Mini Club (已結業)

呢間超級推薦👍🏻食物又好味、環境又很好！三五好友相約一起relax十分好兩個人叫左以下食物同飲品🍹🔶炸薯條配車打芝士 $68炸都好脆好脆，又大份唔會唔夠飽，配埋車打芝士一流🔶香烤蜜糖雞翼 $78有8隻超多😋而且不會烤到太乾，隻隻都有蜜糖味🔶松葉蟹鉗明太子忌廉意粉 $138啖啖蟹肉，明太子有點咸，不過都正常！🔶Pink  Eruption $118有baileys係入面，好甜，完全唔覺飲緊酒！女士唔飲得酒可以試呢杯😌🔶Einstein $118呢個重啲酒精味，因為有Vodka但中間都有淡淡的荔枝香味我覺得不飲酒的人都會接受到！ 🔶The  Princes  and  the  strawberry $88份量少左啲，不過個格餅是脆脆的，都很好味總括，超級推薦！同朋友去relax happy一流！

今日放工同友人去左銅鑼灣這間好chill的餐廳食飯，環境好有格調，坐得舒適。佢的餐牌係用iPad，俾人的感覺都幾得意。同埋佢會不斷fill花生俾我地。我地點左蜜糖雞翼、薯條同明太子意粉作主食。同埋餐廳做緊一款Strawberry Bailey的promotion，所以我地都試下佢用這款bailey做的cocktail。先講個雞翼，烤得岩岩好，雞肉唔會太老，非常嫩滑，而雞皮亦都唔硬身，入口即溶，蜜糖都好出。相比之下，薯條就冇咁有驚喜，車打芝士醬唔係非常芝士，不過薯條表皮脆，入面有薯肉，都係好食的。個明太子意粉整得唔膩，廚師冇落蒜，整體係甜味多少少的，口感creamy，而且成個蟹鉗都有蟹肉，肉食落唔散，蟹味都好重。而我地點的兩杯cocktail酒味唔濃，Frozen Elsa飲落比較似奶昔，而Swann Lake本身飲的話有少少似藥水，但加左士多啤梨醬就水果味出啲，好飲啲。最後我地仲叫左一個甜品Strawberry Blossom，其實係士多啤梨慕絲，都係用Strawberry Bailey做的，這個的酒味就濃啲。

睇中咗呢間餐廳好耐，因為餐廳裡面係有一大個反轉嘅鐵塔㗎🗼而且仲要係shocking pink嘅，超正～首先必須要澄清返，呢個甜品塔我係無食到嘅，只係waiter上錯咗，一嚟就叫我ready影相拍片，我都未反應得切，佢就開始吞雲吐霧了🤯 影完事後當然無食到，物歸原主了😂講返我自己叫嘅嘢先，Swann Lake $118，呢杯係佢哋Strawberries & Cream系列嘅cocktail，入面有Strawberry Baileys，如果覺得唔夠甜，仲附有糖漿畀你自己調節甜度，我就覺得唔駛落都剛剛好👍🏻友人叫了Mint Punch $68 呢杯係無酒精嘅，甜甜哋帶點清新～香烤蜜糖雞翼 $78 有8隻，每隻都好飽滿咁，厚肉，而且帶有蜜糖味好香😋炸薯條配車打芝士醬 $68 呢個比較一般，薯條似翻炸，好重油膩感，又唔脆🙁松葉蟹鉗明太子忌廉意粉 $138 忌廉夠滑溜，明太子為意粉添上鮮味，整體唔錯。The Princess and The Strawberry $88 撇除窩夫淋咗之外😖，都算滿意，但價錢略貴。需加一服務費，計埋nuts fee，埋單2人約$640。如果你鍾意睇我嘅食評，不妨關

在粉紅巴黎鐵塔下共進晚餐，的確很浪漫。這間餐廳位於銅鑼灣地鐵站駱克駅一樓，的確很適合放工一族或情侶到此happy hour 或dinner。提供Nuts 供應10蚊同嗰啲免費嘢唔同，呢個花生夠脆口這裏的cocktail 非常特別，有很多不同主題的signature cocktail 我供選擇。最特別的莫過於 「What the duck 」$118有一隻可愛的小鴨子坐在迷你浴缸上，迷你浴缸上更有爆炸糖，仲有好多泡泡係上面，可一同放入cocktail內飲用。味道就係「Green apple , kiwi , pineapple , cranberry,grenadine 」混合，味道容易入口，打卡必點！另一杯係士多啤梨新款特飲$118裏面有鹹炮谷、威化餅、朱古力花生碎、大大舊鮮甜士多啤梨係裏面，唔會似溝糖水，女生飲多幾杯都唔怕肥！車打芝士薯條薯條條條都咁粗咁長，再加上秘製車打芝士醬，非常濃郁，加上薯條即叫即炸，脆口！香烤蜜糖雞翼雞翼肉質非常滑，蜜糖味濃，好多隻，抵食！蟹鉗明太子忌廉意粉個碟好靚，加上大大隻蟹鉗，蟹肉鮮甜，食唔夠喉下次再黎叫多個海鮮拼盤先得！明太子又足！餐廳仲做緊$9一隻生

呢間cafe位置雖然唔顯眼 但亦都容易揾， 昏暗氣氛 浪漫嘅燈光 小小嘅店舖 充满迷你法式風情，非常適合談心嘅好地方，巴黎鐵塔下係熱愛影相嘅女神們必打卡嘅熱點 滿足你嘅少女心。

相信大家約會成日諗爆頭去邊到食，今次幫大家搵到間幾有FEEL既酒吧。雖然我今次係同朋友去，但已經覺得個地方好適合拍拖約會。直入主題，我地分別叫咗3杯酒，係Honey Bee、What the Duck 同Sea Smile，賣相影相呃like無得輸，我飲個杯係Honey Bee，有啲似奶昔，口感Creamy帶少少蜜糖味，三杯酒味都唔算濃，適合女士容易入口。叫咗6隻生蠔，3隻Harty 同3隻Gillardeau，3個人食啱啱好，Harty肉質肥美，而Gillardeau海水味濃，十分滿足。熟食就點咗香烤蜜糖雞翼，雞肉好入味夠滑。第二樣係炭燒德國腸拼盤，有辣肉腸黑椒肉腸等，每條腸都有自己特色，可以每人每樣食少少，三人食份量啱啱好。第三樣係炭燒安格斯牛仔骨，牛肉味濃，焗薯好好食，薯仔好滑連芝士煙肉好夾。最後係甜品The Love of Eiffel，有馬卡龍、朱古力、芝士蛋糕等，但我覺得重點係視覺，絕對係加分要數之一。總結，酒吧整體感覺氣氛良好，係一個拍拖約會好去處。

星期三，約左個朋友出來敘舊，未食晚餐既我地見到mini club裝潢好有特色，終是上左去睇menu。drink menu十分多選擇，食物則比較多小食。因為無book位，waiter安排左我地坐bar枱，岩岩shopping完既我地覺得有少少迫。由於未食晚飯，我地2個女仔嗌左4樣野食+2杯cocktail。首先出場既係2杯cocktail: Foxy Lady & Nothing。Foxy Lady比較重水果味，超易入口因為好似飲緊果汁，女仕們應該都會中意。而朋友揀既Nothing就比較苦澀，我覺得有d似兒童咳水，但飲耐左朋友話可以接受。接住黎既就係小食:香烤蜜糖雞翼。睇menu個陣無留意，原來有8隻咁多！好味又抵食跟住差唔多每枱客人都有嗌既幸福摩天輪到啦，每一槅都擺滿食物，有炸物同沙律。好味又可以影靚相，好正呀！Pizza都送上來了，係厚身既餅底，上面鋪滿料同芝士。雖然係細細塊，不過送酒黎講都好足夠。後來因為我地嗌太多野食，bar枱唔夠位擺，咁岩有張梳化位既枱空左，我地就問下waiter可唔可以換位，佢話可以，仲幫我地聲搬埋d野食過去。個梳化位對住店裏最特別既巴黎鐵塔反轉再反轉，緊係要

已經是第二次黎呢間Mini Club慶祝食生日飯了由於兩次都預早book位, 所以不用等候。加上沒有限時吃, 好岩一班朋友黎慶祝傾下計;配上美味海鮮和小食, 過了一個愉快的晚上先黎左兩份海鮮:海鮮拼盤: 每樣都好新鮮~蝦肉、螺肉、蟹肉、硯和青口都鮮甜, 唔腥。大家都唔知食邊樣好,因為樣樣都想食!生蠔: 因為真係新鮮所以唔腥，而且有d海鹽味道好Fresh~一人一隻, 有朋友想再encore!不過想試食其他小食所以留返下次先再黎食過啦~野飲嗌了BloodyMary一試,還好。茄味幾夠濃,不過唔加杯子上的鹽會好一點(個人口味問題XD)另外仲有各款酒品,比一般酒吧都齊。呢到仲有大杯既HoegaardenRose呀!!摩天輪拼盤: 炸魚、蟹鉗、魷魚圈、炸帶子...等等樣樣都有d, Share的話又要要搶黎食XD每樣都炸得好夠脆, 出就算放耐左食都仲好OK。小食黎講呢個真是一流, 大家都係咁話好味啊!腸仔拼盤: 幾種不同味道的德國腸仔, 口感也不一樣。每一條既味道都不錯, 不過對比起其他小食, 呢款比較普通。烤蜜糖雞翼: 初時以為係d普通野, 但原來好有驚喜。 意想不到的好味啊 烤得剛剛好,好香蜜

「巴黎鐵塔反轉再反轉」，見到呢個咁靚既粉紅色巴黎鐵塔，相信會迷倒唔少女生，包括我在內。好細個已經好想去睇巴黎鐵塔，但一直都無機會去，今晚就係呢度飲番杯野聽下歌感受下旅行既心情，望住個鐵塔真係會覺得自己好似走出左香港咁…今晚去呢間餐廳其實都係機緣巧合，同男朋友係銅鑼灣一出站諗唔到食咩好，對面就望到駱克駅，見到成座都係食野就即管黎呢度揀下有咩食入到電梯見到每一層都有唔同既餐廳，但由於唔係真係好肚餓，想搵個地方坐下傾下計，所以男朋友就揀左近近地既1樓哈哈一出電梯見到呢個擺左唔同酒既地方，聽到自己中意聽既音樂，望到粉紅色既巴黎鐵塔，未等男友問食唔食呢間，我已經慢慢行左入去有各式各樣既酒，調番杯岩自己心情既酒都好正最後我地揀左一個望到街景既位置，有feel d後面仲有霓虹燈寫住「Wine in the City」，睇黎今晚要飲番杯酒先得一坐低店員就拎左兩個杯仔黎，一個裝滿花生，另一個就當然係要黎擺花生殼啦餐牌用Tablet睇，好先進生蠔$148有4隻，幾吸引最後決定要海鮮拼盤，$288夠哂抵，但呢個拼盤要開枝酒先有得嗌食海鮮就當然要配白酒啦，揀左西班牙既Torres Vina Esmeralda

週四晚約了友人於銅鑼灣 Happy Hour，地點是駱克駅的 Mini Club。筆者之前亦光顧過 Mini Club 其他分店，以銅鑼灣店的格局最四正，空氣亦最清新。店內最富特色的裝潢是倒轉的巴黎鐵塔，天花配合彼鄰街景的燈箱，挺特別。一如以往，先嚐數只特價生蠔。 Tasmanian 產自澳洲，中小體型，食感爽滑，海水鹹香味重。 Gillardeau 產自法國，是口味較濃的一款。食感和前者一樣以爽口為主，鹹香味則淡一點，取而代之的是餘韻更濃更持久的蠔香及更細膩的感覺。 冷盤小品要了一份手切伊比利亞黑毛豬火腿（36個月）伴白松露脆多士。伊比利亞黑毛豬火腿出名鹹香味濃，尤以風乾期夠長的火腿，味道更精練熟成。除火腿外，菜式另配上松露脆多士。餐牌所示的是黑松露，但因餐廳無貨，經同意後以白松露取代。松露確是香氣濃郁芬芳，塗上甚脆口的多士上吃味質勻優。 小食香烤蜜糖雞翼，雞翼醃製得腍身入味，甜甜蜜蜜幾好食。另一小吃炸墨魚餅拼泰式魚餅，炸墨魚餅脆炸外層雖稍厚一點，但脆感不減，膩度不重。夾層是粒粒墨魚粒，足料富口感。泰式魚餅質感腍彈，香茅味給力足，帶辣惹味。 主食牛肝菌意大利飯，菌香不算