大都烤鴨

營業中

休息中

同同事收工之後諗住食晚飯，決定食中菜，大家傾傾吓發現原來都想食片皮鴨，於是上OpenRice搜尋尖沙咀，見到大都燒鴨就直接去咗啦。入到去梗係要點招牌菜片皮鴨啦，其實佢哋有個二人套餐，不過某啲菜式唔啱食，如果唔係個set本身包埋半隻片皮鴨都幾抵食我哋就散嗌咗半隻片皮鴨，同埋幾款小菜同一款湯。先講咗隻主菜先，佢哋嘅片皮鴨係皮同肉分開上，配料嗰度仲有蜜瓜同我估係紅菜頭，係其他片皮鴨店比較少見，配搭起嚟幾清爽再叫咗個開水白菜，上到嚟覺得幾搞笑，個樣幾好睇，但係要$78 ，食起嚟都幾空虛仲有一個萵筍炒臘肉嘅物體，第一啖食以為好淡，食食吓配埋啲黑木耳同肉食，有幾好味喎重點仲有個湯，係真材實料嘅，$118一個，用嚟過吓湯癮就還可以啦

農曆年間到尖沙咀食烤鴨，年前已到過大都烤鴨，期待。我們一行六人，要了一隻鴨，兩食選擇鴨鬆麥包，再選多款前菜、主菜及點心。鎮江餚肉味道香濃，蠔油磨菇刀功一流。烤鴨先來半隻，一碟有半隻皮？不可能吧。須知之前先比我哋睇過隻鴨，不小的喔。味道亦遜色，無鴨香，跟住再來另一半隻已沒有希望。年糕紅燒肉味道麻麻，肉質嚡肥油不融化，唔合格。小籠包無肉味，芝麻餅亦不香。食品走了樣，可惜可惜。

exquisite and delicious!寬敞舒適色香味俱全烤鴨: 肉嫩皮脆 肥而不膩 餅子做得又薄又好開水白菜: 刀工一流 美輪美奐獅子頭： 魚肉加豬肉，配上豆汁， 又美又滑，驚喜之作玫瑰龍井蝦仁：賣相精緻，減了油膩，添了茶香年糕紅燒肉 香口入味鴨子酥 煞是可愛 酥皮奶皇蘋果餡驢打滾 不甜不膩,香軟恰到好處

與鄧氏伉儷飯聚，一早選定了大都烤鴨，皆因上次食完霞飛路經見到餐廳門口掛住一隻隻烤鴨好不吸引!!再上網睇下D食評價錢又OK喎 就即刻o係tablemap訂座，十分方便～八點正去到門口，訂左檯唔使等就入得～ 入左去先知原來呢間食店都係屬於鴻星集團我對鴻星旗下既食店都幾有好感，係以前周記避風塘既常口，希望呢間大都烤鴨唔好破壞我對鴻星既印象啦!烤鴨拎去被師傅片皮之前都會拎去俾客人睇一睇先，可能係想你聞一聞個烤鴨香，吊一吊你胃口話咁快D鴨皮就預備好，真係切得幾薄喎，但埋唔係好油，仲有一陣特別既香氣! 聽聞係因為用左獨特既荔枝木去烤 佢既配料亦比起其他食店既多，除左青瓜絲，仲有醬羅白絲同埋密瓜絲! 醬料除左甜醬仲有砂糖!我就淨係試左哈密瓜絲＋青瓜絲＋甜醬呢個組合加左哈密瓜絲成個感覺即刻清新左，無咁滯，個烤鴨皮厚薄適中，仲好脆添! 味道我覺得同北京樓或者沙田18不相伯仲，但價錢平左一大截, 人少少仲可以嗌半隻，絕對係物超所值!叫左烤鴨仲可以以優惠價錢o係鴨架十食揀其中一樣，我地就揀左二鬆炒鴨末配叉子燒餅二鬆就應該係有D西芹粒同埋D松子仁o係入面，再加D鴨肉碎去炒，然之後再一齊塞入去個燒餅到食食落就

自從沙田十八進駐香港後,似乎烤鴨的水準都給提升起來,但始終價格偏高,未必為大眾所接受,月前得知有一間以烤鴨作主打的店子在尖沙咀開業,早已經心思思想試試.是夜得朋友幫忙,可以免最低消費訂了店內唯一的廂房,真的要說聲謝謝!由於地方所限,以卡座位居多,廚房採用近年較受歡迎的開放式設計.而餐牌內更附有烤鴨的正確食法,又真的夠細心.曾在深圳香樂園的食評提到,淮揚菜以”刀功精細,刀法巧妙”見稱,加上嫻熟的擺設,精妙的色彩配搭,令到涼菜都成為藝術品,而今次淮揚十小碟更加令人期待.鹽水鴨肝是十小碟中水準最欠穩定,第一碟散發出胭紅的肉色,粉嫩的口感,非常誘人,不過再點的一碟卻是雪得太久,令肉質產生變化,偏向死實,這一點真的要注意.牡丹蝦可說是其中一款刀功表現,蝦仁剖成開半,伴青瓜片,排成花卉外形,十分亮麗,教人賞心悅目.將鴨腎介成花球形狀的繡球腎仁,不單造型漂亮,就連入口都是爽脆彈牙,還可以說什麼?而酸辣黃瓜皮是將黃瓜表皮切下卷成圈,然後再醃好,帶有淮揚菜中青瓜卷的風味,但無疑平實得多.至於烏鎮餚肉就有點令人失望,肉質鬆散而薄弱,只可以憑賣相扳回不少分數.在前菜中另一賣點可說是蠔油蘑菇,每件細少的蘑菇,

以往我們吃烤鴨一般都要5~6個人聚埋一齊才可以去飽吃一頓,隨住時代轉變現在有烤鴨專門店以小人数為目標, 推出二人烤鴨餐, 剛發現它時真的好似執到寶咁, 經常抽起條根想食時往往無對手,周太座兩個人又不會貿貿然走入那些烤鴨專門店, 當天我們沒有訂位就咁走埋去攞位, 因為是農曆年關係有很多客人訂了枱我們便等了差不多25分鍾才有位, 由於全部座位以四位卡座為主, 所以座得寬敞舒適, 我們沒有叫套餐, 全是散叫, 食物大部份以不超過一百, 這部份看得出店方在定價方面下過工夫, 除咗一些貴價材料的菜之外其他的都算幾合理下,食物如下:烤鴨半隻$145- 主要是鴨夠”騷”- “正”呀,已經好耐無嘗到這”騷”味, 皮簿且脆皮下脂肪已經清理得相當乾淨, 墊底的鴨肉片全是鴨脾肉, 結實得嚟唔會鞋口扺讚,夾餅嘅荷葉飽皮只得8片有點孤寒, 再叫的話一碟要$20, 其他配料配搭得幾好呀, 甜醬夠杰身, 而附加叫的一個用烤鴨下欄做嘅菜就叫咗個:九王爺鴨絲羮$28- 平就夠平嘞但唔知點解,呢個湯味道既咸且辣, 湯底飲唔到鴨殼味, 只係睇到鴨肉絲/豆腐絲等刀功不凡,這個湯不是我們杯茶囉冷盤- 牡丹蝦 $55- 味道夠鮮