雲家小鍋米線 (328廣場)

營業中

休息中

作為米線愛好者，黎緊開始去試唔同地區嘅米線！呢間餐廳呢辣有分酸辣同麻辣。💪🏻 雲家米線 - 麻酸辣小辣($63)呢間米線超足料，勁大碗 （細食嘅朋友記得叫小米線，因為真係分分鐘大碗到食唔晒㗎🤣)一碗有齊腐竹、冬菇、雞絲、雞翼、魚春卷、螺旋草、台灣腸仔，仲有必備配料芽菜、韭菜、酸菜、芫荽蔥等。雞絲一絲絲嗦晒湯，夠晒惹味😋 冬菇大大隻，要兩啖先食得晒😂 湯底夠濃味但一啲都唔油。小辣對我嚟講唔夠辣，下次可以試下中辣。米線仲有我鍾意嘅螺旋草，份量勁多，感覺夠纖維夠晒健康💪🏻 米線都煮得啱啱好，軟實適中，有少少煙韌。💪🏻 腩肉炸醬小鍋米線+肥牛蘿蔔 -酸辣小辣 ($64)炸醬夠晒惹味又夠乾身，令到個湯底更加濃郁。腩肉煮得入味又唔算太肥！蘿蔔都夠清甜又無渣😋 肥牛肥瘦適中，都有牛味。另外仲叫咗小食，全部小食都超大份😛 份量大到唔係一個小食，直頭可以當做一個餸🤣💪🏻 涼拌墨魚頭 ($46)酸酸辣辣，食落好開胃，墨魚頭都夠晒爽口彈牙！💪🏻 秘製豬頸肉 ($47)超香口，油香突出，一口一舊，食到停唔到😋💪🏻蒜泥白肉 ($42)大大碟好惹味，蒜泥超香但又唔會食到個口一大陣蒜頭味🫢 白肉好好食，爽口又唔覺膩

荃灣名物除咗係行人天橋之外，仲係米線之都，一街都係米線，隨時排長龍，呢間大胃都跟機排吓隊點解呢間會排隊？味道一家有返咁上下，連份量都好似蝕畀你咁，未食過咁大份嘅過橋米線，勁多料，就嚟滿瀉咁春卷勁大碌又勁香蝦味，冬菇好大好腍，雞絲、腐皮同海帶多到懷疑人生胃弟嗌咗中辣嘅酸辣粉，湯底好香好酸大量韭菜，豬紅大大粒，又綿又彈，薯粉都好滑溜彈牙豬頸肉極之抵食，一碟好大份，切條上，炸得外脆內爽，口感唔錯，點甜酸醬都唔錯皮蛋嘅顏色非常之靚，透明到唔係好見到蛋白咁滯，大量蒜蓉好入味，蛋身漿漿地又滑又香跟餐加$11就有特飲，檸七嘅鹹檸都幾爆檸香檸樂都有無糖版，大胃覺得味道依然，冇乜影響

📌 雲家小鍋米線 📍 荃灣沙咀道328號328廣場地下G01舖（鹹田街聖方濟中學對面）☎️ 24395767★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*朋友係米線控，呢日佢專誠出城去荃灣同我行街，仲要求我同佢去食正嘅米線。我諗起上次食雲家小鍋米線果陣想食嘅豬頸肉無貨，所以呢次再encore雲家去填補心裡嘅缺失。😝💫雲家米線$60最鍾意呢個好多餸嘅米線，我嗌咗唔辣，湯底香濃好甜帶微酸，好啱我飲。分量大大碗，賣相出眾，最愛魚春卷夠彈牙，螺旋草爽口細嫩，索晒湯嘅精華，雞翼肉質夠滑，冬菇好厚身入味，幼身米線夠爽滑煙韌。💫涼伴墨魚頭 $45呢個簡直係必叫招牌菜。用餐當日見到幾乎每枱都有點，墨魚頭好彈牙爽口，蒜泥醬汁帶點微辣，點埋個酸汁，開胃又惹味！💫秘製豬頸肉$46分量十足，豬頸肉半肥瘦，表面煎得香脆，幾厚身，咬落爽口，唔會覺得好肥好油。💫豬大腸小鍋米線 嗌咗小辣酸辣湯底，湯底夠濃郁唔油，酸辣味有層次，豬大腸好夠腍同入味，大量配菜唔留手，食完好飽足！呢個價錢食到咁好味嘅食物，唔怪之得鋪頭細細，坐得都幾迫吓，都有好多食客黎，坐無虛席啦！★*

📌 雲家小鍋米線 📍 荃灣沙咀道328號328廣場地下G01舖（鹹田街聖方濟中學對面）☎️ 24395767*☼*―――*☼*―――*☼*―――*☼*―――*☼*荃灣有好幾間米線店，其中雲家都可以話係數一數二。成日都會喺米線關注組見到人讚。之前佢哋停咗堂食，依家開番，我就搵時間過黎試下。💫雲家米線（$5️⃣8️⃣）呢款勁多餸！腐竹、雞絲、冬菇、雞翼、魚春卷、螺旋草、腸仔、韭菜、芽菜、酸菜、芫荽、蔥。樣樣都啱我食又唔洗諗。啱晒有重度選擇困難症嘅我。咁多餸都只係$58，仲要分量勁多勁大碗。個presentation 都好用心，排到靚靚整整齊齊。張相我係照實物出，絕對無自己執過啲餸！湯底唔咸，酸辣好平衡，無偏重一邊。幼身米線夾起好動L，入口彈牙剛剛好，腍度適中；冬菇有成三舊仲要好厚身；魚春卷好彈牙；豉油雞翼肉質結實，醃得夠入味；雞絲好幼細，吸晒湯嘅精華好好味；螺旋草口感像海草，好細嫩好爽口；仲有大量配菜，每一啖都有餸，非常豐富大滿足！💫涼拌墨魚頭（$4️⃣3️⃣）菜單上呢款小食係店家自信到印有手指公👍🏻，同埋見隔離兩枱都有叫，咁梗係唔好錯過跟隊嗌啦！依？ 真係好食喎，我覺得稱得上必食之選。墨魚食落口感滑得黎好

香港人很喜歡食米線，因此米線店在香港亦非常普及！ 我也非常喜歡吃米線，幾乎隔天便會去吃，香港大大小小的店子也有我的足跡，今天初嘗雲家米線，這店子地方不算大，但卡位很多，坐起來很舒適！看看餐牌，發現價錢也很貼地，可以貪心點吃豐富些！ 最愛小鍋米線，自己選了一碗冬菇米線，湯㡳是米線的靈魂，這裏的湯底濃郁之餘亦不會只有鹹酸辣！而是帶有炸醬鮮味的湯底， 冬菇非常大隻和厚肉，亳不吝嗇！冬菇鮮味得似花菇，回本之選！有選擇困難症的朋友則選擇了一碗雲家米線！ 因為雲家米線的配餸豐富，腐竹，冬菇雞翼，魚春卷，雞絲，螺旋草和腸仔， 足足六款餸！ 以為每款只有很少，米線上桌朋友不禁說了句「嘩！咁抵」！而且食物質素很高！ 豉油雞翼很入味，雞絲軟綿綿，吸收湯底精華後，口感入口即溶的！ 螺旋草爽口，而且聽聞營養豐富！餐牌推介這款拌墨魚頭，很獨特的菜式，有濃厚的蒜香味而帶點微酸辣，墨魚頭爽脆，很好吃，果然是推介食物！炸春卷，即炸的魚網外層爽， 很鬆脆，餡料不確定是甚麼肉， 但咬起來外脆內軟的！ 吃起來也不會感到油膩！最後上桌的是炸雞翼，肉質Juicy, 看起來脹卜卜，肯定是即叫即炸的！這小店所有食物吃得出，全部用心

最近覺得荃灣真是一個美食好地方，平的貴的，連鎖的小店的，中西日韓台，任何類型的餐廳都有，有時想不到吃甚麼，在荃灣走一圈總會找到心水，今次就是走一圈後，發現這間餐廳門外的人龍非常多，就二話不說排隊。這間雲家小鍋米線地方不大，所以晚飯時間人真的有點多，不想花時間的可以點外賣，當晚我都等了至少半小時。餐牌一眼睇曬，就是吃米線，有多款預設好的米線，也可以自由配搭，看到價錢最貴都只是$58，你便知道人龍的原因了。雲家米線 這個甚麼配料都有，非常適合選舉困難症的人，配料有腐竹，冬菇，雞絲，雞翼，魚春卷，螺旋草，紅腸、芽菜、酸菜、韭菜、蔥、芫荽。米線來到時非常大碗，超豐富。冬菇醃得入味，大隻厚肉又多汁。魚春卷爽口帶有蔥香，螺旋草甚有咬口，有點像紫菜，加上配菜如芽菜、酸菜、韭菜、蔥、芫荽，獨特的香味，多款不同的口感，而且菜和肉比例平衡，坦白說如果是細食的女士可以兩個人加小食已經夠食，性價平超高。另一款點了熱伴米線，加豬肚，墨魚頭，韭菜，紫菜，配料有花生，榨菜，咸菜和肉碎。米線煮得剛剛好，柔軟但有口感，熱伴的精髓就是配料，花生，榨菜，咸菜和肉碎，撈勻後愈食愈惹味，加上爽口的豬肚和墨魚頭，熱伴有另一番風

今日做完gym口淡淡想食啲辣野，發現呢間米線主打秘製麻辣同酸辣一於試試佢！一入到去啲服務員好熱情，好主動問你想食咩，仲介紹佢地既麻辣係「麻辣王」 我就叫左大大碗既招牌雲家米線麻辣小辣，$52已經可以食到12樣配料，超抵！ 另外叫左兩樣小食，蒜泥白肉同埋涼拌墨魚頭 墨魚頭超入味，食完好開胃，蒜泥白肉都好正，食完想食多啲野tim! 而碗米線大到我覺得女仔一定食唔曬，呢度既麻辣果然名不虛傳，好惹味！ 食曬咁多樣野加埋杯凍飲都唔洗200，勁抵呀！下次想食辣米線都會黎呢度

每次食米線，多數行去路德圍嗰邊，有次無意中經過沙咀道鹹田街發現這間小鍋米線，決定要到來一試。看著餐牌有很多選擇，不知從何入手，見到有一款招牌米線：雲家米線，非常大碗，有很多餸：腐竹，冬菇，雞肉，螺旋草，雞翼，芽菜，酸菜，韮菜，蔥，芫茜，魚春卷，紅腸 .... 叫這一碗夠了，這麼多餸，也不需要再叫小食了。米線上檯，嚇了我一跳，真的非常大碗，可以做兩餐分開食呢！這碗米線是不辣的，清湯底，但因為螺旋草夠鹹，浸在湯裏，清湯也變濃味了，米線爽滑，冬菇肉厚，魚春卷和紅腸都好味，加上其他配料，好豐富好有營養的一餐。