影片
更多
2022-08-15
3339 瀏覽
好耐無食pancake！去開The One就醒起呢度有間Gram cafe & pancakes主打pancake。呢度主打日式班戟，有鹹班戟同甜班戟揀，選擇好多。呢度既班戟比較似熱香餅，唔係空氣感強嗰種，而係比較實在，味道方面係比較鹹。價錢方面以班戟店黎講相對唔算貴。除咗班戟，呢度都有其他野如三文治，法式多士，雪糕，雪花冰，沙冰，梳打，咖啡，茶，果汁。另外都有午市套餐。今日又食經典口味甜班戟先。雜果朱古力班戟 $108 另加一雜果朱古力班戟即係三塊原味班戟上面加上大量唔同新鮮水果，再加上少量朱古力醬同煉奶，又撒上糖霜，伴碟仲有一大pat香滑忌廉。雜果非常多種類，有士多啤梨，藍莓，奇異果，同連皮既橙，全部都係新鮮水果。顏色配搭方面明顯係花左心思，成碟野食望落五顔六色。香滑忌廉真係畫龍點睛，令到啖啖班戟都唔會太乾。意大利芝士蛋糕班戟 $118 另加一意大利芝士蛋糕班戟將班戟同Tiramisu合體，造成一款超大個既班戟Tiramisu 蛋糕，作為慶祝都唔錯。佢由三塊啡色pancake夾住兩層厚厚既vanilla 吉士醬，上面加D vanilla 吉士醬點綴，再撒上大量咖啡粉同朱古力粉，最後
今日又食經典口味甜班戟先。
雜果朱古力班戟 $108 另加一
雜果朱古力班戟即係三塊原味班戟上面加上大量唔同新鮮水果，再加上少量朱古力醬同煉奶，又撒上糖霜，伴碟仲有一大pat香滑忌廉。雜果非常多種類，有士多啤梨，藍莓，奇異果，同連皮既橙，全部都係新鮮水果。顏色配搭方面明顯係花左心思，成碟野食望落五顔六色。香滑忌廉真係畫龍點睛，令到啖啖班戟都唔會太乾。
意大利芝士蛋糕班戟 $118 另加一
意大利芝士蛋糕班戟將班戟同Tiramisu合體，造成一款超大個既班戟Tiramisu 蛋糕，作為慶祝都唔錯。佢由三塊啡色pancake夾住兩層厚厚既vanilla 吉士醬，上面加D vanilla 吉士醬點綴，再撒上大量咖啡粉同朱古力粉，最後加上一塊朱古力薄片係上面，伴碟有朱古力碎。呢款意大利芝士蛋糕班戟嘅班戟似係原味，只係外面灑上咖啡粉同朱古力粉所以看似咖啡色。三層軟綿綿pancake，香滑吉士醬同脆脆朱古力碎一齊食有多重口感同味道，鹹中帶朱古力既甜同咖啡既苦。
最低消費每人1份食品或飲品。餐廳喺尖咀大商場，開放式環境，感覺開揚。
張貼
