影片
更多
2023-01-02
161 瀏覽
聖誕假期同朋友喺銅鑼灣食飯，我哋行經耀華街見到有間好好節日氣氛嘅餐廳🎄，叫「The Chippy」。再望餐牌，發現原來係食英式炸魚薯條Fish & Chips。店舖木系嘅裝潢滿有英倫風格🇬🇧，四周圍貼滿海報，整體感覺舒服又好Chill。同時，門口開得大，冬天有生風吹入嚟好通爽，唔焗促。餐廳主打英式食物，入口唔少英國地道品牌嘅食品同飲品。雖然部份產品唔係自家製作，但至少專賣呢類菜式嘅餐廳喺香港唔多🇭🇰，幾有特色。炸鱈魚薯條12oz(招牌)($198)，你無睇錯，🐟炸魚超大條，我無磅喺手所以佢足唔足12安士我就唔知，但就肯定長超過12吋，同我手臂有得揮💪。炸皮記得要襯熱食🔥，佢算薄身，食落微微脆，唔油膩。炸魚用上鱈魚Cod Fish，魚肉肉質幾有彈性，而且亦算嫩滑，最重要係夠厚肉，大大啖肉，咁先至有滿足感。🍟搭配嘅係手切粗薯塊，薯肉好綿，份量多到食唔晒。炸魚薯條跟配三色醬🚦，左至右分別係青豆醬Mushy Peas、咖哩醬Curry Sauce同牛肉醬Gravy Sauce。三款之中咖哩最惹味，一啲都唔辣，似日式溝印度風🥘。我平日唔食青豆，不過變咗蓉又唔錯喎，就咁食好過沾魚食。牛肉醬貌似紅豆
聖誕假期同朋友喺銅鑼灣食飯，我哋行經耀華街見到有間好好節日氣氛嘅餐廳🎄，叫「The Chippy」。再望餐牌，發現原來係食英式炸魚薯條Fish & Chips。
店舖木系嘅裝潢滿有英倫風格🇬🇧，四周圍貼滿海報，整體感覺舒服又好Chill。同時，門口開得大，冬天有生風吹入嚟好通爽，唔焗促。
餐廳主打英式食物，入口唔少英國地道品牌嘅食品同飲品。雖然部份產品唔係自家製作，但至少專賣呢類菜式嘅餐廳喺香港唔多🇭🇰，幾有特色。
炸鱈魚薯條
$198
26 瀏覽
1 讚好
0 留言
炸鱈魚薯條12oz(招牌)($198)，你無睇錯，🐟炸魚超大條，我無磅喺手所以佢足唔足12安士我就唔知，但就肯定長超過12吋，同我手臂有得揮💪。炸皮記得要襯熱食🔥，佢算薄身，食落微微脆，唔油膩。炸魚用上鱈魚Cod Fish，魚肉肉質幾有彈性，而且亦算嫩滑，最重要係夠厚肉，大大啖肉，咁先至有滿足感。🍟搭配嘅係手切粗薯塊，薯肉好綿，份量多到食唔晒。
炸魚薯條跟配三色醬🚦，左至右分別係青豆醬Mushy Peas、咖哩醬Curry Sauce同牛肉醬Gravy Sauce。三款之中咖哩最惹味，一啲都唔辣，似日式溝印度風🥘。我平日唔食青豆，不過變咗蓉又唔錯喎，就咁食好過沾魚食。牛肉醬貌似紅豆醬，但味道比想像中淡。
炸熱狗腸(12吋)($48)，珍寶香腸好大條🌭，外層同樣包住炸漿，質感稍為硬啲，但都脆。入面嘅香腸係豬肉腸🐷，口感彈牙，富鹹香。炸熱狗腸用紙皮包住，食用方便。
雞肉磨菇批($78)，餐廳選用英國牌子嘅肉批Pukka Pie🥧。肉批焗起鬆化挺身，酥皮具牛油香，切開後肉餡一湧而出，入面係忌廉磨菇雞肉🐔，食落都OK，幾Creamy，而且係似曾熟悉嘅味道(罐頭湯？)。
小黃瓜
$15
13 瀏覽
0 讚好
0 留言
飲品方面，店員推介試吓英國汽水🥤，齋睇餐牌我完全無概念係乜味，有見及此，佢好好人拎晒出嚟俾我揀🤣。我哋要咗BEN SHAWS嘅Bitter Shandy以及Dandelion & Burdock，每罐$55，有啲貴🙈，但當試新嘢。前者有啲似檸茶溝啤酒🍻，有0.5%酒精；而另一款味道幾獨特，係蒲公英加牛蒡味，但我飲唔出，哈哈。
啱啱過咗世界杯🏆⚽️，再一次見到1966年英格蘭嘅勝利海報，就諗起暫時仲未Coming Home……🏴。另外，仲有老闆嘅珍藏：碧咸親筆簽名波衫。
總括嚟講，難得喺香港食到英式正宗炸魚薯條，味道不俗，情懷十足👍，感覺堅係有啲似喺英國嘅酒吧，過咗一個愉快嘅晚上。
張貼
