鼎泰豐

營業中

休息中

想食下香蔥拌麵，所以黎左鼎泰豐。可能是日落雨，少人出去食，等位唔算等左好耐就入得～入到去即點我既香蔥拌麵，再點左碟蝦肉煎餃～朋友點左紅油拌麵同蝦肉餛飩湯麵（不過冇影到相🙈）。上菜算快，但咁快上碗香蔥拌麵都真係唔太熱，就算拌麵冇湯麵咁熱，都未至於咁…如果熱啲，香蔥味應該可以散發出黎，聞到又食到，諗起都正！可惜，而家就各方面都只係正正常常～蝦肉煎餃就比較好，熱既！皮薄同夠脆～可能知佢係一星米芝蓮，期望少不免會高啲。

大名鼎鼎嘅鼎泰豐，無論係台灣本地人定係外國人都專程去食。雖然疫情去唔到旅行，好彩香港都有店可以過下口癮😛店鋪無得訂位，係開店前半個鐘已經有人排隊，限時75分鐘食用時間。食物質素依舊，但留意返每款份量都較少😂🔸小籠包 (HK$66/6個)小籠包嘅皮厚薄適中，內含少許湯汁，肉餡亦唔會十分飽滿，食多兩粒都唔驚膩🥢🔸排骨蛋炒飯 (HK$90)排骨好大塊，肉質食落唔柴口。炒飯充滿蛋香，配住排骨食都唔會太油😋🔸蝦肉煎餃 (HK$88/6個)餃子煎得金黃，外層脆口，咬落去依然會有爆汁感，內餡有豬肉以及原隻細蝦🥟 🔸香蔥拌麵 (HK$56)份量較少，爆香嘅香蔥惹味，麵條軟硬適中🍜【推介指數：5⭐滿分】環境：⭐ ⭐ ⭐味道：⭐ ⭐ ⭐打卡：⭐ ⭐ ⭐服務：⭐ ⭐ ⭐ 回頭率：⭐ ⭐ ⭐

呢個時勢日日都要食外賣，見到鼎泰豐外賣自取有節就試一試啦！其實平日都有食開堂食，每次品質都好穩定。明白外賣會影響食物質素，如果有折都可以彌補番既。今次一共叫左三款食物，睇下質素如何先！取外賣到家歷時: 30分鐘1. 台式紅燒牛肉湯麵而家嗌外賣多數都會分湯，經過30分鐘個牛肉湯仲熱，即刻飲一啖先，同堂食個味一模一樣好令人懷念，裏面有一舊牛筋同埋四至五舊牛腩，牛筋好入味好香，牛腩好淋有肥有瘦，好食個面分開放但係都擺得好靚，呢個麵質係避免唔到痴埋一舊既命運，揚開晒再加埋浸左湯一陣，都係有d痴埋，無辦法整體而言都有堂食八成既感覺。2. 香蔥拌麵一打開個盒就聞到好香嘅蔥油味，個麵都係放得好靚好整齊，拌有青蔥同埋香蔥油。呢個麵會比牛肉麵痴得無咁埋，可能因為有油嘅關係。食落去好香，啲蔥都好夠份量，每一條麵都可以沾到蔥油整體來講有堂食九成嘅感覺。3. 紹興酒醉雞欣賞佢個酒分開放，咁啲雞就唔會浸酒浸得太耐影響個味道。冷盤同堂食一定做到一模一樣，個擺盤都好靚，值得一讚。今次外賣好滿意會再幫襯！

喺台灣返嚟無幾耐，已經好掛住鼎泰豐，就決定尋覓返台灣嘅味道～首先當然要嗌擔擔麵啦！呢碗算係拌麵，唔似湯麵咁多汁。花生醬味比較重，唔算太辣，每啖都夾住啲花生碎同埋蔥花，好食！佢嘅麵撈左醬油同埋麻油，出奇地唔算好鹹～上面鋪上醃左嘅乾蔥，但係撈左落啲麵又唔係好食得出係咩味，普普通通咁啦～鼎泰豐仲出名食小籠包～ 每粒都有足夠位置夾，唔會痴埋一齊一夾就扯爛塊皮。皮非常薄，裝住的肉汁足足有一隻匙羹咁多！但係舊肉就有啲細舊，都係台灣嘅出色啲～酸辣湯非常足料，有好多乾豆腐條、冬菇、肉絲同木耳等等，但佢味道比較清，酸同辣味唔算好突出，如果加埋醋食就好味多了～

今天放工約了表姐撐枱腳，難得一起吃飯當然要吃好一點，便決定到名氣很旺的鼎泰豐一試。 由於早已用手機按了票，所以放工等了半小時便可入座。餐廳坐位舒適，略嫌與鄰桌的距離太近。餐桌和餐具非常整潔，一絲不苟，讓人賞心悅目。我們兩個女生一共點了六道菜：小籠包招牌小籠包的確是皮薄多汁，咬第一口時肉汁傾皮而出，噴到枱上，真是失禮。但吸取經驗後第二粒便不會了。肉質不算很滑但勝清甜不油膩。干煸四季豆這個四季豆是涷食的，上面配上xo醬和肉碎非常惹味但不會太鹹。加了糖的四季豆甜甜的也很夾，清爽不會老，是一道出色的前菜。 酸蘿蔔絲拌海哲皮 酸蘿蔔和海哲很夾，雖說是酸蘿蔔但一點也不覺酸，味道清新温和。海哲清爽份量額多。紅油抄手這個真的很讚，四個字，皮薄餡靚。餡料很足包得很實；蝦肉新鮮爽甜；紅油油份適中不過份，亦不過辣，每人三隻也嫌少。推介！ 香蔥拌麵用料簡單但麵條質感很滑很誘人，第一次吃到這麽滑的拌麵。麵條用過醬汁調味，不會太乾。上面的香蔥和爆過的乾蔥拌勻後有助提味。味道偏淡不太鹹，份量很少。但麵條出色所以推介！酸辣湯全晚有點失望的是這道一點也不酸也不辣的酸辣湯，裏面有肉絲，神奇地夾極也不會斷的豆腐絲和木耳絲