一起果醬 (已結業)

我是很喜歡吃果醬的人，每天早上麵包都要塗上滿滿的果醬，所以對一起果醬這餐廳是充滿期待的。 Dinner Set有主菜，沙律，餐湯，餐飲和甜品，一次過滿足多個願望。 野菌忌廉湯野菌忌廉湯用料十足，加入了大量野菌粒，令質感變得非常濃稠。綿軟的野菌粒令整個湯的口感變得相當豐富。 田園沙律 田園沙律配熱情果油醋汁，清爽沙律菜和車厘茄，配上帶酸的熱情果油醋汁，非常開胃。 士多啤梨豬肋骨 豬肋骨也是幾乎我每次必點的菜色，肉質保持嫩滑而且多汁，輕易就能切開，再配上士多啤梨醬汁，帶有甜甜的感覺。 果醬九宮格多士 一次過試到9款口味的果醬，多士分成九格，上放不同果醬，包括有桂花雪梨、玫瑰蘋果、肉桂蘋果、熱帶風情、蛋黃菠蘿、黑糖四物、士多啤梨，木瓜雪耳和藍莓。最特別是黑糖四物，有少少薑的辣味，另外熱帶風情有果肉，非常有口感。我們一邊吃一邊猜是那一種味道，好味又好玩，一定要試。 特製果醬梳打 可以自選果醬口味，選了肉桂蘋果，帶有玉桂及蘋果的香味，但如果可以少冰更好，我們丟掉冰粒之後只剩半杯。 跟餐甜品係芝士餅配士多啤梨果醬，口感幼滑，但略嫌甜度過高。 整體服務跟食物都很滿意。

Jam作為一個動詞嘅話，我會理解咗jam歌嘅意思，但係呢間舖面名上面，佢係解果醬，一間以果醬做賣點，除咗甜品麵包會用到果醬之外，連主菜都會用到！ Let's Jam😋佢離佐敦站只係幾分鐘路程，位置於山林道附近，個邊其實都有好多美食，而佢就靠果醬嚟突圍而出啦餐廳有室內同室外位置，當時平日七點左右去到已經有五六枱客食緊，除咗朋友聚會之外，亦見到有媽媽帶埋bb仔嚟食果醬方面佢提供好多選擇，有玫瑰蘋果、肉桂蘋果、桂花雪梨、丁香香橙、蛋黃菠蘿、木瓜雪耳、熱帶風情等等。除咗煮落嘢食之外，仲可以俾人買果醬番屋企😛 最特別係見到menu上無嘅榴連味！🥘龍蝦汁海鮮意大利飯份量足夠俾一個男人食，上面有青口、蝦、帶子、魷魚等等嘅海鮮，非常足料！飯粒有咬勁，成個飯都充滿住汁，但又唔會煮到好腍好水，黏黏地而且見到少少芝士絲，味道不錯👍🏿🐔玫瑰蘋果醬單骨雞翼呢個醬唔係就咁點嘅，而係已經舖滿哂雞翼上面，單骨雞翼本身就煎過嘅。個醬同雞翼好match，甜甜地但唔會好膩或者漏，雞翼外層keep住脆脆地，肉質嫩滑，連𥚃面嘅肉都有少少甜味🍄野菌忌廉湯味道幾濃👍🏿 成個湯唔會好稀好似水咁，入面會食到蘑菇碎🍒果醬沙冰 雜莓呢款好

朋友推介一間以果醬及甜品作主打的食店，除有all day breakfast之外，也有晚餐供應的。我曾經試過一間以做甜品手法來煮鹹食的食店，既然有新意也不妨去試試。餐廳座落於尖沙咀與佐敦之間，以前也間中會到這裡來，所以也不難找到。我們兩人點了一客慢煮法式羊架配芒果芥末醬，連田園沙律配熱情果油醋汁、是日餐湯及是日甜品套餐($239)，還有跟餐飲品(半價)的特製肉桂蘋果果醬梳打 ($22)，另外散叫的黃金蟹肉軟殼蟹意粉$109)、野菌忌廉湯 ($39)及果醬九宮格多士 ($48)。田園沙律配熱情果油醋汁作為前菜，內有沙律菜外，還有熱情果粒、蕃茄仔及芝士粉，醋汁微酸，令清新的沙律更有開胃的作用。是日餐湯剛巧又是野菌忌廉湯，所以兩客都是相同的湯就一齊上。野菌已經打碎，但沒有刻意做成濃湯，所以不稀不稠，上面加上一些香草碎，熱熱的送上，味道不錯。黃金蟹肉軟殼蟹意粉的意粉不會太腍，上放一隻炸透了的軟殼蟹，香氣撲鼻，意粉內有蟹肉、鹹蛋黃、芝士粉及香草碎，以鹹蛋黃配意粉都幾特別。慢煮法式羊架配芒果芥末醬，因慢煮關係，羊肉帶粉紅色，保持肉質嫩滑。伴碟有薯角、蕃茄仔、露筍及豆，配以芒果芥末醬，味道不錯。但羊

約左好姊妹晚餐談天當然要搵間又靜，坐得舒服既餐廳啦想食一起果醬呢間餐廳好耐了!一早係openrice 網上預訂座位因為book 6:30pm,當時餐廳未有好多客人等埋好姊妹來到就點餐了野菌忌廉湯 - 比想像中好飲，味道相當入口羊架 - 好友同我都覺得比較紅，感覺未煮熟，店員解釋返因為係用慢煮方法烹調，所以顏色會比較紅，可惜兩塊羊架多筋少肉，有點失望果醬九宮格多士 - 主打甜品當然要order啦! 不過食完覺得無咩特別果醬雪糕窩夫 - 又係必點甜品之一， 店員推介得果醬果然好味，配落窩夫上特別好食跟餐甜品 Cheese cake - 好味道! 不會太漏或者係太期待呢間餐廳，反而令自己有點失望...而且2位女店員笑容欠俸...希望服務態度上可以做得更好喇

今日一條友在尖沙咀行行吓見到有間店門面裝修得幾文青畀佢吸引過左去睇吓，原來主打手工果醬小弟以前返學早餐好鐘意果醬搽麵包，現在返工好少有機會，一於入去尋食緬懷過去回味吓先入到裏面原來係英倫風，睇餐牌好多嘢食，有英式早餐、小食、午餐、甜品等等我選左一個午餐、兩個小食和果醬多士。首先講講個午餐先，我選左白湯，係野菌忌廉湯，個湯好好味好好飲，而且好creamy主餐我選左黃金蟹肉軟殼蟹意粉，意粉份量幾多有半隻軟殼蟹，有好多蛋黃和蟹肉，撈埋意粉一齊食囗感豐富和味道甘香餐飲就加左$12升級，凍既熱帶風情果醬綠茶，飲落味道甜甜地好清新，而且有好多果肉食跟住個兩個小食：玫瑰蘋果醬單骨雞翼和炸魚手指配芒果芥苿醬玫瑰蘋果醬單骨雞翼，個果醬完全包圍住隻雞翼，食落甜甜地而且雞翼外脆內嫩，食到停唔到口炸魚手指配芒果芥苿醬，魚手指熱辣辣，外層脆各各，但內裏魚肉嫩滑可囗唔點醬已好好味，點左醬多左種芒果既香甜味終於到重點鎖在，話左來試果醬懷緬一吓就係果醬九宮格多士，一片厚多士分成九格，每格上面放一種手工果醬九種唔同味道既果醬，一試難忘而且每種果醬都包含左唔少果肉食完真係令我想起以前簡簡單單有一片麵包搽果醬食，就已經好開

就讀理大的朋友吃過這裏的下午茶，覺得果醬入饌的甜品味道不錯，便帶我來 Dinner~白酒忌廉煮青口，大大隻的青口，肉質細滑，以白酒忌廉醬汁/蒜片調味，令青口帶著微微蒜香，鮮味十足!黑松露野菌意大利燴飯，飯粒軟硬適中，油而不膩，富濃厚黑松露及菇菌味，菌香四溢!我們還點了Set Dinner:田園沙律配熱情果油醋汁，蔬菜用料新鮮，加入果醋，酸酸甜甜，清新醒胃。野菌忌廉湯，溫熱暖和，口感濃稠，湯中夾雜菇菌粒粒，口感層次豐富，滋味可口~酸辣青檸醬焗龍蝦配龍蝦汁意粉，柔韌的意粉沾滿濃郁的龍蝦汁，龍蝦肉肉質紮實，加上獨特的酸辣青檸醬汁調味，鹹中帶微辣，香口滋味~法式焦糖焗蛋，面層果醬為焗蛋添上一份雜莓的果酸香，中層焦糖薄而脆，甜而不膩，底層焗蛋，香甜細滑，入口即化~特製果醬梳打，手工果醬款式選擇多，有芒果/桂花雪梨/丁香香橙/菠蘿等等，最後選了玫瑰蘋果，每口梳打充滿玫瑰蘋果的甜香味，果香四溢，跟餐更享半價優惠$22，抵飲!前菜至甜品皆很味美，尤其該店招牌手工果醬飲品及甜品，加入果醬的食材，味道更錦上添花，滋味獨特!

果醬！我就鍾意叫果占，因為，有種港式地道嘅感覺，又中又英嘛。以前好鍾意羅拔臣嘅檸檬占，不過，依家好難搵。小弟鍾意食麵包，亦鍾意食果醬，所以，舊年去咗一轉北海道，專登晌富良野到訪「ふらのジャム園」（富良野果醬園），嘩！啲果醬口味多到不得了，兼且好特別，而今晚嚟到「一起果醬」，同樣喺以獨特嘅果醬為賣點。門面一身滴湖水藍，加上一邊擺出全部自家製手工果醬，另一邊放滿各式各樣小盆栽，未入去已有種田園氣息。踏進餐廳，氣氛不俗，仿如經過田園再走入一家小木屋，田園風嘅木枱、不拘一格嘅木椅，配以柔和嘅燈光，少少牆上嘅小擺設，裝修簡約。餐廳尾喺水吧，後面就喺廚房，雖然水吧擺咗好多嘢，但感覺有條不紊，整整齊齊。頭頂嘅木箱，下面貼上唔同顏色嘅木板，都滲出點點原始味。食物，就梗喺唔會得麵包同果醬啦，主餐牌分別有全日早餐、沙律、湯品、小食、前菜、意大利麵、意大利飯、烘焙包點、甜品及各樣飲品。原打算試試佢哋嘅全日早餐，因為有加入「果醬」成份，可惜，到訪當晚無供應。此外，晚市仲另外供應晚餐，一共6款，散點或套餐形式都得，如選擇套餐則包括田園沙律、是日餐湯、主菜及甜品，定價為$199-$239 +10%，飲品有半價優惠

Let's Jam在西貢開業多年，但窩夫與蝦子餅一直沒有光顧過，一來假日下午時分總是坐滿了食客，二來窩夫對果醬興趣不大。不是收到Let's Jam的試食邀請，窩夫與蝦子餅也不知道原來Let's Jam已進軍九龍區，九龍店由佐敦港鐵站D出口步行前往只需5分鐘，交通非常方便。見到門外陳列的一樽樽果醬，便知道找對了地方。窩夫很喜歡牆上大大的JAM字。晚上6時至10時半有六款晚餐供應，晚餐包括沙律、餐湯、主菜和甜品，窩夫與蝦子餅點了一客晚餐，所選的主菜是士多啤梨燒豬肋骨($229)。晚餐的田園沙律的份量不少，蔬菜都很新鮮，熱情果油醋汁味道偏酸，非常開胃。野菌忌廉湯的野菌十分足料，菌味濃郁，但跟在其他食店喝到的有點不同，忌廉的比例較少，沒那麼杰身。主菜來了，整體賣相討好，燒豬肋骨旁放了一樽士多啤梨果醬做的醬汁，醬汁酸酸甜甜的味道中和了豬肋骨的油膩感。豬肋骨不會燒得太乾，配角薯角有驚喜，新鮮熱辣，香脆可口。All Day Breakfast 是Let's Jam的招牌菜之一，窩夫與蝦子餅當然要嚐嚐。晚餐以外，點了一客全天豪華黑毛豬扒早餐($129)。厚多士可自選果醬，窩夫與蝦子餅選了丁香香橙果醬，

看到果醬很自然會聯想起麵包位於山林道的這家餐廳可以盡情地改變一切定規以果醬配搭出各款食材, 讓人眼前一亮, 感覺新奇手工果醬還會出售, 愛上的話可以帶回家店內裝潢讓人置於花園, 燈光偏暗, 令人放鬆心情打開餐牌, 仔細一看, 大部分都暗藏果醬。特製果醬梳打可選任何一款果醬做底, 店員會先上已裝有果醬的玻璃杯, 再即場搖匀梳打水及流入杯內我選了桂花雪梨, 由於果醬易黏於杯底, 所以每次飲都必須攪匀, 以免吸入時覺得太甜玫瑰蘋果花茶熱乎乎的茶, 每口都飲到蘋果碎, 非常嚼口, 甜度較高, 而香味則由玫瑰花提供女士們一定愛上野菌忌廉湯顏色深厚, 極多菇粒碎, 而湯底較稀, 帶點意大利風格玫瑰蘋果醬單骨雞翼炸得脆, 由於已淋上醬汁, 外層開始偏淋, 減輕熱氣感而帶點玫瑰香氣蟹肉沙律配熱情果油醋汁新鮮蟹肉配新鮮沙律菜, 加入略甜熱情果醋比起經常吃的凱撒沙律, 比較新奇另類, 是一道令人有新鮮感的開胃沙律主角來了果醬九格多士一場來到, 當然要盡試所有手工果醬味道一客多士就要以滿足九個願望多士texture烘得像鳳梨酥般鬆軟左邊第一行士多啤梨 - 好香甜木瓜雪耳 - 偏甜, 木瓜味不重, 雪耳碎增強

朋友介紹 -- 個名好特別既 一起果醬話就話係尖沙咀, 但其實最近既地鐵站係佐敦恆豐出口~初頭聽個店名都擔心會唔會淨係得甜食T___T但係原來有好多款主食(咸)都可以用果醬入饌, 仲一D違和感都無~!令人舒服既格局~ 木系為主, 可以望到水吧同蛋糕櫃仲有一大片假植物牆不過最令我地喜愛既 其實係佢D餐具!!!純潔既白色 有通花有雕花 好有英倫feel : )大細沙律一齊黎! ;D大既係單點手撕燒豬肉沙律配熱情果油醋汁 $59細既係叫Set Dinner跟餐既田園沙律配熱情果油醋汁細既反而更加食到醋汁既酸味~~~ 好開胃呀^____^!!而且中間不停夾雜住熱情果果肉, 係一個好開胃既沙律手撕豬肉唔算太多, 不過都幾惹味~跟餐既仲有個餐湯~ 今日係野菌忌廉湯有濃濃既野菌香味! 湯都好滑, 份量唔少呢~~~估唔到跟住上枱既竟然係甜品先XDDD英式奶油鬆餅餐 $59 凡係有果醬既菜式都可以係11款指定果醬入面揀1款, 我地今次揀左玫瑰蘋果~出奇地玫瑰比蘋果味更出~ 但成個jam都比人好清甜既感覺唔會膩<3細細件既鬆餅 估唔到麵粉比例相當高 唔會太甜 好飽肚lol今晚既主菜我地揀左士多啤梨

為慶祝9月1日開學，與家人們及其小孩們食開學前飯。家人選擇了尖沙咀的"Let's Jam 一起果醬"。我第一次嘗試，好新鮮、新奇、特別！九宮格多士：創意無限，果醬新鮮。野菌忌廉湯：香氣撲鼻，好味！紐西蘭羊架：試了一口，果然沒有太大的羊氈味且入味，不好羊的我，都覺得好食。黑毛豬扒:好嫩滑又唸，絕對值得一試！芒果沙冰：👍手工果醬都有10種味道！應有盡有！最後仲比咗9折我哋。建議：黑松露菌飯份量可以再多啲！價格唔算平，可以再大眾化一點！

之前有朋友試過呢度話晚餐ok,難得有空閒時間就過嚟試下一坐低望到出面幅墻鋪左啲草即刻成個人好放鬆頭盤沙律dressing酸酸地，好開胃！！一啲都唔求其餐湯要野菌忌廉湯，好多菇，啖啖都食到菇粒！又唔會太稀，正！！終於到主菜，野菌意大利飯，同樣都係好足料，好味！！唯一不足就係啲飯有啲硬，可能我個人比較鍾意食淋啲而家好少有晚餐送甜品，多數都要加錢，呢度就唔使加錢，而且仲好好食同好滑！朋友果然冇介紹錯，值得下次再encore!!