風車

營業中

休息中

難得今日係假期，決定同阿仔一齊去食個休閑午餐。風車係收藏咗好耐嘅小店，終於有機會去試一次喇。到達餐廳時約1:30，基本上係滿座的。午市套餐嘅選擇甚多，漢堡餐有六個選擇，非漢堡則有十款，而且價錢十分親民。因為已好耐冇食burger，我要咗個流心藍芝士牛肉漢堡，阿仔則要咗一份醬燒豬扒土耳其三文治，另外加錢要兩份法式龍蝦湯，餐飲就要咗兩杯冰水果茶。好耐冇飲龍蝦湯，碗湯嘅味道又真係幾鮮美，算喺有個小小驚喜。至於個牛肉漢堡對我嚟講算係有少少中伏，但係這不是餐廳的錯。之前阿仔話藍芝士幾好味，所以我都想試吓，但依家知道原來這不是我杯茶，下次亦都唔會再想要食佢。藍芝士雖然唔好味，但係塊牛肉本身肉汁都幾好，應該是手打的，鍾意食藍芝士嘅人應該會喜歡尼個套餐。阿仔要嘅醬燒豬扒土耳其三文治賣相甚吸引，佢話味道亦非常唔錯。跟餐仲有些少少沙律同埋薯條做配菜，咁嘅價錢真係算係咁喇。今次係第一次嚟試食，我對它餐牌上其他食物都十分有興趣。晚市堂食開番後一定會同屋企人嚟再次幫襯。

今日同媽咪撐枱腳☺️ 咁就當然係佢話想食咩就食咩啦😌 今次佢話想食西餐 咁我就揀左呢間起大圍既 風車啦～～ 火車站行7-8分鐘左右 都幾易搵 入到去店員好有禮貌👍🏻 同媽咪一人叫左一個lunch set😌有頭盤、main同埋set drink 頭盤係可以揀田園沙律或者是日餐湯咁我哋就揀咗各一 而今日嘅餐湯係蘑菇湯🍄 🥗田園沙律 正常味道 份量都唔會話好少🍄蘑菇湯 好香食得出 有打爛到啲蘑菇放左落去 又唔會好漏 🥪醬燒雞扒土耳其三文治 $76好好食😋 包入面係有芝士蕃茄生菜同埋豬扒 豬扒煎得乾身又唔會話好硬咬唔開果隻 個醬又好味 麵包煙煙韌韌 加埋一齊好夾好好味 大推👍🏻仲配左啲粗薯條同沙律 都唔驚唔夠飽😌 🍓士多啤梨脆香雞球 $64呢個係媽咪話想試下 我本身仲心諗士多啤梨醬禁怪😂 點知又幾夾個味都幾新鮮 都不錯呀😍 仲可以揀配意粉/飯/薯菜 咁媽咪就揀左意粉同埋佢既雞炸得黎又唔會好厚炸粉 同埋真係脆身唔會好油 讚呀👍🏻 另外跟餐有2杯野飲凍咖啡凍cappuccino +$10 正常味道唔會太甜👍🏻 整體來講 lunch set呢個價錢食到呢個質素都算幾抵 仲要服務態度好好 環境舒服

Weekend香港一日遊😎今日就去左香港文化博物館睇完展覽就當然去食返個lunch! 今次我地就出左去大圍呢間西餐廳食返個late lunch.🌟頭盤 (田園沙律🥗/是日餐湯🥣)沙律加入左酸酸地嘅醬汁好開胃啱晒夏天食至於今日嘅是日餐湯係洋蔥湯🧅洋蔥湯鮮甜好有牛肉味 洋蔥亦都煮得夠腍而且湯嘅顏色清澈 一啲都唔會覺得油膩.🌟流心藍芝士牛肉漢堡 ($76)藍芝士味道十分濃郁與厚身多肉汁的漢堡扒非常配合🍔麵包亦焗到脆卜卜薯條仲熱辣辣🍟而且佢有返一定嘅粗度可以食到外脆內軟嘅感覺加埋佢啲調味真係好好食.🌟醬燒豬扒土耳其三文治 ($76)三文治入邊有兩大塊豬扒🥪 份量十足包嘅口感係比較煙韌加埋醬燒汁令味道提升另一個層次☺️.🌟荔枝梳打 (+$12)荔枝梳打好清新解渴仲放咗大大粒荔枝係飲品度.🌟水果茶水果茶茶味濃郁🍹仲有少少果味 好清新解膩

幾經辛苦，終於算係捱過o左疫情o既寒冬期，講緊唔只係限客令正逐步放寬，係之前o個排我直情完全約唔到人出o黎食飯咁滯……今次約朋友開餐，都盡量想揀番d 疫情之中比較受影響o既一群，最後幫襯呢間restaurant bar。因為我地日o抖o黎，間bar 多玻璃窗，內裡又多鏡，而家呢個moment 感覺都幾光猛闊落。不過長長o既bar 檯、酒櫃、巨型水晶燈之下，亦唔難想像夜裡閃閃生光，大家入o黎飲番兩杯o既情調。午餐搭配田園沙律or 是日餐湯，greenies 自然係我朋友o既favourite，餐湯係磨菇湯，氣味清新。醬燒牛柳粒($74，午餐無加一) 係menu 上無o既菜式，因為原本o既鹽燒牛脷暫時缺貨。佢o既洋蔥醬汁調製得好惹味，係略嫌肉質比較實o左少少。套餐跟o左意粉，d 意粉幼身爽口，最適合蘸埋d 洋蔥醬一齊食！除o左飯/意粉/steak，仲有burger 類可以選擇。醬燒豬扒土耳其三文治($76) 賣相唔錯，同埋感覺上好大份，值得一叫！隻包係潛艇型算巨型，好重蒜蓉香，舊豬扒更加係充滿炭燒o既氣息，令人聯想起土耳其烤肉，長長垂直圓錐體燒下燒下，到食o既時候一塊塊片落o黎o個個景像…

餐廳以「風車」命名，除咗代表歐陸風情外，仲係附近車公廟嘅象徵🙏🏻店嘅正中央掛咗巨型水晶燈，以全黑設計配以數幅超大鏡子，簡單有型😎💗是日餐湯椰菜花忌廉湯質地稀到好似水咁🥦味道完全冇蔬菜嘅清甜同忌廉嘅奶香，而且一d配料都冇。最大問題係鹹到痴咗線，似鹽味嘅奶水多過湯🤮💗醬燒豬扒土耳其三文治($76)土耳其包烤至外層香脆，入面鬆軟有彈性，包面有黑白芝麻作點綴。內𥚃有兩大塊厚身豬扒，肉質較結實但絕對唔係韌，證明冇落鬆肉粉。食落肉味濃郁，富炭燒香🐷配上被熱力迫到半溶嘅芝士同燒烤醬，特別香口惹味🧀再加上清新嘅生菜🥬同蕃茄🍅 中和油膩感粗薯皇炸到外面金黃焦脆，裡內係綿密飽滿嘅薯蓉，好有薯仔味，點埋茄汁仲夠味🥔💗日式照燒雞肉脆豬($76)脆豬包烤至外層卜卜脆，入面軟熟，不過涷咗比較硬🍔雞扒大件厚身，皮下脂肪少，食落唔油膩🥩煎香後肉質都算嫩滑，只係某d位有少少乾🐥最重要係雞扒冇雪味，濃稠嘅照燒汁添加甜味。同樣夾咗車打芝士、生菜同蕃茄，非常豐富💗跟餐飲品即使涷飲都唔需要加錢，分別揀咗奶茶同水果茶🍹

今日出左大圍搵朋友，搵左呢間隱世小店食野。鋪頭夜晚係一間bar，晏晝就好似一間西餐廳咁，有做d西式lunch set，選擇都幾多，有啲扒，意粉，漢堡等等。因為唔想食太飽，所以今次揀左煙肉芝士牛肉漢堡，同埋醬燒豬扒土耳其三文治。先黎跟餐既粟米湯同沙律。朋友話粟米湯略嫌唔夠咸，自己加左鹽好好多喎。沙律方面就好新鮮！牛肉雖然唔算好厚，但係有肉汁，仲有好香既牛味！加上佢既麵包好鬆軟，又搽左蒜蓉上去烘，為漢堡加多左層次感。煙肉煎得香，芝士溶左落塊包到好食！豬扒包好犀利！！入面有兩塊豬扒！！同樣都係芝士已經溶左落塊包到，好好食。再加上佢既醬汁（應該係燒汁？），同成個包好配合，唔會太甜太咸。配角既薯角都好似新鮮炸起咁，唔會覺得炸左好耐咁會有油膩感同唔脆。整體黎講，兩個set既cp值好高！飲品方面，普通既茶啡唔需要加錢，我就揀左加10蚊既爆谷味咖啡，因為貪佢新奇同未試過。咖啡調味都恰到好處，一上枱就聞到濃濃既爆谷味，當你以為佢咁香爆谷味應該好甜啦！佢又唔會喎！只係少少甜，仲飲到咖啡香味，唔會酸。仲有！！佢地用既鹽同黑椒都比人感覺好用心！本身仲話想唔食咁飽，點知呢兩個set都飽到飛起！

行到邊食到邊～大圍。-難🉐️約會好朋友在大圍吃午餐，想吃一點特別的食物。尋覓中發現風車餐廳可以吃土耳其包，便坐入去試一試。-HK$74煙肉芝士牛肉漢堡午餐～先説番茄忌廉湯-呷一口湯便吃到粒粒番茄，是真材實料又濃郁🍅。🍔一咬下去已經肉汁爆瀉，牛肉味濃，煙肉煎至脆邊，份外香口配上車打芝士😋番茄及生菜減低油膩感。伴碟還有沙律菜吃，可以做到均衡營養😉-HK$74醬燒豬扒土耳其三文治～土耳其烘熱後軟綿綿，🐷扒挺厚，兩塊🐷扒搽🈵️醬燒汁又不太鹹，肉質鮮嫩彈🈶️汁👍🏻😃配上車打芝士更加惹味。伴隨之厚切薯角炸至香脆，吃一條後便停不下來🤪。-餐飲～水果茶是荔枝味。好濃荔枝又甜好特別☺️。-環境舒適又坐位寛敞，侍應非常有禮。午餐不需要加一，午餐份量大，吃完午餐後不用吃晚飯了。又多一個與朋友吃飯及傾談心事的好地方👍🏻-🍔:Windmill Restaurant & Bar 風車📮：大圍積存街50號葵偉樓地下

估唔到大圍呢度都有一間充滿異國風情嘅餐廳，以水晶吊燈作裝飾，更加有情調。⁣⁣⁣🥰⁣⁣⁣醬燒豬扒土耳其三文治（$74）【好味度:6.5/10】⁣⁣⁣⁣⁣⁣呢個lunch set包埋沙律或者湯，而且兩者都幾大份。😆 主菜係醬燒土耳其豬扒三文治，足足有兩塊豬扒，好足秤。😛 三文治嘅包用作意大利拖鞋包(Ciabatta)，水份比較高，好軟熟。🇮🇹 包入面亦有生菜同埋芝士。💁🏻‍♂ 伴碟嘅薯角亦有水準。😇 飲品除咗揀咖啡或茶之外，亦都可以揀水果茶，唔錯。⁣⁣😗

中午和朋友在大圍揾食，揾到積存街，日間的積存街是靜中帶旺，晚上的積存街就會熱鬧起來！來到「風車」吃西餐，我的醬燒豬扒土耳其三文治$74，自選法式龍蝦湯加$15，荔枝梳打加$12。首先品嚐是法式龍蝦湯，味道我略嫌鹹了少少，這可能是我比較喜歡清淡口味的原因。大大份的醬燒豬扒土耳其三文治令我眼前一亮，雖然在土耳其冇豬肉食，但餐廳真好，可以食到土耳其冇的醬燒豬扒土耳其三文治，豬扒腍滑又有肉汁和美味醬汁，三文治~~長方形的包包又軟綿又暖暖的，還有芝士、蕃茄片和生菜，香港人做生意頭腦靈活，我不喜歡芝士，我要走芝士，餐廳都做服務。味道清帶少甜的荔枝梳打，很得我喜歡！朋友的日式咖喱雞球$64，自選意式咸牛肉沙律加$30，凍爆谷味咖啡加$10。意式咸牛肉沙律，咸牛肉味道咸香得宜，配香醋沙律很開胃。日式咖喱雞球份量不少，咬落雞球有肉汁不是炸到乾淨淨個種，佐日式咖喱汁、番茄醬吃，任隨尊意，我就喜歡原汁原味吃雞球，我們都楝薯菜，吃得又飽又滿足！

話說我都在沙田區打滾了兩個十年，今天我發現，原來沙田區有很多地方變遷得太快，我也沒辦法跟得上。亂打亂撞之下，今天路過大圍油站附近，發現一間外形是酒吧，原來暗地裡內藏寶藏的好地方。在店鋪的外觀，以為是一間非到晚上六時才營業的食店，望真，中午已開始營業，還可填飽和滿足到我這個貪吃鬼。一步入店內，環境非常有情調，一個大大的水晶燈沿掛於中間，很有氣派。再加上前後安裝至少 50吋的大電視，可想而知，晚上到此消遣或睇波，一定非常有氣氛。我們二人坐下，職員即遞上餐牌，介紹了人氣非常的日式照燒雞肉漢堡和醬燒豬扒土耳其三文治，我們當然聽取職員介紹，點了這兩個餐，套餐附有餐湯或沙律，還有餐後飲品。不需十分鐘，份量十足的兩個餐送上面前，它的外相的吸引程度，實在令我忍不住要相機食先，快速傳送給我另外的好朋友知。日式照燒雞肉漢堡，件雞扒夠嫰又夠厚，肉汁豐富，上下兩件麵包，也非常香口，中間亦夾雜著蕃茄，帶出鮮味，搭上雞扒一齊放進口中，那種味覺的微妙，真是不能用筆墨來形容。而醬燒豬扒土耳其三文治也不遜色，店鋪毫不吝嗇，放兩件厚豬扒，嘩!已值回票價。伴菜和著角亦非常新鮮，整體賣相已值一百零一分。埋單計，每人平均使費都