影片
更多
2018-03-09
3511 瀏覽
生日五蛋既第三隻蛋， 懶人後補Post👅呢間餐廳今年拎咗米芝蓮三星，既然係三星，當然要嚟感受下點解仲勁過咁多酒店入面既餐廳啦！食物：❤❤❤❤️食物嚟講，種類都幾多，麵包都送兩次(圖1左下右下)，而且夠熱又夠脆，叫咗兩個套餐。圖1左上既係魚子醬下面果塊應該係象拔蚌嚟，都幾夾。右上果個係黑松露Mousse，都幾香既。中下係36個月既Parma ham包住一粒麵包仔，都幾好味，特別過包蜜瓜。圖2左下係頭盤，龍蝦嚟，新鮮彈牙，唔錯。中下係個面切咗啲黑松露片既忌廉芝士意粉，幾好。左上右上係主菜，左牛柳同感覺似牛舌既，張相差啲其實係兩粒正方形既野，味道唔算特別好食，正常。右上係羊架，份量少啲，不過真係好嫩滑，我覺得幾好味。圖3全部都係包咗同埋送既甜品，左面上面果兩碟迷你既都幾特別，另外果碟係蘋果撻嚟，好味，白色既係了結糖，普通。中右係本身餐既正常甜品，朱古力為主有埋雪糕，我無食，朋友話好味。我既甜品就係圖4有Happy birthday同蠟燭既橙味雪芭同Mousse，清唔會膩，幾好。份量：❤❤❤❤每樣都點到即止，雖然每樣份量都好細，但Keep 住食無停過都幾飽。環境：❤❤❤❤❤️好舒服，好多大枱，估唔
呢間餐廳今年拎咗米芝蓮三星，既然係三星，當然要嚟感受下點解仲勁過咁多酒店入面既餐廳啦！
食物：❤❤❤❤️
食物嚟講，種類都幾多，麵包都送兩次(圖1左下右下)，而且夠熱又夠脆，叫咗兩個套餐。
圖1左上既係魚子醬下面果塊應該係象拔蚌嚟，都幾夾。
右上果個係黑松露Mousse，都幾香既。
中下係36個月既Parma ham包住一粒麵包仔，都幾好味，特別過包蜜瓜。
圖2左下係頭盤，龍蝦嚟，新鮮彈牙，唔錯。
中下係個面切咗啲黑松露片既忌廉芝士意粉，幾好。
左上右上係主菜，左牛柳同感覺似牛舌既，張相差啲其實係兩粒正方形既野，味道唔算特別好食，正常。
右上係羊架，份量少啲，不過真係好嫩滑，我覺得幾好味。
圖3全部都係包咗同埋送既甜品，左面上面果兩碟迷你既都幾特別，另外果碟係蘋果撻嚟，好味，白色既係了結糖，普通。
中右係本身餐既正常甜品，朱古力為主有埋雪糕，我無食，朋友話好味。
我既甜品就係圖4有Happy birthday同蠟燭既橙味雪芭同Mousse，清唔會膩，幾好。
份量：❤❤❤❤
每樣都點到即止，雖然每樣份量都好細，但Keep 住食無停過都幾飽。
環境：❤❤❤❤❤️
好舒服，好多大枱，估唔到平日夜晚都可以坐滿人，但每個位都唔細，而且燈光幾好，唔會太暗。另外我諗其實呢間野拎到三星可能因為好多外國人幫襯，其實一入門口有個Area係成間Bar咁，再入先係餐廳，估唔到間Bar 6點9已經好多人飲緊野，反而餐廳少人，到8點先開始滿座。
抵食：❤❤️
其實我對每樣野評價都幾高既，不過米芝蓮三星當然唔會平得去邊啦，但我覺得特別節日嚟慶祝係OK既，都值得嚟試下。
服務：❤❤❤❤
餐廳既服務員好多，基本上你唔洗遞手，用眼一望已經見到好快有服務員望到你，而且好快過嚟協助，少咗一個心心係因為佢無架比我掛起件褸啫，因為冬天所以入去果陣都有件大褸，可惜要就咁掛係張櫈到，除咗呢樣其他都好完美。
#ottoemezzo #ottoemezzobombana #ottoemezzohk #foodie #foodies #hkfoodies #hkfoodie #hkfoodieyiki #centralhk #centralhongkong #alexandrahouse #alexandrahousehk
頭盤
81 瀏覽
1 讚好
0 留言
主菜
94 瀏覽
0 讚好
0 留言
甜品
85 瀏覽
0 讚好
0 留言
生日甜品
84 瀏覽
0 讚好
0 留言
張貼
