壹壹漁一 (已結業)

鋼牙小妹話佢琴晚去左打邊爐，挑起豬嘅邊爐癮，決定都去下佢所介紹嘅壹壹漁一。呢間鋪頭喺帝盛酒店2樓，同一般打邊爐一樣，有幾款唔同種類及價錢嘅牛肉揀，無限refill，飲品其他食材都係自助。不過唯一有d唔同嘅係，呢度環境真係酒店嘅感覺，舒適寧靜，少左火鍋餐廳嘅熱鬧感，但換黎一個非常乾淨衛生嘅環境。呢個酒櫃好靚火鍋放題，提供五款優質肉類選擇，有精選牛胸腹肉、頂級肩胛肥牛、澳洲M6和牛、日本黑毛和牛、鹿兒島豚肉，另外仲包埋牛舌心同精選豚肉，我地就要左個M6和牛試下，揀左個花膠雞湯底。湯底滾滾下，我地就出動睇下有咩食，都有幾十款鍋物配料可以自由夾，而啤酒汽水及Haagen-Dazs雪糕都係任飲任食，正👍花膠都算大塊同厚身（左手揸唔到筷子夾，影到好差😂😂），滑嫩中帶點爽口，不腥不燥，湯頭鮮甜，感覺幾滋潤。夾左d丸物，午餐肉，炸魚皮同響鈴，粒豬骨濃汁頁丸超正，彈牙又juicy。牛肉嘅質素高，我地除左試M6和牛亦都試左頂級肩胛肥牛，前者脂肪含量低，而且牛肉味都好濃，食好多都唔膩，後者質感厚實d,都香牛味，仲有牛舌心都好好味，我地前後都食左7，8碟牛肉，哈哈。雖然天氣唔夠凍，但打邊爐係要繼續嘅

壹壹漁一之前吃過，當時並沒有做火鍋放題，呢排天氣凍了很多，打邊爐就最好不過。今天放工便相約朋友一起去試一試。餐廳環境寧靜舒服，最啱就約三五知己圍埋打邊爐，詳談一番。有五個餐選擇，價錢會因牛嘅級數而不同，我們揀了澳洲M6和牛餐，🐮🐮亦可以追加價比餐價平的牛和豚肉。我地呢款亦包豚肉和牛舌心。我們選擇了花膠雞湯底，有一大片花膠，很滋補呢。今日海鮮係新鮮海蝦，其他配料選擇亦不錯，有鴨血，午餐肉，蟹柳，丸類，春卷，等等丸幾好味，juicy 又彈牙蔬菜吧嘅蔬菜亦有多款，有抗氧化的羽衣甘藍，營養豐富的秋葵。還有油麥菜，蟲草花等。粟米很清甜，必食。主角上場了首先來了兩碟和牛，牛肉嫩滑，牛味濃郁，沒有嚡口的感覺。牛舌心亦很不錯，坊間少有，食落帶點爽口，牛味濃，質感挺特別。精選豚肉亦很好味，和湯底味道非常夾。再來一碟肩胛肥牛，油花均勻，食落軟腍，牛味濃郁，很不錯。再點一個鹿兒島豚肉，個人喜歡精選豚肉多點飲品有各款汽水選擇，冇汽嘅亦有。打咗一個熱辣辣嘅邊爐，再食Häagen-Dazs雪糕，真係超級正。有四款口味，我總共食咗三球Häagen-Dazs雪糕呢，好滿足

近日天氣冷，打火鍋是例行公事，感覺暖笠笠，今天同朋友行開大角咀，順便去一間旺角帝盛酒店打火鍋，貪其價錢好大眾化，啱晒慳妹性格的我。選了吃澳洲M6和牛，288元一位，但系還可以點吃頂級肩胛肥牛，鹿兒島豚肉，一個價錢能吃到不同肉，有賺了。和牛賣相好吸引，脂肪比例平均，吃落好滑溜。肩胛肥牛，相對有咬口，肉味濃。豚肉肉質甜美沒有羶味。最驚喜是有時令海鮮，花甲，超新鮮，吃了很多，值回票價。還有其他食品，種類足夠，最後吃埋Haagen Dazs雪糕，日式焙茶，茶味香濃。