霸嗎拉麵 (金巴利道) (裝修中)

落雨都無減我地去食霸嗎拉麵嘅興致，除左我地，仲有好多人同我地一齊排排企等位。我地今晚9點幾先食野，雖然過左晚餐時間，但人潮好似都無遞減，不過好快就可以入座！（可能真係太好食太受歡迎）辛辣拉麵湯底好過癮，好惹味，雞湯湯底相對較清淡，兩者加埋又係另一番風味。拉麵好入味，麵身硬度適中，好喜歡這拉麵。炙燒豚肉極級肥美，盡顯霸氣！4大塊豚肉，鋪滿成碗拉麵，肥肉同瘦肉的比例剛好，肥瘦參半，肥而不膩，口感一流！

拉麵一向都係我既comfort food，但都要夠好味先有呢個功效，每次黎霸嗎comfort自己都好成功😌以往一向食開佢啲炙燒叉燒，今次一於試吓佢嘅雞湯！雞叉燒辛辣雞白湯拉麵👍🏿 個麻油味好香！有啲似出前一丁個麻油味。雞叉燒都係第一次試，咬落去啲肉係甜，淡淡都有食到肥膏，另外雞皮照上無拆走，黎霸嗎就係要食啲有脂肪嘅肉👅 個辣味遮咗個湯嘅味炙燒豚肉味玉拉麵就係朋友食嘅，亦都係我以往識開嗰個，所以唔再作介紹啦羽根燒餃子上次都有食到，入面好少餸，同埋啲餸都唔夠味，一定要點餃子汁先好味！午市一點半左右排幾個位就入到啦～ 職員嘅服務都好好，個個都勁Nice

請左一日假，睇完玩具展，去完GU，兩個百無聊賴既友仔不停諗食咩好。時間尚早，好多排隊店都未出現人龍，難得唔洗排，梗係要去食人氣拉麵啦!（注意，排隊係要排係斜坡既，企得耐都唔舒服）霸嗎氣氛好好，甚至比日本大型少少既拉麵鋪更有日本feel。（咁先開到係尖沙咀旺位既⋯）朋友叫既拉麵，雞湯拉麵比較少見，算係嚐新。雞叉燒煎過下，焦香脆口不會柴。雞湯比較淡同稀，同一般豬湯底相差甚遠，不適合想食濃汁掛湯既朋友。圖中可見，濃郁到略似湯羹，拉麵拉起仲有一堆湯汁掛住，拍得住沾麵。湯底濃郁，但與一般拉麵鋪（一蘭之類）唔同，冇豬油浮面，完全撈左落個湯底到。索索聲食十分過癮味玉完整一大粒，咬開係流心既。叉燒炙燒過，多了一重口味，減少油脂。代價係唔會入口即溶，不過又香口左好多。太乾身，辣汁冇咩特別，建議試沙律味可能清新d，搭配番濃郁拉麵豚骨湯超好味！朋友都話下次要再黎食豚骨既

傳統的日本拉麵，有一個問題令我不是太經常幫襯用餐，就是一般日本拉麵由湯底到配菜，多數以豬肉作材料。我並非太熱衷吃豬肉的人，所以拉麵多數留到星期日晚上，或者平日非正餐時段，例如下午茶，七點晚餐前的時間，才能暫時放開執著，勉強吃一次拉麵。以雞肉作配菜的拉麵店，我不是未曾見過，只是數目不多，質素亦參差，令我不敢貿然試食。所以，當我在開飯網最佳食店選舉，知道有「霸嗎拉麵」這間餐廳，我突然很感謝上天，原來上天都知道，知道我有食雞肉拉麵的訴求。當我第一次試食「霸嗎拉麵」的雞叉燒拉麵時，我先問了侍應一個問題：雞叉燒拉麵的湯底是用什麼肉做材料？我最擔心的事，就是雞叉燒拉麵會否用豬肉做湯底。結果侍應很清楚回答我：雞肉，再望望餐牌上的拉麵名：味玉雞白湯雞叉燒拉麵，當然是用「雞白湯」啦！我當堂放下了心頭大石，這次我真的吃到一碗，徹頭徹尾，由湯底到配菜，都吃不到半塊豬肉的拉麵！「霸嗎拉麵」真的能滿足我食雞肉拉麵的願望，既有「全雞宴」拉麵，連佐餐的雞肉小食也兼備，看來「霸嗎拉麵」真的有可能成為我的最愛，成為我的拉麵餐廳必然選擇之一。我在店外排隊的時候，一邊在看着餐牌上有雞叉燒拉麵和小食的照片，雞叉燒拉麵已經在我

幾次經過霸嗎拉麵都見到超多人排隊今日襯lunch時間少d人終於黎咗試下啦最近做緊期間限定嘅撈麵但係因為天氣太凍，所以都係揀返拉麵我揀咗雞叉燒辛辣雞白湯拉麵，可選擇麵軟硬度、少油、要否蔥或木耳朋友揀咗炙燒豚肉味玉拉麵lunch可以加$12有羽根燒餃子同唐揚炸雞原價$35，份量無少到覺得好抵呀我地兩個都有加，諗住試下味枱上面有d調味：蒜粉、一味粉、拉麵胡椒以及餃子汁佢仲好貼心專登有個餃子汁碟仔做蓋，免得客人用擺係最上鋪塵嘅碟仔餃子黎啦炸得好香脆，味道都OK，$12黎講超抵食炸雞熱辣辣，但個人覺得麻麻雖然係新鮮炸出黎，但食落硬係覺得多咗陣味但又講唔出係咩味，下次黎未必會叫朋友嘅拉麵先黎塊豚肉好香呀我試咗一細啖豚肉同一細啖湯湯十分濃而不咸，豚肉醃得好入味，燒得好香令成碗拉麵加分不少好少係食拉麵嘅時候覺得配料更吸引溏心蛋我嘅拉麵都到啦湯底好清，係我想試好耐嘅雞湯拉麵平時食開嘅拉麵店大多以豚骨湯做主打呢度有得揀清淡d嘅雞湯真係好正可能係雞湯嘅關係，even我揀咗少油，表面依然有層油係度，可見如果無揀少油會有幾多油辣度我揀咗小辣，對我黎講唔算太辣，下次可以挑戰下中辣食一啖佢嘅雞叉燒D肉質超滑超嫩真係