八十里

營業中

休息中

帶外國朋友黎香港食飯見到呢間夠體面 有得泊車有香港維港特色 擺盤又igable 味道都ok我地人多訂左間房，房有自己私家廁所環境真係唔錯，等上菜時仲可以行出去睇下維港我哋叫左一個6人餐 + 散點幾個餸 。1）櫻桃鵝肝，打卡一流，口感上鵝肝味算濃，黎到一定要必叫打卡🤣2）一口陳醋海蜇花，呢個口感好爽口，好好味，陳醋酸酸地好開胃 。3）八十里片皮鴨，正常片皮鴨，切得皮薄 。其餘仲叫左 松子魚，黑毛豬紅燒肉，宮堡雞到等 。另外仲點咗 黑松露小籠包，外國朋友係到特登叫個特色啲黑蚊蚊嘅黑松露小籠包俾佢地試下🤣整體來講可以算得上係中菜fine dining 擺盤夠精緻，味道唔差，環境都好可以 。

我生日梗係要帶晒全家人出嚟慶祝✨，同屋企人食飯主要都會揀中菜，又想有維港靚景，尖沙咀海運嘅 #八十里 係唔錯嘅選擇！#尖沙咀美食 #四川上海菜 #坐擁270度維港景色 前菜． #櫻桃鴨肝、#陳醋一口海蜇花、#茉莉花茶煙燻䱽魚櫻桃鴨肝以車厘子果凍外層包住鴨肝，賣相玲瓏剔透，鴨肝入口絲滑，淡淡鴨油甘香🦆；陳醋一口海蜇花非常特別，海蜇大大粒，嚼勁爽脆，點上陳醋甜酸味中，非常開胃🪼；茉莉花茶煙燻䱽魚最有驚喜，煙燻味濃，而且入口鮮味，好食👍🏻！鮮魚．#糖醋松子桂花魚糖醋松子桂花魚最有驚喜！上菜外貌好靚，而且造法係首先將桂花魚起骨再界花上粉炸，手工技巧滿分，入口脆皮但又啖啖肉，而且火候到位，老豆同啊妹非常滿意😋！肉類．#八十里片皮鴨、#自貢鹽幫水煮安格斯牛肉片皮鴨係我嘅最愛，皮脆薄肉厚嫩，配埋熱辣辣嘅麵皮真係好好食🤤；水煮味道整體麻辣味厚而不嗆口🥩，安格斯牛肉片肉質滑嫩鬆軟，不過不足的地方就係水煮麻辣味必定會蓋過牛味，如果下次揀水煮魚就會更加開心！海鮮．#波士頓龍蝦泡飯原隻新鮮波士頓龍蝦拆肉放入石鍋，再配埋米飯和龍蝦濃湯，食個飯都Fancy過人🦞！龍蝦彈牙，濃湯鮮味，加上石鍋熱力帶出焦香，正！點心

今日放假同BBF去海港城Shopping，諗住去埋LCX影日落後就食飯，突然發覺影日落地方開了一間全新中菜，門口有一個好霸氣的龍蝦水族展示。 在餐廳查看Menu後，發現主打滬菜和川菜，特別係佢有好多海鮮種類選擇，加上行到LCX尾尾唔想行番轉頭搵食就決定一試前菜我們先選了開胃的「陳醋一口海蜇花」，海蜇花清爽、脆嫩、口感爽滑帶有淡淡的海水香味，吸收了陳醋的精華，天氣熱時非常開胃。海蜇花富含蛋白質和低脂肪，非常適合我地健康人士主菜開始就點了「蒜泥白肉」，肉質鮮嫩多汁、口感爽滑、味道鮮美，蒜泥和調味料的香味能夠完美融合，一道美味、營養豐富的菜肴，是中國烹飪藝術的一個經典代表，非常值得品嚐。第二道主菜我們點了「松花口水走地雞」，非常麻辣可口，通過烹煮和調味雞肉好入味而嫩滑，配料包括蔥姜蒜、辣椒油、花椒粉、醬油、香醋等等，這些調料混合在一起形成了一種獨特的口味。最後隆重登場的是「樂山辣子龍鳳呈祥」，龍是代表店舖主打的深海龍蝦，凰是指陸地上的鳳凰雞。科普了一下「樂山」，樂山是中國四川省的一個地級市，位於四川盆地中部，是一個歷史文化名城和旅遊勝地。樂山市還以其美麗的自然風光、豐富的文化遺產和美食聞名。