喜來稀肉 (瓊華中心)

營業中

休息中

最喜歡的就是這裏的芝士蛋，在燒肉碟旁邊有普通的蛋漿、加了芝士的蛋漿和蒜片，三款都是無限添加的，店員又會定時幫忙換燒烤碟。在餐廳中間有個自助bar，可以拎生菜，泡菜配料等食材。【護心肉】是店裏最出名的食材，顧名思義就是在心臟附近的肌肉，質地燒烤過後比較彈牙爽口，豬肉味濃郁。【韓豚五花肉】有兩大片燒烤過後油脂味四溢，令人垂涎欲滴，差不多熟透的時候，剪開分成一片片，再沾些燒烤醬，十分惹味。【壹頭牛】有齊喜來烤肉、牛五花、牛頸、牛肋骨肉和調味牛排骨，絕對是必點菜式、份量亦夠三人分享，大滿足！【Santory】燒烤當然要喝一杯生啤酒。

𓊈喜來稀肉𓊉 以前最鍾意約埋三五知己一齊食，可以喺香港屹立咁多年，質素當然唔會低，7款前菜任食👍🏻 爐邊蛋仲有分普通款同埋芝士款，燒咗一段時間啲蛋都係咁嫩滑，仲可以𝐫𝐞𝐟𝐢𝐥𝐥架🫶🏼.❥ 韓豚五花肉 $𝟷𝟾𝟶◭ 推薦 ◮五花肉啲肥肉喺烤爐上燒到吱吱聲，望住佢溶化真係好療癒😂 我個人喜好鍾意燒到佢微焦，咬落去脆卜卜嘅外皮，加上油脂同肉汁滲出嚟，真係諗起都想再食🥹 真心推介你要食.如果覺得膩嘅，可以配埋生菜、前菜一齊食，≪連生菜都係無限𝐫𝐞𝐟𝐢𝐥𝐥㗎≫.❥ 真雪花牛肉 $𝟸𝟸𝟾油花分佈得好均勻，輕輕燒兩下，油香已經飄出嚟，口感柔軟而牛味濃郁.❥ 石鍋豬肉拌飯 $𝟾𝟻海量嘅紫菜鋪面，配埋太陽蛋同埋幾款韓式配菜，其實淨食燒肉已經好飽，呢個飯好適合食量大嘅你。

今日終於嚟到想食好耐嘅"喜來稀肉" 點解我會上嚟呢一間餐廳呢, 因為聽過好多朋友講都話好好食。今次我除咗叫牛護心肉、韓豚五花肉、特殊背花肉黎燒之外，仲嗌咗個豬肉湯同海鮮蔥餅黎試食。首先要講吓呢個餐廳嘅環境真係相當之大同靚，四人枱相當之闊落，服務亦都相當之好, 但係呢兩樣嘢已經值得比好高分呢間餐廳。先講講佢個牛護心，所謂嘅護心肉其實即係牛嘅橫隔膜。當中係含豐富的纖維，又略帶點油花嘅。而呢度嘅護心肉燒完之後肉質軟腍，牛肉味勁濃郁，仲帶點油脂嘅甘香，真係令人食唔停口。之後佢個韓豚五花肉，簡單啲講真係豬腩肉啦，呢間舖頭做得最出色嘅，就係因為佢真係好肥，唔怕食肥膩嘢嘅真係要嗌一碟你試吓，佢燒完油淋淋嘅口感喺你口入面充滿油脂嘅香味，真係一試難忘。題外話，如果燒耐啲兩邊更加香脆，脆卜卜口感一流。佢嘅特殊背花肉，就係豬嘅頸背肉，呢嚿肉相當之厚身，但燒落又唔會好軔，又重肉味，相較啱啱個五花肉就冇咁多油，唔想食咁肥嘅就可以嗌呢碟試吓啦。跟住就講吓啲熟食㗎啦，呢個豬肉湯呢一上到嚟呢心思思試咗一啖，的確係比較清嘅，所以呢佢都同時上咗一碟調味料俾我哋喎，我哋可以因應自己嘅口味去調教，跟住湯上個個辣醬私心講一句真

萬聖節嚟到，一入餐廳就見到侍應們都著晒唔同嘅cosplay，面帶親切微笑，為晚餐帶嚟一個好開始。坐低不久，侍應送上“血包”，儀式感十足。欣賞餐廳這點的用心，不單佈置、裝扮、還有這小小的心意- welcome drink！到這裡食韓燒，第一件事，去自助沙律區取前菜是常識吧！點了我喜歡的牛肋骨肉($150)、韓豚五花肉($180)，再加多個豬肉湯($120)同白飯。牛肋骨肉係必點之一，肥瘦適中、有均勻嘅雪花紋、肉味濃、有咬口。一邊燒一邊看到油脂溢出，十分療愈。入口滿滿嘅牛油香，配上一口白飯，好味到不得了。五花肉顏色好靚，睇落幾新鮮。鍾意大大件燒，熱力先封鎖肉汁，燒至金黃再剪細件，燒透均勻，同時迫出多餘嘅肥油，燒好點上韓式辣醬，加塊蒜片，夾在生菜同食。肉質爽彈、生菜鮮甜，食多幾塊都唔覺油膩。豬肉湯本身湯底十分清淡，只有韭菜香味及小小肉味，所以伴有調味料，鹽、辣醬、小蝦(?)，可按自己喜好調味。韭菜好好食，完全無渣；學埋韓國人湯撈飯食，個味好夾。

有好一段時間沒有吃韓式烤肉，今晚在旺角想起朋友介紹的這家喜來稀肉，於是來試試水準。餐廳空間寬敞，座位大多是卡位，可以坐得舒服慢慢食，而抽氣直接在燒烤爐的上方，所以食完亦不會太大味。餐廳主打韓式燒烤，有各式豬肉、牛肉可選擇，另外亦有其他韓式主食。有別其他韓式燒烤店，韓式前菜小碟採用自助型式，可以全部在自助區夾取，泡菜調味精準，一吃酸爽香口，十分開胃。入座後侍者馬上加入芝士烤蛋，記得要多烤一陣，底部的芝士會烤至微脆，加上烤蛋鬆軟的口感，一流。喜來烤肉 $158先點了一客招牌的喜來烤肉，採用牛板腱的部位，牛板腱厚薄得宜，牛肉炙燒過後，入口先有脂肪的油香，然後抿出香濃的牛肉味，配以生菜配料及烤肉醬同吃，十分滿足。韓豚五花肉 $180然後是韓式燒烤最正宗的韓豚五花肉，五花腩必須有肥有瘦，大火烤炙將油脂逼出，烤至肉酥皮脆，有肉汁豐盈，甘腴可口之妙，脂爽肉軟，滋味非凡。水冷麵 $95點了一客同樣是韓式燒烤不可式缺的水冷麵 ，冰涼的牛骨湯底，味道清爽酸香，而蕎麥麵口感彈牙煙韌，加入芥末汁同吃，味道更上一層樓。蟹籽紫菜飯團 $50蟹籽紫菜飯團附上手套，可以自行搓成飯團，輕蘸蛋黃醬同吃，先有紫菜及芝麻油的

第一次到呢間韓國過江龍燒肉店，環境極寬敞，每張枱之間更有屏風分開，約埋幾個朋友食飯傾計都不怕被人騷擾，空間感一流。食過多間燒肉店，有前菜自助吧，連生菜都係任拎，任食的真是第一次。韓國小菜都有6款之多: 辣泡菜、酸辣泡菜、荳芽、青瓜、䓤絲及酸蘿蔔，荳芽爽脆，酸蘿蔔酸甜開胃。咁多款當前菜食又得，用生菜包肉包埋入去一齊食都得，想食幾多就拎幾多，唔會好似其他地方咁生菜盤每份計錢。 而且爐邊仲放滿了蒜頭片及雞蛋，其中一邊仲加咗芝士，芝士滑蛋無得頂。 燒肉首選五花腩食燒肉，仲要生菜包肉，點一份五花肉是必然吧! 竟然係厚切五花，每層脂肪及肉的比例分明，燒烤時陣陣油香，而且爐灶烤肉十分平均，更可以均勻地將肉燒得焦脆可口，正! 牛護心肉燒肉我從來都不喜歡太薄身，這個牛護心肉少少厚度，咬下去才有口感，才能烤出焦脆的味道，雖然他的肉質並不是滑嫩的那種，但它的牛肉味很濃郁，用來燒烤的選這個很適合。 人蔘雞湯沙煲上，上台時依然滾燙著，成隻雞的份量，雞肉已煮得熟透，肉質入口即融的感覺，很容易咬，湯底清徹，淡淡的人參味，很順口，一邊燒肉一邊喝湯很解渴。