Glasshouse Greenery (K11 Musea)

營業中

休息中

2/9/2021 星期四，知道今日放假，所以預先經 open rice 訂位，因為呢度好多時都滿座。戶外始終都係比較熱，所以我哋二人選擇坐室內，有冷氣，舒服啲！午餐有：蟹肉牛油果沙律，清爽美味，配以蒜蓉包，恰到好處！主菜有龍蝦肉意粉，微辣！本身不吃辣的我，都想嘗試一下可否接受「微辣」，不過，我都先將尖尖的紅椒撥開，盡量避免辣味！意粉夠彈口，配以龍蝦肉一齊食，正正！另一款主菜係 Deep Fried Dirty Duck with rice! 皮脆肉嫩，鴨肉加兩隻鴨脾，我都分咗一隻，美味😋飲品我哋都係偏愛茘枝玫瑰花茶及雲霧士多啤梨。呢兩款飲品之前都飲過，今次再重複飲，就知道係好嘢嚟啦！最後，梗係要有甜品啦，雲尼拿味梳乎厘，新鮮出爐，香噴噴，好圓滿呀！好好享受了一個放假心情嘅午餐😊

4/4/2021 星期日 兒童節，天陰毛毛細雨，最好行商場食午餐。選擇Glasshouse ，喜歡佢食物款式乜都有，又好食，飲品亦多種類，侍應招呼好有禮貌，環境舒適。首先叫咗兩杯飲品，有雲霧士多啤梨🍓，好似士多啤梨奶昔，好飲。另一杯係 凍茘枝果茶，大大杯，夠清涼解渴！正呀！頭盤 法式吞拿魚沙律，開胃，增加食慾！小食拼盤，有蝦餅，魷魚鬚，春卷，沙嗲串，蜜糖雞翼，樣樣都好脆口。主菜有松露芝士焗豬飯，芝士覆蓋面層，熱辣辣粒粒飯，香噴噴呀！要圓圓滿滿，梗係唔少得甜品啦，我哋叫咗一個香草脆皮梳乎厘，面上有一層焗得脆脆，好似墨西哥包嘅脆脆面，太好味喇！嚟過這餐廳兩次，食物保持水準，而且每次都有驚喜，期待下次幫襯時，睇吓又有什麼推介。

之前食過兩間K11 musea嘅餐廳都好有質素，今日再試呢間㗎Glasshouse greenery，喺門口望入去已經覺得餐廳好靚，有落地大玻璃加上好多綠色（假）植物嘅擺設，襯晒佢呢個名餐廳本身有室外位置，可惜撞正今日落雨冇機會坐出去，部份枱就擺咗喺門口隔離嘅室內位置，但因為望到戶外，所以呢個位其實都唔係太差正當店員帶我哋入座，我以為要坐「走廊位」嘅時候，竟然原來另一邊仲有另一個室內位置，估唔到餐廳佔地都幾大。另一邊嘅室內位置感覺又有啲不同，整體光線冇咁明亮，感覺似飲酒地方多啲。我哋坐嘅位都係窗邊隔離，地方闊落坐得相當舒服。食物選擇方面，主要偏向西式和東南亞菜。炒芥蘭苗半西班牙火腿（ $88 ）芥蘭苗夠鮮嫩又夠鑊氣，加上西班牙火腿和蒜香洋蔥等吊味，十分惹味。雜菌黑松露芝士薄餅（ $168）估唔到相當大塊，批邊夠脆，松露味都幾香，上邊仲鋪咗雜菌同埋火箭菜，當然仲有芝士，素食得來唔會寡。唔錯　！松露焗豬飯（$138 ）呢個都幾好食，焗飯唔會乾，豬扒係薄切， juicy易咬，加上蕃茄粟米芝士等配料，整體都好好味。香草脆皮疏乎厘（ $128 ）甜品叫左佢遲起，因為即叫即焗，記得預留時間，份量都