Be Leaf (已結業)

終於都去到呢間喺觀塘嘅人氣打卡Cafe到食個休閒午餐，餐廳設計充滿波希米亞風，環境漾溢住一種輕鬆嘅渡假氣氛，又有啲靚靚嘅打卡位，整體感覺彷彿置身於峇里島渡緊假咁啊～✨香煎北海道刺身帶子蝦乾蝦籽魚湯燴意大利飯帶子經微微煎完之後鮮甜得來帶有少少焦香味！第一次食用濃郁魚湯熬製而成嘅意大利飯，仲有少少蝦乾同埋蝦籽做襯托，味道鮮甜，成個意大利飯比人感覺好創新，味道好有驚喜～✨手撕雞牛油果醬酸種麵包配炸薯條手撕雞簡單用咗千島醬去調味，同牛油果醬好夾！酸種麵包亦好出色，有外脆內軟啲效果！另外仲有沙律菜同青瓜，全部食材夾埋一齊食，口感更豐富，層次更分明～✨(凍) 自家製焦糖餅咖啡焦糖餅就咁食就係脆卜卜嘅口感，等啲焦糖餅慢慢溶咗之後，整杯咖啡嘅甜度恰到好處，係焦糖控必叫嘅飲品～✨(熱)陳皮洛神花茶賣相相當之精緻，味道酸酸甜甜，有消滯開胃嘅功效～總括來講，餐廳唔單止環境靚食物好，連對食物擺盤都極之講究，儀式感爆燈🌟～

兩個人喺觀塘食晚餐，我會諗起呢間餐廳，之前同朋友食過一次，覺得環境好舒服，而且食物都唔錯，性價比高，地點位於觀塘碼頭同地鐵站中間。兩次都坐室內，其實一開始係俾佢室外環境吸引咗🤭香酥魷魚泰式柚子沙律 $118好大碟嘅沙律，好鍾意佢嘅泰式醬汁，撈埋落啲菜度酸酸甜甜，香酥魷魚同埋柚子嘅份量都算多😚泰式辣椒膏奶油海鮮意大利飯 $128 呢個上次都有叫到，性價比好高，呢個價錢食到呢個味道嘅意大利飯😌 帶子大粒新鮮，仲有蝦同埋魷魚，意大利飯其實唔算辣，反而係覺得酸甜， 鍾意呢個醬汁，幾creamy，而且醬汁包裹住每一粒意大利飯！香蔥鴨肉芝士墨西哥薄餅 $98 薄餅外層煎到微微焦香，裏面好足料，食到唔少鴨肉，而且芝士同埋鴨肉非常夾，內裏軟綿多汁，外層焗得香脆😋陳皮洛神花茶 $45 幾特別嘅組合，飲起上嚟幾開胃！Ocean Paradise $48 幾refreshing，配合埋檸檬嘅酸味，下次都會再叫！提拉米蘇疏乎厘班戟 $128 滿滿Tiramisu Cream 加朱古力碎係面，入邊pancake 發得唔錯，軟軟熟熟+ 蛋香😋

呢日同大少響觀塘上完跆拳道班，行過俾呢間餐廳嘅裝修吸引住，忍唔住去打卡。呢度嘅裝修好有峇里風，好似去左度假咁！化骨龍套餐(包芝士肉醬意粉、酥炸雞翼、紙包飲品):意粉上有一片片芝士，充滿了濃郁的芝士味和香氣四溢的肉醬。意粉本身煮得剛好，有著彈牙的口感，與濃郁的芝士和肉醬相得益彰。酥炸雞翼外層炸得金黃酥脆，內部則保持著多汁的肉質。微妙的香料使每一口都充滿了美味。這個套餐，十分適合小朋友，小朋友非常喜歡。❤️炭燒豬肋骨拌墨西哥莎莎配炸薯條:炭燒豬肋骨以炭燒方式烹調，賦予了豬肉獨特的煙燻風味。豬肋骨經過烤烘，外層炭燒得略帶焦香，內部則保持了肉質的嫩滑和多汁。搭配墨西哥莎莎醬，為豬肉增添了一份酸爽和微辣的風味。炸薯條的外層酥脆，內部則保持著軟綿的口感，非常美味！陳皮洛神花茶:陳皮洛神花茶帶來了陳皮的香氣和洛神花的酸甜，形成了一種獨特的茶飲口感，開胃消滯，好好飲。法式焦糖卡士達疏乎厘班戟:法式焦糖卡士達疏乎厘班戟結充滿焦糖的甜美。疏乎厘班戟Q彈鬆軟，具有獨特的口感，是一道甜美的甜品。

今日係觀塘經過呢間餐廳比佢個靚裝修吸引左入去，試完食物質素都幾高油浸蕃茄伴鮮蝦巴馬火腿沙律首先試左呢款沙律，main sauce係黑醋汁，配料有大量蝦同parma ham，性價比高而蕃茄因為油浸過勁juicy，overall酸酸甜甜咁好開胃香煎十六小時慢煮五花肉配蘋果甜醋汁Main點左慢煮五花肉，有驚喜！五花肉係首先慢煮完再拎去煎，所以做到外脆內軟嘅texture，味道有啲似燒肉，本身以為五花肉肥膏實好多，點知肉同膏嘅ratio都幾平均，點埋個蘋果甜醋sauce令肉味更出食落有層次感，side有啲蔬菜、薯蓉都smooth～黑芝麻檸檬柚子雞翼小食柚子雞翼，6隻都勁大隻🤣同樣都係炸到皮脆肉嫩，檸檬柚子汁超濃郁一啲都無吝嗇，因為食落都係甜甜地咁所以唔會好滯，但份量真係幾多童話日落飲品第一杯點左預祝母親節限定款，睇落似milkshake其實係茘枝乳酪沙冰，一上枱已經覺得勁靚要打卡🤣乳酪味偏濃係greek yogurt個種feel，mix埋荔枝果味都幾fresh陳皮洛神花茶另一款試熱茶，洛神花茶包再加陳皮，味道超超超濃，但食完咁多野係可以幫助一下消化，滿足！

發現觀塘有間打卡又靚，野食又唔錯嘅餐廳，都幾值得推介！菜式偏向fusion, 但味道又幾夾🤩✨黑松露鮮蝦雜菌小雲吞 - 係中式會見到嘅小雲吞，裡面隻蝦幾大隻同爽口，面頭有d xo醬提升味道，配埋個牛油汁又幾特別同幾惹味😋✨香煎原隻琵琶蝦燒菠蘿冬蔭功意大利飯 - 隻蝦都幾大隻，煎得好香口彈牙，冬蔭功risotto又係少見，但整得幾入味同成個feel好match, 飯粒有口感！✨水牛城雞翼 - 雞翼幾脆身，入面熱辣辣，個汁唔算好辣，幾易入口🥰✨陳皮洛神花茶 - 陳皮配洛神花第一次見，陳皮味都幾出，洛神花酸酸甜甜好開胃☺✨芙蓉蜜蘋果紅茶 - 我幾鍾意佢帶有蘋果香又唔會太甜，暖暖地飲一流~