上海弄堂菜肉餛飩 (電氣道)

營業中

休息中

第一次去上海弄堂天后嘅分店，整體感覺幾好，食物都保持到一貫水準又夠抵。我同朋友叫咗個二人餐share，再加咗個銀絲卷，都已經夠食。先嚟餐飲，我揀咗熱豆漿，甜甜地，飲落暖胃，適合晚餐飲。前菜鎮江肴肉，肉質結實，脂肪好晶瑩，咬落去膠質口感，真係唔錯。五色蔬菜春卷，炸到好脆口，蔬菜餡相對健康。火腿濃湯砂鍋雲吞雞，套餐一大亮點，雲吞好大粒，仲有雞髀，非常足料。湯底火腿鹹香味濃，好好飲。雲吞雞配咗菜飯，夠多菜，健康又飽肚。炸銀絲卷，外面炸到好香口，同時入面又軟熟，配埋煉奶，甜甜地好好食，可以當半個甜品。最後係芝麻湯圓，薑汁辣辣地，中和湯圓嘅甜味，唔會太膩。

星期日下午茶時間想食啲清淡啲。在電氣道揀一間食上海雲吞小店。在電氣道水平，入到去一個人都冇，已經有啲伏味。一碗淨雲吞加豆漿埋單埋單都要$100。睇咗張單，要比茶位仲要10%服務費。只係一間小店區唔係酒樓，點解要收茶錢。最離譜係，收茶錢但係比杯有少許茶味嘅水。😡😡😡😡😡碗雲吞湯底只係豉油加水，完全冇誠意。雲吞不過不失。價錢又貴又完全唔透明。唔會有下次！😡😡😡😡😡😡😡😡😡😡

上完堂己是七時多，記得附近有一間上海菜館，走去食少少嘢作為今晚晚餐才回家。原來「弄堂」係上海小巷嘅意思，品嚐上海家庭小菜的好地方。看過餐牌，確實有不少上海特色小菜，美食啊！擔擔麵（小辣）湯底顏色看似好辣，只是微辣，增添食肉感。口腔內停留有陣陣花生香味，質感又不會太濃稠。幼身麵條掛湯力不錯, 沾上了湯底精華，簡簡單單，啖啖滋味。小籠包即叫即蒸，熱呼呼的。小心熨口，湯汁爆開，好鮮甜。皮薄餡靚，可蘸少許醋和薑絲，更加味美。

午飯時間和太座人在天后這條食街，看見這以上海菜式在區內插旗的小店，見門前展示菜牌， 選擇亦多，有散點亦有套餐， 決定入內探店👏好有身處上海家庭式飯館的內部佈置， 枱桌座位不多，但座位亦舒適👏前菜點了我吃上海菜必叫的燻魚，果然合口味，魚肉入口有咬感， 醬汁鹹味畧少便更理想😋再來了兩客套餐及追加:蝦仁跑蛋跟菜飯，甘蔗水 無錫小排骨跟白飯，熱豆漿套餐追加小棠菜炒蛋厨工有水平，不見油脂感，蝦仁彈牙爽口，伴油香菜飯最佳拍檔😋糖醋排骨炆到酥軟，脂肪入口融化， 糖醋汁酸甜鹹混合正，伴白飯正呀😋小棠菜清清淡淡，一個好配菜😋飽餐後享受了兩杯飲品便完結這頓上海午餐👏👏

午飯時間光顧這間馳名菜肉餛飩的店舖，客人不算多，不需要等位便直接入座。午市提供套餐（連飲品），我選了菜肉餛飩麵。一碗麵有4隻餛飩，望落去就知唔對路，餛飩皮軟身皺皮，一睇已經知道是預先淥定，客人落單就再淥熱，結果吃落去全部都是超淋無味的，其中一隻餛飩皮「淋」到爛，其他3隻沒有穿但都一樣「淋塌」，又淋又無味，很難吃！！！

媽咪中意食上海野所以帶佢來呢到食，佢未食過🤭私心大推呢間餐廳因為性價比高過好多其他上海餐廳，仲有傳統風味，除左平之外仲係好大碗，食唔晒真係記得叫少麵，唔好浪費食物❤️餐廳雖然細間，但幾乎所有你想食既上海菜都有👍🏻擔擔麵可以揀走辣，就會有好濃郁既花生味，麵都係掛湯😋餛飩麵，一麵有5隻大餛飩，有需要可叫少麵，份量有d多仲有蔬菜春捲(好脆‼️)同小籠包，小籠包好多汁，媽咪都話好食😋擔擔麵 $57餛飩麵 $65小籠包 $54蔬菜春捲$37

這間小店坐落於的士站旁的橫街內，偶爾被的士人龍遮擋，所以有點隱世。地方不算大，但環境整潔乾淨。小籠包皮薄餡靚，肉汁有鮮味。上海春卷 炸得剛好，表皮脆而不會太乾。餡料裡面是素菜，非常健康。鎮江肴肉 晶瑩剔透，配上薑絲非常清新。上海炒年糕年糕炒得剛好，Q彈的，醬油味濃而不膩。

小店屹立天后多年，今日同朋友嚟食Lunch🥢Lunch hour有唔少中學生食，先發現依家嘅中學生都幾有錢，因為一個午餐都差唔多$60-70🤑✴️醉雞湯麵✴️湯底非常清淡，食得出嘅健康🙈醉雞味道OK，酒味同鹹味都足夠，不過肉質好鞋，比雞胸更乾，成個配搭就係健康啊！😂✴️回鍋肉菜飯✴️熱辣辣出煙，仲要好香好吸引🤤濃味但唔會油淋淋，豬肉片大塊帶油脂，加埋椰菜、豆乾、青紅椒真好食❤️‍🔥下次嚟一定揀回鍋肉🐷✴️炸銀絲卷✴️無得輸，即叫即炸，煉奶份量足夠，食完好滿足☺️

中午來到上海弄堂菜肉餛飩吃上海菜。午市選擇挺多，有餛飩類、煨麵/粗麵/年糕、低碳蒟蒻麵、小菜等，全都免費奉送凍豆漿或特飲，所有菜式可配白飯/菜飯，加錢可轉陽春麵或擔擔麵。薺菜豬肉餛飩甫入店舖就已經見到店員正努力的在製作餛飩，所以點了一碗試試，一口咬下去，絕對可以用皮薄餡多來形容，入口有滿滿豬肉肉香及薺菜味，最重要是不含味精，鮮味十足。回鍋肉五花肉配上青椒、椰菜及蒜苗，香濃惹味，腩片炒至金香，入口帶有鹹香，一點都不肥膩，用來佐麵或佐飯都非常適合。上海湯年糕湯底濃稠適中，味道鮮甜，年糕份量極多，口感軟糯，內裏還放了蔬菜，菇片及肉絲，感覺健康。茅根甘蔗汁味道清甜甘潤，既可以降火，又可以消暑。

以為上海弄堂可保持水準，今晚去了買一打生雲吞返屋企煮。煮左十幾分鐘都仲見到D肉粉紅色，食落完全冇鮮味，非常劣質！仲要賣$82一打！非常氣憤我一向會食左就算，但今次真係差到要投訴

好耐冇食過上海菜見公司附近有間小店，今日就去試吓店舖乾淨簡潔，冷氣充足啲午餐都好多選擇，好抵食我揀咗小棠菜豬肉雲吞跟餐+$18酸辣湯 / 油菜，飲品有竹蔗茅根水/酸梅湯/豆漿小棠菜豬肉雲吞，皮薄餡靚，隻隻都脹卜卜原來小棠菜做雲吞係咁爽口，第一次食酸辣湯材料好多，有豆腐，木耳，竹絲，筍，蛋花，酸辣調味恰到好處，試過好多間都唔夠辣呢間正上海湯年糕年糕口感煙韌，配料有肉絲、菜同冬菇湯底清甜小籠包雖然皮唔算好薄，但肉餡鮮嫩多汁夠juicy豆沙餅外皮香脆，包住滿滿豆沙蓉，又唔會太甜，食埋個甜品好滿足

乜嘢服務都冇，要收茶錢，再收加一。到底係咩玩法 你價錢收貴啲都唔緊要。咁樣真係好反感。不如你收貴一倍，請番個人落單，斟下水，俾番啲正服務，我俾加一都俾得順啲。我自己落單斟水，係咪應該俾番加一我。要執趁早

叫左一個嫩雞煨面$88小籠包4隻$54無叫野飲埋單$191加一十幾蚊茶位兩個人共$24蚊杯茶係茶記比你一個膠杯用黎浸住筷子嘅樣子，飲晒杯茶要你嗌先會加比你咁嘅款野食的話，正常小店，無驚喜亦都無失望你會問我，喂人地個menu一定有寫要加一要茶位，你自己唔睇戇居姐但戇居同有common sense都應該可以共存掛。我嘅common sense係，地鋪小店大約十二個位，木板凳，QR code落單，普通新式冰室裝修及感覺。QR code落完上菜食完行去櫃位埋單。咁嘅體驗要收加一仲要$12蚊茶錢一位？ 合唔合理先？

我們於11/7（二）13:15左右到達餐廳，內裡都有不少客人，而餐廳樓面不大，故感覺小小擁擠。用QR code落單。我們叫了五色素菜餛飩及上海湯蒟蒻麵，飲品則是凍豆漿及茅根甘蔗水（本來想叫酸梅湯，可惜沒有🥲）。等了約10分鐘就上菜五色素菜餛飩（$59/8只）：湯好鹹，餛飩比想像中細隻，入邊吃到有有豆腐乾及一些蔬菜。上海湯蒟蒻麵（$70）：有菜及肉和蒟蒻麵，蒟蒻麵煙煙韌韌，一般般，勝在好大碗。由於地方擁擠，所以如果有各種屬于自己的大包包，沒有太多位置放置，要問店員比籃子🧺放置。

承上回，明明手機落單，埋單貴左咁多，睇返其他人負評先知，原來又要茶位又加一🙄明明就冇加過茶，杯野似水多啲，加一？又要手機點餐，埋單自己出去埋。全區得呢間因為服務差所以整體差