Gram Cafe & Pancakes

營業中

休息中

成日都好忙，最好就係食甜品獎勵下自己😎今次好想食下PANCAKE，所以黎到呢間喺日本幾出名嘅PANCAKE店，喺門口已經見到好CUTE嘅PANCAKE公仔😆我地分別叫左石板街班戟($118)同雜果朱古力班戟($108)店內環境加入左D植物元素點綴一下，所以都幾舒適😄石板街班戟：一份朱古力口味嘅三層PANCAKE，中間夾層有CREAM同吉士醬，喺頂層仲有士多啤梨😍PANCAKE夠鬆軟，配以朱古力碎、朱古力醬、杏仁碎同粒粒棉花糖等等，甜度剛好，味道層次幾豐富😋雜果朱古力班戟：呢個班戟真係色彩繽紛，上面擺滿咗新鮮嘅水果同朱古力醬，好有食慾😍班戟本身鬆軟，朱古力醬嘅甜味同水果嘅鮮甜完美結合，再加埋滑幼嘅CREAM，每一啖都係甜蜜嘅幸福🥰想舒舒服服嘆返份有質素嘅PANCAKE，呢到的確做得到，下次再黎食下其他款式先得😉補MENU

疫情過後都仲未去日本但又想獎勵一下自己食下甜品所以去左食Gram(*^ω^*) 之前食過幾次梳乎厘班戟今次想試下其他😉所以叫左一個石板街班戟一個雜果朱古力班戟 石板街班戟🥞🍫 $118精美既擺碟，班戟上面淋上大量朱古力醬同朱古力粉，仲有士多啤梨，旁邊仲有d棉花糖同埋杏仁糖班戟既部份有3層，係凍食既質地比另一款札實，有獨特既口感，而且朱古力味濃郁cream方便有2層一層係幼滑既忌廉層一層係用mascarpone cheese整既層忌廉香奶順口mascarpone cheese果層食落有d似練奶我中意既食法係將石板街班戟由頂切落去然後咁多層一次過放入口咁就可以享受到豐富既層次同埋味道 雜果朱古力班戟🥞🥝🍊🍓 $108呢款班戟係熱食既有三塊班戟同大量水果包括左奇異果，士多啤梨，藍莓同香橙呢款pancake既cream好軟滑加左上熱班戟上會有半溶既效果食落更加美味呢款班戟我中意既食法係水果各自點落cream度食同班戟分開然後班戟加大量cream上去食

🇭🇰✨尖沙咀日本梳乎厘班戟店🇯🇵🥞相信大家都聽過呢間嚟自日本嘅梳乎厘班戟店，佢哋進駐咗香港咁耐，我而家先有機會去試🫣佢哋標榜香港店廚師曾去日本受訓10日，煮法完全跟從日本🇯🇵今次嗌咗雜果朱古力班戟 $108🥞賣相好靚。薄pancake濕潤實在帶點鹹味配上微甜香滑嘅忌廉，伴隨黑白朱古力醬🍫而雜果方面有香橙🍊、奇異果🥝、士多啤梨🍓同藍莓🫐，酸酸甜甜。📍Gram cafe & pancakes尖沙咀彌敦道100號The ONE 4樓L408號舖

店名：Gram cafe & pancakes地點：尖沙咀彌敦道100號The ONE菜式：日式班戟餐牌：鹹班戟同甜班戟，班戟有梳乎里款式又有熱香餅款式。其他野如三文治，法式多士，雪糕，雪花冰，沙冰，梳打，咖啡，茶，果汁。另外都有午市套餐。雜果朱古力班戟 $108 另加一雜果朱古力班戟係用比較似熱香餅既班戟，唔係空氣感強嗰種，而係比較實在嗰種，味道方面係少少鹹。首先呢款雜果朱古力班戟賣相唔錯，顏色配搭方面明顯係花左心思，雜果五顏六色，有橙，奇異果，士多啤梨同藍莓。雖然叫雜果朱古力班戟，不過三塊班戟係原味，伴有朱古力醬，香滑忌廉一大pat同少少煉奶，仲有撒上糖霜。總括而言，成碟雜果朱古力班戟好輕盈，生果開胃又清新，感覺健康。石板街班戟 $118 另加一石板街班戟賣相好似成個蛋糕，由三塊啡色嘅班戟包住一層白色忌廉同一層吉士忌廉，面頭灑上朱古力粉同白色糖霜，有少少冬日落雪既感覺。啡色嘅班戟味道鹹鹹哋，其實冇朱古力味，面頭就擠上朱古力醬，上面加左一粒士多啤梨點綴，伴有4粒藍莓，棉花糖，同少少黏牙嘅鳥結糖。聞到朱古力味好香，不過一人一半食完都唔會太膩。今晚食既兩款班戟都各有特色。

記得仲係大學既時候黎過呢間餐廳食 #soufflé pancake，個陣時仲係soufflé pancake 岩岩興起冇幾耐，第一啖食落軟綿綿甜甜地，就愛上左呢種甜品！今次久違又黎返呢到食見出左啲新產品，咁梗係要試下啦！Chocolate Rocky Road （$118）#石板街 #班戟個擺盤好有心機，pancake 比較似cake 既質地，濃濃既朱古力味配上 #士多啤梨，少女心爆發！不得不說，啲cream真係好好味！好滑好香！上面個層係原味cream, 下面係綠面，可能係綠茶味？Mixed fruit & Chocolate ($108)雜果朱古力班戟色彩繽紛既水果切片放係pancake上面，呢款pancake就比較薄身啲！水果好甜，配埋朱古力醬同cream，真係好邪惡！

🌸尖沙咀美食🌸Gram Cafe & Pancake🥞今天吃過晚餐後又想吃高質滋味班㦸作宵夜！於是就到位於尖沙咀The One一間日本過江龍Cafe -「Gram Cafe & Pancake」購買2份班㦸回家慢慢品嚐作是日飯後甜品❗️餐廳鋪面寬敞舒適❗餐廳裝修優雅精美❗餐廳提供班㦸外賣服務，外賣班㦸包裝精細，帶回家嚐用也不失其擺盤及滋味❗我們一行2人共點了以下餐點：1️⃣🌟雜果朱古力班戟 $108雜果朱古力班戟配搭爽脆藍苺、香甜士多啤梨、清新奇異果及爆汁香橙肉等新鮮水果，配搭軟綿濃郁的朱古力醬及忌廉，班㦸軟綿滿滋味，配搭豐盛❗️2️⃣🌟石板街班戟 $118石板街班戟配有香甜士多啤梨及香橙等水果，配搭棉花糖、焦糖合桃、香濃朱古力粉及軟綿綿的香滑忌廉，賣相精緻，味道甜而不漏❗🌟為是次餐廳用膳的推薦菜色❗

餐廳位於尖沙咀the one，gram係來自大阪既人氣pancake🥞店，其中限量梳乎厘班戟最愛歡迎。環境以綠色植物同簡單木系裝潢為主，成日經過都想試下佢，今日終於約到朋友同我試🥹。✨另收加一-💕 石板街班戟 $118👅好味指數：7.8/103層偏厚實既朱古力pancake 夾住1層輕盈既cream+1層香甜濃郁既吉士醬🤤，面層灑上可可粉同朱古力醬，再放上士多啤梨，旁邊仲有好香甜脆口既焦糖合桃😍、酒漬車厘子🍒同棉花糖，食落質感實在，朱古力味唔會太甜👍🏻。- 💕 雜果朱古力班戟 $108👅好味指數：6.9/10雜果有士多啤梨、奇異果、橙、同藍莓🫐，表面淋上濃郁朱古力醬同糖粉。班戟偏薄，係平時食開既熱香餅口感，有蛋香，配朱古力醬/石板街個吉士醬都好正👍🏻🤣-環境：9/10服務：9/10整體味道：7/10回頭率：7/10

好耐無食pancake！去開The One就醒起呢度有間Gram cafe & pancakes主打pancake。呢度主打日式班戟，有鹹班戟同甜班戟揀，選擇好多。呢度既班戟比較似熱香餅，唔係空氣感強嗰種，而係比較實在，味道方面係比較鹹。價錢方面以班戟店黎講相對唔算貴。除咗班戟，呢度都有其他野如三文治，法式多士，雪糕，雪花冰，沙冰，梳打，咖啡，茶，果汁。另外都有午市套餐。今日又食經典口味甜班戟先。雜果朱古力班戟 $108 另加一雜果朱古力班戟即係三塊原味班戟上面加上大量唔同新鮮水果，再加上少量朱古力醬同煉奶，又撒上糖霜，伴碟仲有一大pat香滑忌廉。雜果非常多種類，有士多啤梨，藍莓，奇異果，同連皮既橙，全部都係新鮮水果。顏色配搭方面明顯係花左心思，成碟野食望落五顔六色。香滑忌廉真係畫龍點睛，令到啖啖班戟都唔會太乾。意大利芝士蛋糕班戟 $118 另加一意大利芝士蛋糕班戟將班戟同Tiramisu合體，造成一款超大個既班戟Tiramisu 蛋糕，作為慶祝都唔錯。佢由三塊啡色pancake夾住兩層厚厚既vanilla 吉士醬，上面加D vanilla 吉士醬點綴，再撒上大量咖啡粉同朱古力粉，最後

記得幾年次首次到大阪旅行，第一時間正是與朋友朝聖大名鼎鼎的Gram，招牌厚班戟濕潤綿密並富蛋白香；後來在香港開設分店亦吸引不少人慕名而來，即使味道未必盡善盡美但畢竟外遊回港毋須隔離仍遙遙無期，可以回味一下日本滋味仍值得偶爾一試。雜果朱古力班戟 ($108) 舖滿士多啤梨、奇異果、藍莓及橙新鮮香甜，惟班戟質感可以更加濕潤，慶幸鮮忌廉輕盈幼滑並富奶香，再加上朱古力醬及煉奶可以稍作彌補。焦糖香蕉班戟 ($98) 本身班戟質感如出一轍，但由於會附上一小壺楓糖漿令班戟濕潤得多，香蕉面層燒成焦糖脆面，再配上碧根果仁整體口感相對豐富。

放工好想食甜食寵下自己，early dinner之後就衝去the one食埋日式甜品先返屋企！Gram呢間分店以白、綠色同木系裝修為主，其中一枱仲有一棵樹係中間，整體感覺行自然風，幾舒服！Gram喺日本係超多分店嘅人氣pancake專門店，大排長龍都係為咗個限量梳乎厘班戟，厚厚疊成三層，睇到都覺得治愈。不過今次錯過時間無得食，一於就試其他款，叫咗一冷一熱甜班戟。石板街班戟（$118）gram用料上乘，用咗日本直送custard cream，伴碟有自家製杏仁糖、車厘子、同棉花糖，呢款甜品好有層次，三塊薄朱古力pancake之間夾咗兩款不同嘅餡料，上層係較香甜whipped cream，下層係味道較濃嘅綿密custard，連埋朱古力粉同片一齊食，好幸福！雜果朱古力班戟（$108）豐富水果，包括士多啤梨、藍莓、橙同奇異果，表面淋上朱古力醬、雲呢拿味既anglaise sauce、糖粉。薄班戟食落係好香濃蛋味同牛油味，加埋新鮮生果，感覺完全唔膩！果然係所有材料都來自日本，質素好有保證！香港店仲有多款限定鹹pancake，我自己就對日本和牛漢堡班戟好感興趣😆下次黎再試！

記得第一次食Gram 的班戟是在大阪🎎， 後來Gram cafe & pancakes 到香港開分店， 我就第一時間來捧場🤩。 現在間中都會相約朋友來這裏😋， 今次點了兩款做下午茶🥞 ～ 石板街班戟$118 、 雜果朱古力班戟$108。 🥞石板街班戟 ～ 濃郁朱古力味， 班戟綿綿的，囗感鬆軟😋， 有朱古力碎、 棉花糖、堅果粒和草莓， 配上香滑的忌廉， 香甜而不膩。🥞雜果朱古力班戟 ～ 賣相很吸引😍， 色彩繽紛的雜果🫐🍊🥝🍓， 加上濃香的朱古力醬和輕盈的忌廉， 班戟鬆軟帶點淡淡的鹹味，味道多元化。 本身我很喜歡食班戟， 每次到Gram都食得很滿足🤞🏻😋。

今日出左尖沙咀The One，本身唔係好肚餓，不過行過見到呢間Pancake專門店啲Pancake好吸引就忍唔住拉左男朋友入去食。意大利芝士蛋糕班戟 $118叫左個tiramisu pancake，pancake口感軟滑易入口加埋濃郁espresso香味，少少甘苦味同奶油甜味match埋一齊，呢個tiramisu pancake真係幾好食。而且好大份，我一個女仔一定食唔曬。雜果朱古力班戟 $108雜果pancake賣相好吸引，上面好好多款唔同嘅生果，奇異果、藍莓、橙、士多啤梨。Pancake口感同樣好鬆軟，而且cream奶味好重好厚身，加埋少少朱古力醬真係相當飽肚。Overall黎講，餐廳啲pancake真係好多款式同埋好好食，不過每一份真係好大份，兩個人share一份pancake再加杯飲品就已經好夠，下次再黎試下佢其他野先。

同朋友在THE ONE 吃完晚飯後，經過Gram Cafe & Pancakes，這是一間日本人氣的甜品店，來香港開分店有已幾年時間。見到相片好吸引，於是和朋友入去試吓。因為時間唔吻合，所以食唔到鎮店之寶-厚厚疊成三層軟綿綿嘅梳乎厘班戟。雖然如此，見到其他款式賣相都唔錯，朋友點了焦糖香蕉班戟，香蕉切開了一半，兩邊平面有一層香脆的焦糖，喜愛食甜的一定要叫他，班戟味道鹹鹹地，配上楓糖漿一起吃，味道幾特別；另外還有碎合桃伴碟中和了甜甜的焦糖及楓糖漿；而我就點了雜果朱古力班戟，配多款新鮮水果以及朱古力醬，七彩繽紛非常漂亮。兩款班戟都有大大嘅cream，軟綿綿，入口即溶。這裡環境舒適，坐得舒服，是與知己相聚的好地方。

跟朋友於附近吃完飯，肚子還有點空空的，便到這間日式班戟吃個飯後甜品。這間是來自日本大阪的人氣過江龍，可惜吃不到招牌班戟，因為每天限時及限量發售。雜果朱古力班戟 Mixed fruit & chocolate - $108三片迷你夏威夷風班戟，質感比較紮實，有別於招牌班戟那超有空氣感的梳乎厘，不同的是味道屬鹹點，相對上沒有那麼膩，配雜果很鮮甜清新，那凍冰冰的新鮮忌廉綿密又軟綿。焦糖香蕉班戟 Caramelize banana - $98同樣是夏威夷風班戟，但更加邪惡的是配濃郁的楓糖漿；香蕉也佈滿酥脆的焦糖皮，整體好香甜可口。

每次經過呢間Pancake專門店👀都被濃郁嘅蛋香味吸引住🥚一直都好想試佢嘅招牌梳乎厘班戟🎀不過因為只喺限定時間供應🕰今日食住兩款傳統Pancake先😚🔸焦糖香蕉班戟（$98）焦糖香蕉製作得相當出色💥入口同時食到酥香脆口嘅焦糖薄片💋同香甜軟滑嘅香蕉🍌口感層次豐富👍🏻班戟帶有少少鹹味🤩忌廉口感輕盈幼滑🎉富有奶香味🥛但又唔會過於甜膩💁🏻‍♀️配以健康合桃碎🙌🏻同香氣四溢嘅糖漿🍯令人充滿幸福嘅感覺💞🔸雜果朱古力班戟（$108）呢款Pancake擺盤精緻🥞班戟質感較為厚實🎖以多款新鮮雜果點綴💫有士多啤梨🍓藍莓🫐奇異果🥝香橙等等🍊配上朱古力醬🍫酸甜味道平衡得相當唔錯😋鍾意食甜品嘅朋友千萬不能錯過💃🏼