Lamlam脷

營業中

休息中

又出開旺角，要做咩? 唔駛問，當然順便買千層蛋糕啦! 不過今次只有一人，又沒有時間，所以外賣拎走。今次揀了咩口味呢? 因為今日遲咗來，很多口味都已售罄，所以翻炒了上件一款口味，但不緊要，都是我很喜歡的口味之一。先食淡味的香芋牛乳千層蛋糕($35)，層次分明，每層之間夾雜着一粒粒芋泥。餅皮又薄又軟，香芋忌廉好香滑，加埋粒粒綿綿的芋泥粒，吃得好滋味!另一件係朱古力流心千層蛋糕($35)，見到流出朱古力醬，好誘人。朱古力味非常濃郁，加埋灑滿朱古力粉，整體不會太甜，好討我歡喜！

每次出開旺角都會專登去這間主打千層蛋糕店買返件千層蛋糕，不過今次就有啲唔同，約埋好友坐低慢慢傾，慢慢食。講開食千層蛋糕，我心目中最喜歡就是這間，由小小的地舖食到有幾個座位的樓上舗都繼續支持。今次一早來到，所以有不少口味，太好了! 點了一件抹茶流心千層蛋糕($35)和一件香芋牛乳($35)開心share。兩件都層次分明，一層一層好平均，每塊皮都又薄又軟，啲抹茶忌廉好幼滑，仲有濃濃的流心抹茶醬和餅面灑滿抹茶粉，茶味更突出，夠晒滿足！另一件香芋牛乳雖然不是流心，賣相平平無其，但都食到好香的芋味，最驚喜係有一粒粒綿綿的芋泥粒，多份口感，更吸引。小店真係沒有改錯名，每次都食到我舐舐脷，真心覺得比起某某名店的千層蛋糕更好味，更經濟實惠。

終於品嚐到 LamLamLi 的千層蛋糕了, 只因緣份未到, 總是遇上售罄。由太子搬到旺角, 對我來說更方便, 約13:15到, 運氣不俗, 仍有很多選擇。小店以乾花佈置, 簡而美。13:15的蛋糕櫃14:00的蛋糕櫃甜品當午餐, 點了一件香芋牛乳和一件人氣的抹茶流心。抹茶流心千層蛋糕面頭佈滿抹茶粉, 抹茶味濃, 有抹茶的澀味。入口creamy幼滑, 忌廉質感略略偏稠, 切開時相互黏著, 不易切開。至於流心的效果, 並沒有想像的明顯, 流心偏稠, 要擠壓才有流心感覺。香芋牛乳千層蛋糕賣相遜色, 面層沒有任何裝飾, 予人乾柴的感覺。入口香芋味濃, 層與層之間可嚐到芋頭微粒, 相對抹茶流心千層蛋糕, 幼滑度稍降。整體而言, 千層蛋糕甜度適中, 質感幼滑, 以不用$40一件的千層蛋糕來說, 性價比相當高。