影片
更多
2020-12-10
1478 瀏覽
今次就黎到朗廷staycation，最主要原因就係一定係佢餐免費既三星米芝蓮，因為住套房，都有成$3500 dining credit可以用，係入住之前，我都曾經糾結過，將dinning credit一炮過用晒落唐閣，定分開兩間餐廳用好呢，後尾都決定係揀左第二日食埋bostonian個sunday brnuch，個價錢就大約千五蚊，所以今晚係唐閣即係可以拎兩千蚊黎食飯，不過講真頭先係lounge都食左d野，兩千蚊就已經係夠做。唐閣位於酒店一樓，坐升降機一出lift轉左就係，不過門口接待員見我地影相，就話係另一邊扶手電梯有個招牌可以打卡影相。一入門口就見到龍景軒無放出黎既米芝蓮獎狀，咁唐閣曾經都只係米芝蓮二星餐廳，得到左三星拎出黎哂下我覺得可以接受。獎狀格離擺左一車茶葉，不過唐閣好似係無侍茶師既，硬係覺得樣樣都好似被龍景軒比下去咁。門口邊仲放左一排筷子，感覺都算係走比較宮廷古典式既設計。唐閣有兩層，我地坐下層，上層無去過就唔知咩環境了。我地果位就係下層既最入面果張檯，望落去呢邊兩張檯應該可以獨立成一個私人空間，頭頂既燈飾都係出面無既。六點九原來都算早，外面都只係得一兩檯客，靜得可怕，我本
最主要原因就係一定係佢餐免費既三星米芝蓮，
因為住套房，
都有成$3500 dining credit可以用，
係入住之前，
我都曾經糾結過，
將dinning credit一炮過用晒落唐閣，
定分開兩間餐廳用好呢，
後尾都決定係揀左第二日食埋bostonian個sunday brnuch，
個價錢就大約千五蚊，
所以今晚係唐閣即係可以拎兩千蚊黎食飯，
不過講真頭先係lounge都食左d野，
兩千蚊就已經係夠做。
唐閣位於酒店一樓，
坐升降機一出lift轉左就係，
不過門口接待員見我地影相，
就話係另一邊扶手電梯有個招牌可以打卡影相。
一入門口就見到龍景軒無放出黎既米芝蓮獎狀，
咁唐閣曾經都只係米芝蓮二星餐廳，
得到左三星拎出黎哂下我覺得可以接受。
獎狀格離擺左一車茶葉，
不過唐閣好似係無侍茶師既，
硬係覺得樣樣都好似被龍景軒比下去咁。
門口邊仲放左一排筷子，
感覺都算係走比較宮廷古典式既設計。
唐閣有兩層，
我地坐下層，
上層無去過就唔知咩環境了。
我地果位就係下層既最入面果張檯，
望落去呢邊兩張檯應該可以獨立成一個私人空間，
頭頂既燈飾都係出面無既。
六點九原來都算早，
外面都只係得一兩檯客，
靜得可怕，
我本來以為可能呢度太貴星期六晚都無乜人，
不過到左七點幾都差唔多full晒了。
餐臺，
每人兩對筷子，
開左壺茶，
放太遠，
今次全程都係侍應斟水，
咁原本就預左要收兩個茶錢，
不過女朋友想飲水，
就開多左壺熱水，
結果埋單果時係有收熱水廿蚊既，
本身見到熱水要收費都真係覺得幾難睇，
但又見到原來茶錢只係收左一位，
成件事都好神奇。
餐牌入面都係官網可以見到果d，
不過網上個menu就唔知點解死都無甜品呢一項，
諗左好耐最後都係決定叫一份六道菜既tasting menu，
另外加左三樣單點，
蜜汁餞叉燒，
唐閣寶盒飯，
同埋迷你蛋撻。
有睇其他youtuber會見到，
係呢類高級中菜廳既點心份量係可加可減既，
價錢都係以份量計，
但係唐閣就無呢支歌仔唱，
即係三件蛋撻就係三件，
無得改兩件，
而叉燒亦都無得要半份，
要兩個人硬食一例叉燒，
我覺得係呢方面都真係幾差下。
落完單會放左個餐牌係臺面，
即係好多中菜廳個套餐呢，
其實中間實有一兩款係會唔岩食既，
但唐閣呢個set望落去就已經好吸引，
有招牌蟹蓋，
有官燕，
有龍蝦，
仲有和牛，
如果個主糧可以改成另一個餐廳招牌既寶盒飯就更加完美，
而呢個Set盛惠1280，
都仲平過龍景軒套餐，
唐閣另外仲有個貴d既一人set，
有叉燒有寶盒飯，
不過就無左蟹蓋，
所以都係叫番呢個tasting menu比較好。
一開始係送既開胃菜，
呢樣野龍景軒反而無，
餐前小食
36 瀏覽
2 讚好
0 留言
木耳青瓜炸蝦，
女朋友今日唔食貝殼類野，
所以份蝦比埋我。
三色醬，
最右面果款話係素整成既。
先上既係叉燒，
蜜汁餞叉燒
$300
42 瀏覽
0 讚好
0 留言
上一次係龍景軒無試到，
今次唐閣終於有叫，
唐閣並無其他中菜廳咁標榜自己用黑毛豬，
食落幾甜同好淋，
不過十件價值三舊水，
即係平均每一件都已經足夠買到盒叉燒飯，
而且每人五大件真係太膩，
所以話如果可以揀半份每人兩三件就好好多。
之前都有諗過套餐加散叫會點樣上檯呢，
結果係上完叉燒一陣之後，
亦都上埋個蟹蓋，
釀焗鮮蟹蓋
41 瀏覽
1 讚好
0 留言
由於我地係兩個人share一隻蟹蓋，
佢show完比你影相之後仲會有分蟹蓋呢個環節，
不過女朋友今日唔食貝殼類，
所以唔洗分，
焗蟹蓋可以話係唐閣鎮店之寶，
如果單叫都只係210，
比好多餐廳都平，
食落去係好鮮蟹味，
仲啖啖肉，
係滿意既，
但又無種好驚艷既感覺，
可能真係期望得太高。
雞煲官燕，
海味雞煲官燕
47 瀏覽
0 讚好
0 留言
大大碗，
夠晒兩個人share，
海味雞煲官燕
30 瀏覽
0 讚好
0 留言
係多料，
但就唔太食到有燕窩。
有時菜同菜中間等太耐，
無無聊聊睇下個杯邊都多塗，
應該都用左好一段時間。
之後就換左刀刀叉叉，
迎接下一度開邊龍蝦，
黃金焗開邊龍蝦
45 瀏覽
0 讚好
0 留言
呢個set算係幾抵食，
講緊每道菜單點都要幾舊水落樓，
本身有諗過全部單點試埋佢另一道招牌三蔥爆龍蝦，
但對我地黎講應該會太多，
而且過千蚊一份亦都太貴啦。
海鮮類主菜之後就係肉類主菜，
燒汁茭旬日本和牛粒
33 瀏覽
0 讚好
0 留言
和牛粒基本上同係龍景軒果碟一模一樣，
係差在配菜唔同，
我自己覺得，
呢碟就好過龍景軒少少，
肉味比較豐富。
主糧打孖一齊上，
鮑汁吉濱鮮鮑炆麵
48 瀏覽
0 讚好
0 留言
唐閣寶盒飯
$160
40 瀏覽
0 讚好
0 留言
飽汁炆麵同寶盒飯，
飽魚一般，
但炆麵幾爽口，
最後寶盒飯都係另一樣我幾期待既，
本身係比鐵蟹裝飾吸引到，
後尾發現好多中菜廳會用黎放蟹蓋，
而唐閣就用黎放海鮮飯，
市井d講，
其實我覺得真係好似茶記焗海鮮飯，
不過茶餐廳講緊都要六七十蚊一個，
而呢度又用左唔少蟹肉，
都只係一倍價錢其實我都覺得可以接受了。
甜品方面佢地就無送任何野了，
木糠忌廉凍豆腐布甸配精美甜點
32 瀏覽
0 讚好
0 留言
迷你蛋撻
36 瀏覽
0 讚好
0 留言
木糠豆腐布甸，
梨型紅豆糕，
桂花糕，
同埋另叫既三件蛋撻，
木糠布甸好滑好好食，
其他都一般般。
因為大部份都係我食晒所以都幾飽，
都係果句，
零房價黎食呢餐我都覺得係超值既，
驚唔夠食又可以上lounge打定個底先，
之前酒店仲有出過醫護半價優惠我覺得都算係有良心了。
順便參觀埋個廁所，
係毫無特別既，
後來發覺無論係food gallery又好，
bostonian又好，
個廁所都係一模一樣既，
我估餐廳間隔都係差唔多，
因為food gallery就係正唐閣下面，
望得到廁所位置都一樣。
經過精算師計算，
tasting menu加三樣單點埋單2k多少少，
加埋聽日果餐最後都係補番幾十蚊就搞掂，
都係睇番張單先知佢淨係收左一位茶錢，
另一位收熱水錢。
6點9食到9點4，
六道菜都食左兩個半鐘，
一個set share再單點幾樣，
可以試到更多招牌菜，
之後有機會去其他餐廳都會試下再咁樣叫，
不過都有d set係要二人起跳既。
睇左唔少食評，
好多人都話唐閣係稱唔上三粒星，
我自己都算滿意呢一餐既，
起碼食物黎講岩口味過龍景軒，
不過餐廳格局既話的而且確係龍景軒比較優秀，
侍應亦都比較貼心，
而且唐閣同朗廷都有著同一樣既劣勢，
就係毫無景觀可言，
咁值唔值都係見人見智，
如果要拎caprice黎做標準就一定唔值了。
張貼
