海蜇頭 酸酸開胃紅油炒手(8隻) 平靚正肉三鮮(10隻) 飽肚之選 又係好好味白龍王 - 魚肉去左骨加入蛋白同瑤柱去煮,好香,好滑.黃金芥蘭 同 黃金南瓜真係無得輸, 我真係食唔停口,係超好食,我依家打緊食評都諗起想食,點算啊!!!!!!!大家去到要有心理準備之後要做運動!!!特別感謝侍應熱心幫忙 拿來十多個碟子 來盛載分出來的生日蛋糕而且還幫我們拍了多張大合照