食得好

營業中

休息中

同事家住天后，提起屋企附近有家私房菜中餐廳，問我們有沒有興趣放工一起去試試，我同事大部分是為食鬼，即時已約好了10位為食鬼一起去試👻古早錦鹵雲吞：雲吞皮香脆鬆化，醬汁依足以前古老做法有肉、有青紅椒洋葱😻👍🏻蟹肉竹笙花膠羹：材料十足，有蟹肉、竹笙和花膠，好味😋食得好三寶（蝦多士、琵琶豆腐、鵝肝薄餅）：蝦多士香脆，蝦肉鮮味；琵琶豆腐也不錯；鵝肝薄餅鵝肝味濃厚👍🏻片皮鴨：皮脆肉嫰😋👍🏻順德煎釀鯪魚：好久沒有吃這手工菜，鯪魚肉鲜甜彈牙👍🏻生拆蟹肉炒大良奶：好多蟹肉，奶好滑溜😻整體不錯，同事果然好介紹😊

又是家人的中菜時間，聽說在天后有家隱世「富豪飯堂」，在OpenRice看到價錢亦非常親民，就決定帶家人一試。餐廳距離天后地鐵站需要至少10分鐘的路程，所以不易被發掘。打開門，就如入到豪宅內的飯廳，地方不大，只有數張圓桌，但由於樓底極高，所以空間感十足。豉油皇頂鴿 - 豉油汁像瑞士雞翼汁般甜，而且能夠做到完全入味，加上鴿肉嫩滑夠肉，絕對令人停不到口。大良鮮蝦蒸牛奶 - 平日大多吃蒸水蛋，蒸牛奶還是第一次吃，原來蒸牛奶撈飯更好吃。牛奶口感滑嫩無比，配上數隻爽口鮮蝦令整道菜不論賣相及口感更豐富。手剁鹹魚蒸肉餅 - 蒸肉餅這道家常小菜不過不失，肉餅滑得來不會太鬆散或太實，恰到好處。肉餅調味適中，鹹魚的存在更突顯肉香。香煎琵琶豆腐 - 外層煎得香脆，內裡軟滑，淡淡的豆腐充滿鮮味。順德煎釀鯪魚 - 記得很小很小的時候會常吃到這道菜，但近十年都好像沒有再見過，因為這條魚的做法實在太考功夫，沒有太多餐廳還做。這道「心思菜」能夠保持完整的魚型實在不易，而魚肉內有蝦米、臘腸等配料，令魚肉口感更豐富。住家豉油雞 -豉油汁與剛才的鴿類近，這隻住家豉油雞絕對讓人想起「媽媽的味道」，雞肉嫩滑入味，又是伴飯的良菜。

一直想找個地方與家人吃個特色中菜，但來來去去也是連鎖酒樓，有時候真的會令人氣餒…機緣巧合之下來到這家本來是老闆私人飯堂的菜館，感覺很有家的感覺，蠻舒服的。伙計說一定要點招牌菜豉油雞，好吧就試一試！超滑的雞肉配上鮮而不會過份咸的特製豉油汁，果然是招牌菜，吃得津津有味。同一家族的乳鴿同個醬汁超夾！肉質很嫩滑完全不會鞋身，不小心又吃多了幾舊。煎釀鯪魚宜家不是很多地方有得食，所以見到menu時是有點小驚喜，魚味非常重但好鮮，打到勁彈牙，外層又脆，吃了很多塊呢！大愛豆腐的我必點琵琶豆腐！脆脆的外層包住軟滑的豆腐，不得了！肉餅稍為可以再鬆軟一點，而且坊間整肉餅的地方太多很容易比下去，我覺得比平均好一點。大良蒸牛奶真的是第一次食！好新鮮！奶的幼滑感蒸出來比蛋漿更幼細，些少豉油調味已經可以送一整碗飯啦！這個絕對可以encore～重頭戲冬瓜盅！很久沒有吃，佢有2個size，大既 ＄480，細既＄380，聽聞要預訂既，今次我地訂左個大size，其實湯最緊要無味精，這裡做得好好，冬瓜亦軟稔清甜，夏天消暑必備～尾盤當然要來點勁的！人家食干燒伊麵，我地食豉椒牛米～佢係脆底米粉，非常入味～牛亦很嫩不會硬，雖然好飽

傳統手工菜，老豆話依家好多地方都開始冇得食。以前邊到邊到，好好味好正，作為年青人既我，又點會食過。不過早排朋友介紹去左，呢間食得好，食到d平時出面冇得食既手工菜，而且價錢又唔會太貴，算係驚喜之作。傳統迷你蝦多士 - $45：香脆厚多士，蝦膠彈牙爽口，份量都好多，配上鬆化多士，唔會太油膩花膠燴蛇羹 - $138：以前細個冬天成日食，不過依家都好少酒樓有。呢到有燴蛇羹食，仲要加埋花膠滋補下，花膠燴蛇羹湯料好多，食完之後成個人暖笠笠，啱晒冬天食。家傳豆腐盒 - $88：好得意既菜式，用淘空的豆腐，裝住好多切成粒粒的肉丁，加入少少密製醬油，用黎伴飯一流順德煎釀鯪魚 - $168：因為工序繁，好多餐廳都唔整，今次呢到既煎釀鯪魚一d都唔腥，而且冇乜骨碎，可牏放心大咬！

食得招積住得舒適 係香港要食得招積 唔係難事 不過好多手工菜式 因為工序煩複 好多餐廳都唔再整 -- 今次就去左 天后食得好 一次過食到好多款 外間較少有既手工菜式 食餐招積家常菜 -- 以位置來說 食得好既位置確係餐廳不足之處 係兩個地鐵站之間 而且都有少少距離 -- - 小食 - \\ 香煎鵝肝薄餅 - $198 食中菜好少會有煎鵝肝食 鵝肝夾住中式薄餅 鵝肝煎得剛好 唔會太熟 而且中式薄餅吸收左鵝肝 油香充足 食多件都唔會太油膩 -- - 老爸最愛之選 - 呢到一次過有齊兩樣老爸的致愛 \\ 古法羊腩煲 - $298 有好多腐皮、馬蹄配料 羊腩忟得好入味 但唔會一夾就散 有骨位&肉位 啱晒唔同人既選擇 -- \\ 柚子扣肉 - $138 平時多數食 都係梅菜扣肉 -- 柚子皮都係第一次食 柚子皮係一味手工菜 都要經過好多功夫 先可以製好 -- 食落左少少似冬瓜肉 不過就較為有咬口 -- 扣肉都唔會 配埋較濃味既扣肉 扣肉入口即容 好入味之餘 唔會太油膩

呢幾日終於感受到真正既凍，仲要落埋雨，凍上加凍。講番食野，選擇真係小左好多，因為凍野已經唔係咁想食。反而想食d會暖身既食物。今晚同朋友去左天后食晚飯。餐廳其實都幾細間，如果唔早預約真係有機會冇位。餐廳都好多小菜選擇，呢個天氣又特別提供蛇羹同埋羊腩煲，真係岩晒我既需要。香煎鵝肝薄餅  $198鵝肝薄餅比起一般配多士既食法新鮮，將鵝肝切細再放在薄餅中間，香口既薄餅加上鵝肝的配搭幾好，食落唔會覺得溜。花膠燴蛇羹  $138天氣凍又係食蛇羹既時候，呢度既蛇羹比起出面"蛇王x"系列更出色，裡面好多蛇肉而且味道濃，提供既配料亦絕不吝嗇。食完蛇羹當堂暖晒。古法羊腩煲  $298羊腩煲係開火後已傳來陣陣羊香，裡面既羊腩啖啖肉，即使骨既部分都只佔好少。枝竹同埋馬蹄當然唔少得，越浸得耐越入味，仲有生菜送埋。外面咁凍，而家打定底岩晒。柚子扣肉  $138柚子扣肉比我既感覺好似天使與魔鬼：柚子比人健康的感覺，而扣肉就比人邪惡的感覺。將柚子整成柚子蓉既狀態再附上扣肉，可以食到扣肉豐富既口感而又緩減左扣肉溜既感覺。生拆蟹肉炒大良奶  $128蟹肉拆得乾淨冇榖，炒大良奶火喉好好，未食已經聞到香味十足，入口好滑，冇太

朋友推薦一間位於天后, 以經營懷舊菜式, 心機手工菜的順德派別餐廳 - 食得好。 手工粵菜近年再度流行, 年青的也想拜會一下這些昔日古早味道。 門面驟眼看還以為是酒吧, 推門而進卻是另一情調。 室內懸垂的水晶吊燈, 裝潢都彌漫私房菜格局的氣息。回憶中的時光通常是最美好的, 所以古早味道的追求, 看來多以年齡層較大的人士鍾情。 既然是為古早味而來, 選擇了傳統手工菜。 香煎鵝肝薄餅 $198將西式食材融入中式烹調方法中。 中式薄餅非常酥脆, 中間釀入的芝士鹹香味沒有蓋過鵝肝味道, 滲透陣陣鵝酥香, 咬下沒有過多油份溢出, 不錯的中西合璧前菜。 傳統迷你蝦多士 $45/件剛炸起熱騰騰的懷舊菜式, 蝦多士炸得金黃, 釀於中間的開邊蝦彈牙爽口, 多士酥脆非常, 同樣油份不多, 夠乾身, 入口香脆好食。 柚子扣肉 $138燜柚皮確是功夫多, 不算簡易的菜式, 幾乎要到主打手工菜的食店才可品嚐到那近乎絕跡的古早味, 而這裡的燜柚子就跟扣肉搭上。 柚皮煮得非常腍軟, 入口即溶, 散發微微的柚皮清香, 沒有一絲的苦澀, 調味亦滲透於柚皮之中, 不過略嫌帶點渣, 稍稍影響

天后一帶是有名的美食區，各式各樣的食肆臨立，有時候在煩惱吃甚麼的時候，也會到天后隨意閒蕩，看看有什麼「走漏眼」的餐廳。是晚由興發街往前走，果然發現了一間不太顯眼的中菜館「食得好」。餐廳位處的角落人流不算暢旺，網評曝光率也不多。從門外餐牌可見，餐廳主打傳統中式美食，定價合理，與友人商討後決定試試。 未知是否時間尚早，店內還未有食客進駐。餐廳裝潢簡單，以中式風格為主。從牆上多幅畫作可見，店主應是一個跑車迷。是日晚餐以兩道香口小吃作始。香煎鵝肝薄餅 ($198) 顯然不是傳統佳餚，當中揉合中西菜的特色。薄皮做得相當酥化，夾層芝士鵝肝亦很濃香。細意品嚐，鵝肝油份被迫出的一刻是最搶味的享受。懷舊錦鹵雲吞 ($35) 是筆者十分喜愛的小吃。今時今日出外用膳，錦鹵雲吞多已變成普通炸(春卷皮)雲吞，失了風味。望著傳統的「豆皮」炸雲吞，反而予人一份親切期待感。一如剛剛的薄餅，雲吞同樣是即點即炸，黃金外觀表示炸煮時間及油溫剛好，製作脆薄。配上的甜酸汁是菜式的另一靈魂，溫熱的，味道調較醒胃。配料選材大路，份量豐富。 秋意漸濃，傳統的時令食品當然不少得蛇羹及羊腩煲這兩個孖寶。花膠燴蛇羹 ($138)