麺屋こころ (軒尼詩道)

營業中

休息中

配熱湯的日式拉麵、沾麵、烏冬在香港十分常見，位於灣仔的日本過江龍「麺屋こころ Kokoro Mazesoba」卻是主打沒有任何湯底的日式撈麵，更曾獲得全日本最佳 Mazesoba大獎。店內裝潢走日系簡約清新風格，以白色及木系為主調，散發濃濃和風。有別於一般傳統拉麵店，還設有卡位，坐得更舒適。牆上掛著日本書道家万美 ( Mami )作品，以「仁、義、禮、智、信」為題，餐牌選擇不多，主打八款撈麵、一款拉麵和數款小食，麵食有M和L兩個份量可供選擇，採用了日本配方，保證原汁原味本土風味。正宗全料東京撈麵 $109鎮店招牌拌麵材料豐盛，12種食材包括叉燒、溫泉蛋、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉及小麥麵，大大碗超有飽足感。叉燒經過簡單火炙後帶焦香，脂香滿瀉，肉質軟嫩不死實，拌勻撈麵後味道香辣濃郁，刺激味蕾。香港分店秉承東京店的傳統，每天在店內自家新鮮手工製造麵條，使用優質全麥麵粉，並以日本淨水器確保水質，和坊間拉麵最大的分別就是彈性中帶點煙韌的麵質，吃起來富有淡淡的麥香。柚子鹽味撈麵 $89香港店獨家限定款式相對較清新，將雞肉、溫泉蛋、蔥花、紫菜碎、水菜、竹筍、唐辛子絲

麺屋こころ主打撈麵（まぜそば）- 強調並唔係傳統日式拉麵或沾麵‼️ 店家拉麵靈感源自台灣乾拌麵，其中一大賣點係自家新鮮手製粗身太麵🌟 麵條使用日本配方，以優質全麥麵粉製作，麵條不但帶有麥香味，更煙靭彈牙，非常掛汁🥰 配上自家醬油、香油，再加入肉燥、大蔥、韭菜、海苔、滷五花肉、流心蛋等配料拌勻，味道香口惹味🤤🤤最近仲推出全新麻辣口味🌶️🌶️ 其中一款仲有我最愛嘅白子🥹 不過可惜當日買晒試唔到🥲 不過食咗另外兩款人氣撈麵，好正🤤店家仲有提供參考食法😆【東京撈麵食法四部曲】1️⃣ 將醬料攪拌均勻2️⃣ 享用三分一後，添加黑胡椒3️⃣ 享用三分二後，添加KOKORO秘製香醋4️⃣ 吃完撈麵後，可免費加入白飯，並攪拌成肉燥飯🔸• 正宗全料東京撈麵 (𝗠) $𝟵𝟵包含𝟭𝟮種新鮮食材: 日式慢燉叉燒、肉燥、鯖魚粉、生蛋黃、溏心蛋、紫菜、青蔥、韭菜、竹筍、蒜末等，十分足料🌟🔸• 咖喱炸雞撈麵 (𝗠) $𝟴𝟵咖喱撈麵更加惹味🥘🍛🔥 炸雞配上帶些少微辣嘅日式咖喱，味道香濃，最後撈啖飯食仲正🤤🍚🔸• 單骨香脆雞翼 $𝟯𝟲雞翼外皮炸得香脆，唔錯👍🏻🔸• 餃子 $𝟯𝟲餃子煎到金黃色，餡料juicy💛🔸• 抹茶入玄米茶 $𝟯𝟮茶葉採自

早排準時放工，約同事黎食飯，仲趕得切下午茶(3-6pm)😋。$59有麵+小食都唔算貴，雖然係tea set不過份量都唔少👍🏻。🔅原味東京撈麵 ($59)麵條偏粗、硬身，掛到汁。配上蒜末、蔥同紫菜去撈所以好香，加埋蛋同辣肉燥做個汁去撈真係好正🤤。食到一半再加黑椒就有另一種風味，啱晒重口味人士。食完麵仲可以free加少少白飯撈汁😋。🔅鹽味撈麵 ($59)鹽味撈麵就配料多啲😝，有筍同叉燒粒。食落無原味咁重口，主要都係魚粉味，加埋水菜同蔥味幾香。🔅炸雞球日式炸雞，都算大件，炸得啱啱好，有肉汁😝。🔅餃子煎得幾香幾juicy 😋，都係好日式既煎餃。🔅手作焙茶Latte ($36)焙茶味極濃，好香滑，不過記得飲之前要先搖勻🖖🏻。🔅Cold brew ($36)💬第二次食水準都keep到水準，日本過江龍質素果然有保證👍🏻。Tea set份量更啱女仔食😝，價錢都相對抵食😚。

店家主打東京撈麵，同傳統嘅拉麵同埋沾麵唔同，用咗自家研發嘅肉燥、獨門秘方製成嘅醬汁，自家手製太麵，配搭用心。今次weekend 經過唔使排隊，就入咗去食下午茶，下午茶set $59包100g撈麵，以及小食一款，非常抵食，今次就試咗最classic原味東京撈麵、鹽味撈麵。仲另外加左樽裝日本手作飲品焙茶Latte同埋抹茶玄米茶。原味東京撈麵有建議嘅食法 - 先將醬料撈勻，食咗三分之一之後加入黑胡椒，食咗三分之二之後，加入秘製香醋，食完麵之後可以加入白飯，mix埋之後就變咗肉燥飯。小麥麵粗身而且非常彈牙爽口，秘製醬汁加入咗黑椒同埋香醋之後更富層次感，配料十足，有生雞蛋、辣肉碎、蔥花、紫菜碎、生蒜、魚粉等等，口感豐富。鹽味撈麵配料有叉燒、蔥花、紫菜碎、水菜、竹荀、唐辛子絲、生蒜、魚粉，叉燒粒肉嫩非常淋身，有少許咸香味。樽裝日本手作飲品焙茶Latte口感濃郁滑順，富有優雅細緻的茶香；抹茶玄米茶呈鮮艷的綠色，結合左抹茶的甘味與煎茶的苦澀味，味道芳香，飲品好高質。

拉麵沾麵都食唔少，但係真係未試過食呢個日式撈麵，我對撈麵嘅印象仲係以前五蚊七仔撈麵，營多撈麵真係稱得上世界十大發明，應該頒發個諾貝爾獎俾發明營多嘅人。講返間餐廳，喺修頓附近，大快活隔離，一間橙色一間白色好明顯，一眼就應該揾得到餐廳。第一次食就試返啲正路嘢，所以好冇冒險精神咁要咗個正宗全料撈麵算，另外因爲肚餓就順便叫晒佢兩款小食試埋。正宗撈麵嘅材料我懶得介紹，自己識字睇圖啦。個麵到咗之後職員會同你講店舖嘅建議食法，分開四part，先撈勻就咁食三份一，加點椒食多三份一，然後落佢哋嘅自制香醋食埋嗰三份一，留一啖可以加飯撈埋剩低嘅醬汁。個麵辣辣哋不過好惹味，而且同其他嘅材料相當夾。咁一個專業嘅食評係咪應該有碗麵撈完同埋加咗飯之後嘅相？我喺喥答你我唔係一個專業嘅打手，你要睇靚相你睇錯食評，睇返嗰啲收咗錢嘅食評啦。小食方面有炸雞同餃子，炸雞不過不失，餃子比較特別啲，係蒸餃而唔係煎餃，呢樣比較少見。埋單冇加一，第一次食日式撈麵，整體感覺幾好，餐廳亦都好光猛同乾淨，唯一係個肉碎有少少辣味，唔食得辣嘅人未必頂得到，如果可以選擇辣嘅程度會好啲。

麺屋こころ 🍜 柚子鹽味撈麵(s)+餃子+烏龍茶($59) 8/10拉麵就食得多，今次兩個飯碗第一次試日式撈麵，口感好特別🤣 成碗麵有好多料，有雞肉、洋蔥、生雞蛋、紫菜碎🤰🏻本身以為食落會酸甜酸甜，點知原來佢係行清新路線。整體黎講柚子味好出好香，好似輕輕加咗檸檬汁咁🍋亦都會食到淡淡嘅鹽味，佢個種鹽味又唔係死鹹，就係少少調下味🤏餐廳冇得揀麵質，佢本身手工麵，麵質偏硬身同有彈性，幾特別👍🏻 Btw 一定要讚下嘅間餐廳啲慢煮雞肉，睇相都知滑捋捋，100分✅餐廳有guideline 介紹啲麵食咗1/3之後可以加黑椒，食完2/3之後可以加秘制醋，兩樣加完之後口感再豐富，特別係啲醋成碗麵sharp醒哂✨另外小食餃子🥟好好味，keep到脆口同juicy 🤤💕叉燒迷你丼(+$19) 8.5/10叉燒又係100分，好滑好嫩，少少鹹撈埋雞蛋一齊，餸飯一流😋Extra comment🖍•下午茶係三點開始，同場仲有得揀原味東京撈麵同鹽味撈麵，都係59蚊包一款小食，小食可以揀炸雞球同炸單邊雞翼🍗