上海弄堂菜肉餛飩 (電氣道)

營業中

休息中

第一次去上海弄堂天后嘅分店，整體感覺幾好，食物都保持到一貫水準又夠抵。我同朋友叫咗個二人餐share，再加咗個銀絲卷，都已經夠食。先嚟餐飲，我揀咗熱豆漿，甜甜地，飲落暖胃，適合晚餐飲。前菜鎮江肴肉，肉質結實，脂肪好晶瑩，咬落去膠質口感，真係唔錯。五色蔬菜春卷，炸到好脆口，蔬菜餡相對健康。火腿濃湯砂鍋雲吞雞，套餐一大亮點，雲吞好大粒，仲有雞髀，非常足料。湯底火腿鹹香味濃，好好飲。雲吞雞配咗菜飯，夠多菜，健康又飽肚。炸銀絲卷，外面炸到好香口，同時入面又軟熟，配埋煉奶，甜甜地好好食，可以當半個甜品。最後係芝麻湯圓，薑汁辣辣地，中和湯圓嘅甜味，唔會太膩。

來到天后嘅電氣道絕對係美食集中地。情有獨鍾想搵上海菜館。不遠處就見到「上海弄堂菜肉餛飩」。餐廳提供多款午市套餐，以麵食、雲吞或客飯為主。酸辣餛飩麵套餐$70 （包飲品）喜歡試唔同上海菜館嘅酸辣湯。辣度，酸度夠平均，亦帶有甜度，因此味道很濃郁。材料豐富，木耳、豬肚絲、豆腐乾、蝦仁😋.....菜肉雲吞更加係超級巨型，餡料豐滿夠份量，非常滿足！超值一人餐＄118 （包括湯、飯、飲品、前菜或小食）養生湯 （椰子紅棗雞湯）套餐+$8熱辣辣養生湯，清甜滋潤好暖胃！鎮江肴肉有肉香，味道清爽不油膩！配點薑絲和鎮江醋超美味！😋酸梅湯自家製作，酸酸甜甜，清爽解膩！👍🏻豆漿豆味香濃👍🏻回鍋肉鑊氣十足！椰菜、紅椒、青椒🫑吸滿濃濃嘅醬汁，豬腩肉切薄片偏瘦亦冇咁肥膩👍🏻👍🏻菜飯非常美味，軟熟而不油膩，配濃味回鍋肉最啱。小籠飽 $48 （四隻）即叫即蒸，傳統味道，肉餡多汁鮮味。各款傳統上海料理有水準且價錢合理，天后區較少有嘅同類型餐廳。

突然想食上海菜，再次到訪這小店晚餐。這店在小巷位置，自成一角，方便駕駛者外賣自取。坐下數分鐘，已見很多人外賣自取，一去到就有得拎，非常方便！正當睇下食乜之際，發現可以用 QR CODE 下單 終於決定食什麼了，由於友人想食小籠包，所以就點了「豐盛一人套餐」及「超值一人套餐」，雖然小了一點，但就可食到不同種類的食物了 ^_^酸辣湯，一人一碗，材料豐富，夠酸辣，開胃！小食選了「鎮江肴肉」及「燻魚」。鎮江肴肉，呈啫喱狀，晶瑩剔透，肉質彈牙，配上鎮江醋及薑絲，份外惹味！燻魚，外酥內軟、味道濃郁、甘甜美味！弄堂回鍋肉，友人至愛，豬腩肉爽口，不肥膩，辣味夠，佐飯一流！所以點了一碗菜飯，配回鍋肉！砂窩餛飩雞，只在「豐盛一人套餐」內，這裡主要食餛飩，所以這道菜就可品嚐餛飩了。餛飩雞，紹菜吸滿火腿雞肉湯汁，清甜、鮮味十足 加$8 轉擔擔麵，麵條沾滿了帶微辣的湯底，香濃美味！最後，當然唔少得的小籠包啦！皮薄、一咬開便爆出鮮甜的湯汁 各加 $3 點了「凍甘庶水」及「凍酸梅湯」，非常豐富的一餐！

今天下午休息，約了好友到天后吃午飯，好友提議到「上海弄堂菜肉餛飩」吃上海菜，地點距離天后地鐵站只有數分鐘，非常方便。我們點選兩份「超值一人套餐」便可分享不同的美食，每份「超值一人套餐」包含：湯（2選1）；特色涼菜（4選1） ；主菜（4選1） ；飯麵（4選1）和凍飲1杯。點菜時可掃描枱上的QR code自行下單。酸辣湯融合黑木耳、肉絲、冬菇絲等，口感豐富，濃稠度剛好，酸酸辣辣， 十分開胃。特色涼拌：燻魚和鎮江肴肉燻魚口感外酥內軟，烹調時放入醬汁，增加了滋味及色澤，味道甘甜。鎮江肴肉肴肉呈啫喱狀晶瑩剔透，肉質彈牙結實，沾上鎮江醋及薑絲一起品嚐更覺美味。主菜要了無錫排骨和紅燒肉百葉結排骨肉質鬆軟，吸收了醬汁和醋汁，每啖都是軟綿多汁的肉質和香味。 紅燒肉百葉結紅燒肉和百葉結一起烹調，可有降膩作用，豆香味融入紅燒肉中，使肉味更加濃郁。🍜擔擔麵麵條沾滿帶微辣的湯底，加上肉碎，每口滿是肉汁，分量也大，非常滿足。凍甘庶水炎炎夏日，清甜潤喉解渴。整體而言：地方雖然不大，但環境感覺溫馨，店員服務態度良好，令人有種上海家庭小菜的味道。

👉好耐冇食上海嘢，上次友人推介過呢度，難得今日喺附近做嘢，當然要試吓啦！我哋叫咗2個一人套餐，套餐入面都🈶️唔少選擇，可以share食☺️.📌一人套餐$102、凍豆漿+$5、擔擔麵+$10·酸辣湯 ～ 足料夠酸味，但辣味可以再加強！·糖醋魚塊 ～ 魚塊厚肉又大件，甜酸味啱啱好，好開胃👍·擔擔麵 ～ 加$10嘅擔擔麵超大碗，麵質軟硬適中，湯頭濃厚微辣，花生碎、肉碎齊料，好抵食！📌一人套餐$102、凍豆漿+$5·鎮江肴肉 ～ 又爽又凍嘅肴肉，配上薑絲、鎮江醋一齊食確係正！·韮黃鱔糊 ～ 入面有好多鱔，鱔嘅比例出奇地多。鱔肉爽口入味，韮黃、芽菜索晒汁，難得個汁冇乜油！

放工同朋友嚟到天后食「上海弄堂菜肉餛飩」，之前行PMQ已經想試佢，但平日又好少去嗰頭。天后店可算係交通最方便嘅一間🚅，地鐵站沿住電氣道直行第一個左邊街口就係！小店面積真係好細，如果坐滿人應該都係得廿人左右。不過裝修都幾有中式風，而且幾企理。餐廳人氣好高，全晚堂食客以及外賣訂單不斷🥡。店員好忙碌，但仍然能保持禮貌☺️。餐廳有做晚市套餐，價錢分為係$88同埋$102，分別在於主菜嘅菜式有所不同。另外，呢度亦都有素食餐單🥦！定價唔算貴，而且全日仲免收加一服務費添。套餐包一款小食同埋一款主食配飯或麵，另外仲可以加$5要豆漿。小食我哋要咗鎮江肴肉，由於係跟餐所以得兩粒，但都冇乜所謂😉，反而可以食更多菜式。肴肉大小剛好，用高湯整嘅水晶層上下都有，口感唔錯，而且味道本身亦唔太鹹。主食我要咗回鍋肉，其實我就唔係好食呢味，但朋友想食我就唯有奉陪到底。唔好比回鍋肉咁深色水嚇親，味道其實一啲都唔重口味。🐷豬腩片薄薄的，腩位帶有油香而不膩，質感仲幾爽口，同時回鍋肉亦用上唔少蔬菜一齊炒。朋友話如果辣少少就會更加惹味。跟主食可以要白飯、菜飯或者擔擔麵(+$10)，雖然回鍋肉好啱配飯，但我又好想食麵，所以要咗後者。🍜