火山燒 (已結業)

其實一直都有留意火山燒，睇圖覺得食材賣相不錯，仲可以用串燒爐自己燒自己食。但總覺得價錢比較貴，所以一直未有機會品嚐。今次終於有幸試試全因團購做緊優惠，我便立即買下優惠並致電book了星期六3位。品嚐後果然沒有令我失望，是一間既有特式又值得一試的燒肉店！樓層9/F和10/F都屬於火山燒，當晚我和朋友被安排在9/F用餐。Lift 門一開便直接是火山燒的鋪頭，樓層不算大，大約有5張6人枱和2張8人枱。怪不得火山燒要有2層一行三人被安排坐8人枱，與其他人搭枱。一就坐便看到枱上已放了燒肉爐（右）和火鍋爐（左）。意味着客人同一時間可以享受2種食法，在2小時內任叫火鍋與燒烤配料！枱上除了放著爐頭外，餐具和用具亦非常齊全，餐具包括筷子、濕紙巾、餐紙、芥末、碟（燒烤用）和碗加匙羹（火鍋用）。用具即燒烤調味料，有3款醬汁、鹽和胡椒。令客人除了享受食物外，更可以享受整作過程燒物+火鍋料（由左至右，上至下介紹）：分別有牛肩肉、牛仔骨、牛舌心、黑毛豬腩片、黑豚豬柳和松葉蟹棒—牛肩肉：油脂分佈頗平均，所以吃下去時亦很腍身，如果食前落少少黑胡椒會更野味—牛舌心：腍身得黎又不會失去應有的爽口，而且不會有牛舌羶味—牛仔

秋風起，除了想食火鍋之外...最想食的應該就是燒～肉～而食燒肉最怕的就是每碟計算...食不飽對吧！不過，今次我好放心，因為這次是放題...無錯...是放題，也就是食到飽囉·電梯一打開就能感受到身處日本水產市場的感覺！而且位置都算幾寬敞～很適合三五知己一起聚會喔！跟別的燒肉店不同的是......他們會將調味料放在桌上，客人可以按自己的口味來調教味道！食物選擇種類好多，除了有前菜（特別是我最愛的味付螺肉）也有新鮮的刺生，串燒、肉類之外，竟然還有火鍋呀！基本上已經可以滿足秋冬季節既想食火鍋又想食燒肉的願望！先說燒肉串燒，大蔥雞肉串很不錯除了很有串燒店的感覺外，大蔥燒完後仲好香～另外，還有宮崎牛舌、牛仔骨、牛柳...而我特別喜歡的是宮崎牛肩肉！一看就知道是高質牛，看色澤也騙不了人！而且肉質嫩滑、味道和口感一流海鮮方面除了有生蠔還有超推介的多春魚...不得不說的就是帆立貝串（但切勿燒到太乾XD）雛雞是餐廳推介，一定要試！而且是由廚房代燒，仲要即叫即燒呢！雞肉肉質很嫩、而且很香很惹味～火鍋方面個人超推介昆布湯清得來又好香，而且搭配金菇、肥牛、烏冬仲超入味！但如果個人喜歡食辣或是有挑戰精神的話，不妨

近排想食日式放題，但出面好多每位都要400 up，見到火山燒任食都係298加一，任飲加20，任飲啤酒加68，3百幾仲要任食任飲覺得好抵，決定試下。款式選擇多，連生蠔同帆立貝都有有3種唔同既汁比你選擇，有辣有唔辣，任君選擇。用料新鮮，牛肉色澤分明，生蠔大隻味美。漁夫沙律，生菜爽甜新鮮，醬汁酸甜，醒胃一流。雛雞，由師父精心炮製，雞味十足，冇雪藏味，肉質軟滑，易於食用爐既火勢都算猛烈，唔驚食物太耐先熟，鍾意食濃味野既人士，可以加黑椒/鹽/7味粉加以調味。柏宇bb 都黎光顧過，證明質素有保證，有機會既話我都會再黎食

同女朋友又黎呢間..自從佢哋換咗個爐之後，差唔多兩個禮拜就黎食一至兩次。因為都係我燒俾佢食，所以他換爐之後我有心機D，因為可以燒快啲同自己容易掌握火候其實我哋兩個都係海鮮控，所以更加鍾意黎呢度。海鮮係比出面放題嘅新鮮好多，有料到。有太多相，所以叫女友幫我整collage隻鹽燒蝦成個爐咁長，必食推介！啲海鮮有好多選擇。同埋因為新鮮，所以都唔需要再落鹽去調味！雖然我哋兩個人，但係我哋都叫咗半隻雞，因為是推介，超級juicy~仲有要介紹嘅就係我女朋友最鍾意嘅芝士丸(上面金黃色個三粒），但我就麻麻哋啦，我都係鍾意食肉多啲，下邊就係漢堡扒...亦是勁juicy!整體來講，間野都幾好，不過就貴左少少但都值得嘅..因為啲海鮮真係好新鮮。

今次係第二次來火山燒, 因為睇到雜誌廣告, 4位以上就可以升級任食火山燒嘅「極上火燒盛宴」！即刻約friend去試下, 食哂個拼盤已經回本, 正我記得之前佢地係用熱石去燒, 而家轉左呢個爐, 用gas的, 可以控制火力, 易熟蔬菜用細火,海鮮耐煮的先大火再慢煮, 好易用呀其實上次已經好like呢個秋葵冷麵, 今次又食左兩碗先開始燒烤, 須然佔左個胃部空間, 但真的正我地就係因為呢個拼盤而來的, 接招青口, 很嫩口, 除左有一隻中間有草要去除, 無得彈原隻帶子配和風燒汁, 即刻好似大廚咁, 鮮味較淡, 要用醬汁去吊起個味榮螺, 大隻而嫩口, 螺味香濃, 一定要試和牛串, 朋友一致讚好, 燒得外脆而內內軟, 牛味十足虎蝦, 蝦頭多羔, 超大隻而肉嫩, 驚喜墨魚, 淡味, 配鹽或燒汁味道即提升, 口感彈牙雛雞, 肉味香但質不算太滑, 皮如果再香口D更理想須然個拼盤飽左7成, 點都試下其他串燒嘅, 很滿足

平時食任食打邊爐、韓燒甚至放題就食得多，但講到要自己「落手落腳」DIY既串燒都真係第一次，所以當朋友同我講要黎呢度gathering既時候都有D期待！呢度既放題同坊間一般限時兩小時唔同，$298一位俾夠你三個鐘任飲任食，第二個由8點15分開始既時段更可以一路燒到11點幾，啱晒越黎越遲放工既打工一族「食住等」！火山石爐既設計非常特別，由於石頭唔係平均分佈既關係，中間石頭較為密集既部份可以用黎燒肉類同埋蔬菜。由於冇火山石既關係，金屬架另外一面只能用黎保溫，而冇金屬架既部份就可以用黎直接燒好似生蠔、青口等等既食物。不過，呢個設計既唔好處係變相只有三分一至一半既地方係可以用黎燒串燒，對好似我咁心急既人黎講真係唔多夠！因為食物種類實在太多，所以呢度只係挑選左幾款比較有特色既講一講。枝豆︰非常唔錯，作為串燒前既開胃小食認真唔錯！秋葵冷麵同蒜油冷麵︰麻麻地，可能因為食唔慣既關係，個人黎講唔太鍾意個汁，酸酸地既感覺總係有D怪怪地咁。可能一心諗住黎食串燒，完全無expect過原來部份食物係會用鑊另上的。所以除非你係大胃王，否則隨便叫幾款用鑊上既食物淺嘗就可以，唔駛每樣野都點晒，「留肚」主攻串燒！飲品方面

一直好想試串燒放題 終於忙完有時間可以一嘗所願啦！ 見佢openrice既食評唔錯 就係云云既食店揀左佢試下一入到去就見到好靚既壁畫 好有日本風情 座位亦好寬敞 同埋食呢d有火爐既野真係好驚迫 會好熱架嘛 呢到就冇既情況 因為枱唔密麻麻 而且有大大部抽油煙機係上面 冇煙霧瀰漫 唔錯唔錯餐廳之所以叫火山燒正正就係因為佢最大既賣點就係用日本既火山石作燃料 燒起黎特別唔同 又唔似平時咁大煙~ 個爐好細心咁分左三部份俾我地燒唔同既食物 職員亦會逐一講解個爐點用餐具不得不提 佢係用似食生蠔既叉 係為左方便我地拎串燒既食物出黎 用叉中間個位對住竹籤一推就得左 真係好貼心醬汁方面 佢枱面有燒汁、蜜糖、辣汁、七味粉、鹽俾我地自己調味 個人就最中意個辣汁 夠唒香同惹味 佢連盛醬汁個竹筒都好靚 貫彻日本feel到食物啦 佢既款式都幾多 前菜、肉類、蔬菜、水果、海鮮樣樣齊~ 肉類就當然牛羊豬雞都有啦 特別推牛柳粒、羊背肋、雛雞！牛柳又大粒香又冧~羊背肋肉都一樣 仲要用左香草 更加香~ 而雛雞就係廚房會燒埋既 有半隻架！肉質好嫩滑 香草味道都滲透到入肉入面~不過佢真係好大隻 食完都幾飽架之後講海鮮 佢有生蠔架

近排食友 D 造訪了一間特色串燒店，以火山石作熱源燒烤。餐廳分上下兩層，筆者被安排於下層入座。 因爐具不涉明火，煙火相對地少，較容易控制在可接受範圍。爐具面上的鐵網只鋪滿四分三面積，餘下的地方可供食材直接置於火山石上燒烤。另外，細心留意可見火山石也不是鋪滿整個爐底，近邊位置特意留空供已燒熟的美食作保溫之用，安排細心。調味醬料方面，選擇也有不少，包括有玫瑰花瓣蜜、燒汁、酸辣汁、胡椒、海鹽及七味粉。筆者尤欣賞玫瑰花瓣蜜，一來夠特別，二來花香甜美不論襯上海鮮肉食皆宜。 同枱好友鍾愛海鮮，雖然要額外追加每位 $88 ，還是不能錯過餐廳推介的和牛海鮮盛。一份和牛海鮮盛，內含日本和牛、沙巴虎蝦、南非鮑魚、加拿大翡翠螺及朝鮮蜆。因各款食材普遍大隻肉厚，又連厚殼，燒製需時，有見及此，餐廳可代為安排燒製，安排都算妥善。日本和牛燒得外脆內彈，肉汁甚豐，確是一串不俗的串燒。沙巴虎蝦有八九寸長，份量十足，肉質相當結實，同樣是值推之美食。南非鮑魚與加拿大翡翠螺一樣，食味甜鮮，口感富彈性。朝鮮蜆相對上比較平實，味道雖清甜，但同時略為乾身了一點。 燒生蠔是唯一另外散點的海鮮，生蠔產自新西蘭，體型比較瘦削。因筆

呢晚同男友睇戲前揀左黎食<火山燒>放題，平日每位$298，任燒任食餐單上各款食材，我地今次係5-7pm時段仲有8折添！呢度其中既賣點就係佢唔係用電爐，唔係用炭，而係用日本熔岩冷卻而成既高溫石，所以食物可以好快熟而且鎖住肉汁~醬汁調味邊面有蜜糖，辣汁，日式醬油，鹽，胡椒，七味粉，連調味都咁多種，一啲都唔馬虎開始前店員推介一個和牛海鮮盛，每位+$88,就包括左勁大隻虎蝦，鮑魚，翡翠螺各一隻，聽落都好抵，所以我地加左試下！另外店員仲推介我地加多兩隻胭脂蚌($68)一上枱，嘩完全估唔到隻虎蝦咁大隻，大過手板，$88真係好抵~~店員會詢問我地想廚房幫我地燒定用反我地個爐燒，我地就揀左係面前燒~~~店員幫我地加左個蓋燒焗，幾分鐘後燒好就幫我地上埋碟虎蝦彈牙爽口，仲有好多膏胭脂蚌非常鮮甜，果然無介紹錯！！鮑魚同螺都肉厚有嚼勁，新鮮~澳洲和牛肉味濃，油膩豐富，肉汁鎖哂係入面~~~之後就開始燒我地畫紙仔點既燒物喇！竟然生蠔都有得任燒三色椒香甜好味！牛肩肉，薄薄一片燒兩燒就熟了香草羊背肋，肉質有彈性又多肉汁,encore 左兩次！糯米雞肉好特別一定要試呀！燒到外脆內煙un,中間係免治雞肉，

入到去見到一個個抽風機罩著張枱, 心諗係咩料....點知原來都幾得意! 因為始終都是會出油煙的室內BBQ , 餐廳用這個可以抽走大量的油煙同味道, 朋友要同枱相見就要低頭我們哩個串燒好誇張囉, 是用火山岩石燒的! 個爐真的少見, 職員都會解釋一次同埋示範點樣用好這個爐, 傳授秘技! 但係成班唔識煮飯既老香港.....真係點都會最後整燶d 食物..... 整體而言, 就是不太熱氣, 一開始餓鬼會覺得d 串燒燒得有點慢啦.....因為不是炭燒...所以我們中間先叫了熟的, 再上海鮮, 然後肉類 雛雞 叫了半隻先頂肚, 想不到的皮脆肉嫩, BB雞是有點殘忍, 但雞肉真的很嫩不肥呀! 上面仲有香草調味, 很香口, 早知叫全隻啦全晚亮點是這個很誇張的海鮮盛!! 計番條數真係唔貴wor, 每人加$98 , 有九吋長沙巴虎蝦,大連六頭鮑魚,翡翠螺 , 澳洲和牛  質量很高, 而且很 Jumbo! 我們仲加了一碟朝鮮胭脂蚌, 有10隻很大!! 其實計下同上次街市買完打邊爐的價差唔多, 真係唔算貴wor重點係哩到有得砌完俾我影相, 好靚呀我們都覺得用這個爐都唔錯, 因為爐的火不會過猛, 海鮮唔會咁易燒過

朋友結完婚大解放, 決定要大食一番好好補償，相約了我們食這個岩石BBQ 自。助。餐！我覺得我們好瘋狂囉⋯見到個大水缸養了咁多海鮮，忍不住每人加$88 來了個海鮮盛！- 九吋長沙巴虎蝦- 大連六頭鮑魚- 翡翠螺- 澳洲和牛- 又加了$98 要了一碟朝鮮胭脂蚌⋯⋯有十隻很大的蚌，比潮福平好多囉！諗起潮福都嬲嬲地!店員送來時，這個海鮮盛成為了我們的景點，餐廳砌得很大盤很震撼！忍不住"哇"了出來，好似剛剛出省城咁，失禮晒店員都幾有耐心, 會先教我們點樣使用這個岩石燒，一開始會幫一下我的燒烤的技巧。發現其實咁岩石燒比炭爐冇咁熱氣，因為慢慢燒，上碟的食物不會過熱，而且幾乾淨！哩串虎蝦真的很很很大隻呀，而且全部海鮮食材都新鮮。蝦肉是爽甜的!! 大大隻! 胭脂蚌亦很肥美, 因為爐不會太猛,比較容易控制火喉, 海鮮不會因為over-cooked 而收晒水  其實餐廳有3 款醬在旁給我們BBQ 用, 但海鮮味都夠鮮了, 反而覺得不需要醬更好食完這個海鮮盛, 我們都覺得燒的時間比較長, 肚子又快餓, 所以中間先叫了 "雛雞" 半隻, 即是BB雞....聽落有點殘忍, 但人的獸性在食物來時已經把那片刻的惻隱之

難得黎到星期日，緊係搵好野食既時間。我同朋友見天氣咁冷，都想食D比較溫暖既野。咁岩就經過呢一個火山燒。睇到個名已經比佢吸引住了。所以立即上左去。一坐下已經感到曖意，原本以為個爐係用木碳。睇真D先知道，原來係用左火山石。早已聽聞火山石對保溫有特別既效果。今日終於親眼一見，可以用煮料理。而且這家餐廳還特別給食客選擇自己既調味。包括辣椒醬，蜜糖和燒汁，侍應還特別提醒我地燒到就黎熟個陣加小小。再燒一陣，會令味道更加突出。而且邊吃邊教我地火山燒既技巧。好似唔可以一次放幾塊肉，如果唔係就會嗆山個D。仲有個不得不說，只要加88$仲有鮑魚，老虎蝦，仲有翡翠螺同和牛一串。我同朋友當然唔執輸，都黎到呢到食，都唔差個幾十蚊。侍應仲問我地洗唔洗燒完再比我地，我地呢班懶人當然答好。冇念到食材新鮮之餘，廚師處理既手法都係一流。先說老虎蝦，雖然廚師只係放鹽來燒。但係非常入味，保留了鮮味。見到已經流口水。主角當然係鮑魚，雖然味道冇乾鮑咁重。但係鮮味十足，再配上燒汁，味道配合得超好。仲有呢一道雛雞真係不得不試，咁岩見到旁邊個張店叫左呢個。立即問侍應呢個係咩黎，未見到樣，已經粉香撲鼻。食洛去，超級香滑。雖然只係用香草去燒