Y Pasta (已搬遷) 新店位置

今日勞累了一天，想找間食店舒舒服服食個晚餐後再回家作息！ 友人帶了我去一家食手功意大利麵的食店，店內裝修行歐陸風格，餐牌內選擇甚多，我倆點了兩客主食和一客小食， 再將其中一客主食加$58轉為套餐，應該可滿足到我倆大胃王。小食：香辣水牛城雞塊 雞塊切成小件，經油炸後再沾滿酸酸甜甜的醬汁，食完一件接一件，十分惹味。主食：川辣雞肉意粉配爽脆青瓜絲好少見到意粉配搭上四川麻辣的煮法，見到後已決定一試。雞肉和意粉吸收了麻辣椒的味道，香氣四射，嚐一口麻痺感已在口腔內，再配襯爽脆青瓜絲，馬上令到舌尖上有很大的沖擊，刺激過癮。主食：巴馬火腿pizza餅面鋪滿巴馬臣火腿和火箭菜，咸香味十足，餅底的番茄醬和芝士，酸味調得剛好又有芝士香，餅底亦烤得脆脆的，一口咬下去真係有多種口感和味道，十分夾。龍蝦湯 十分濃郁鮮味，飲多兩碗都無問題。石榴汁好清香又甜美，剛好可去去川辣的麻辣口感。食完今餐晚飯，刺激感滿滿，充滿力量地回家。

Y Pasta 係我嘅心水餐廳之一，鐘意食意粉嘅話一定唔可以錯過，佢地嘅選擇多到你即刻有選擇困難症🤣 樣樣都好似好好味咁😋 🔹QB 明太子醬北海道帆立貝意粉 🐟🍝 Highly recommended 😍 濃濃又十分creamy 嘅明太醬十分惹味，意粉又煮得岩岩好唔會太腍身，再加埋大大粒帆立貝😋 係我經常encore嘅一款🔹黃金忌廉蟹肉意粉🦀🍝如果平時食中菜都鍾意食黃金蝦嘅你地就唔可以錯過呢款😋 黃金忌廉醬同樣地十分香又濃郁，再配上鮮甜蟹肉☺️ 值得一試🔹香辣水牛城雞塊 🌶🍗呢一款小食都經常encore 😋 分量十足，雞肉嫩滑，香辣醬汁再配上yogurt比你點，必試之一😋🔹意式茄蓉肉丸🥫 作為頭盤小食酸酸甜甜嘅茄蓉十分香胃，肉丸紮實啖啖肉，調味亦十分岩小編胃口，都推介大家試試☺️

主要食pasta 既西餐廳，以海洋為主題，白色裝修簡單雅致，加上落地大玻璃面向住銅鑼灣景觀，十分吸睛👀座位闊落舒適寫意😚餐牌裏面嘅食物種類好多選擇，main就以pasta為主，基本嘅linguine, penne pasta, fettuccine, fusilli 當然都沒有缺席🤤。🦞酥皮龍蝦湯酥皮係要焗，所以上枱嘅時候都熱辣辣，差啲辣親👅好香嘅酥皮味，香濃嘅龍蝦湯，真材實料，幾乎啖啖都有蝦肉，停唔到口🤤。🐥香辣水牛城雞塊雞件經過油炸，更加鎖住咗醬汁，醬汁味道酸酸咪咪開胃，但係雞件為雞胸附近位置，口感比較鞋。🍝黑松露醬鮮帶子意粉份量十足，帶子鮮甜啖啖肉，大大粒而且嫩口，煎到半熟狀態，不得了😍自家製既意粉al dente 唔會太稔軟，是喜歡的質感🧡每一條意粉都沾有黑松露醬，好掛汁🤤。🍕蒲燒鰻魚大阪燒pizzaPizza喺薄皮，好似餅乾一樣脆，鰻魚件數唔少，又有柴魚碎，味道真係好似食緊大阪燒😆

今日同朋友嚟Y Pasta食飯 雖然係禮拜四晚 但係都幾full下 好彩我哋嚟到嗰陣 啱啱好可以坐到全間鋪頭第1001張枱 所以唔洗等 (坐低之後見到下一位客人已經要等起碼10分鐘)我地嗌咗個泰式冬陰公香辣肉碎寬麵。個意粉都幾好食 但係fusion得來有少少怪。冬陰公比我個印象一般都應該係要夠先夠辣先好食 但係佢就加咗啲忌廉汁黎煮 變咗少咁啲泰式風情嘅感覺 比較似鬼佬冬陰公多啲。個人比餐廳嘅意見係如果可以唔用忌廉黎煮個汁嘅話 應該會比較好食有泰式風情一啲。但係整體而言都係好食嘅 幾特別 值得一試。另外我哋仲嗌咗忌廉汁黑松露醬巴馬火腿扁意粉 跟套餐。套餐就有一個湯同埋嘢飲 我哋加咗少少錢 令到個嘢飲upgrade做紅酒。以加咗幾十蚊就有嘅紅酒黎講 呢度個紅酒真係算超級出色。另外佢個意粉嘅黑松露味超重 超足料！呢個真係超級無敵推介！小食方面我哋仲嗌咗個香辣水牛城雞塊。一般餐廳嘅水牛城雞塊都會跟sriracha sauce and blue cheese sauce。呢度嘅芝士汁就有啲稀 有少少扣分 但係個雞塊就okay好食嘅。