Flames (海濱匯)

營業中

休息中

今日約咗喺牛頭角收工嘅朋友食飯Book咗呢間係觀塘海濱附近嘅餐廳喺巴士站行大概5分鐘左右就到由於去嘅時間尚早餐廳可以俾我哋揀位有戶外同室內嘅位置戶外嘅景望落都唔錯，如果天氣涼啲可以考慮一下🌅餐牌嘅種類雖然唔算好多，但其實款款望落都好似好吸引咁🤭由於得兩個人唔敢點太多，朋友又好鍾意食pizza，所以嗌咗個Pizza同兩個小食開心share 下今次就嗌咗卡邦尼pizza、香辣炸雞同埋黑松露薯條另外仲點咗一杯Mango Tango Shake🥤想餐嘅速度都唔算耐，大概點咗10分鐘左右就上菜首先嚟嘅係卡邦尼pizza 🍕Pizza底鬆軟唔乾，味道適中，又唔會偏鹹同太漏，最驚喜係每一片上面都有蛋黃嘅流心蛋漿，簡直就係本人最愛。推薦👍🏻 再嚟就係香辣炸雞🍗炸雞塊香脆得來又唔會太油，就咁食我覺得個味道已經啱啱好，略嫌個汁有少少咸，所以點咗一次就冇再點🫣最後梗係由最期待嘅黑松露薯條🍟呢個簡直係必食推介，粗薯條新鮮滾熱辣配上黑松露粉，味道一流，影相前已經忍唔住偷食咗幾條，真心推薦😍最後嘅最後當然要有一個甜品做結尾今次就嗌咗Tiramisu 🍮個人覺得味道上嚟講係唔錯嘅，如果個芝士味再濃多少少嘅話會更加好

週末想去海邊走走，但實在太熱了😂沒辦法到太遠的郊區戶外🙈最後就決定來到這觀塘海濱附近逛了～走累了還能到附近海濱匯找個餐廳坐坐吃點東西♥️完美～最後選了這間西餐🌟之前有在黃埔那邊吃過晚餐，食物還是很不錯的～龍蝦汁很香濃🌟還能吃到香香的蕃茄味和蒜香味，是很好的意麵醬汁♥️大蝦夠大隻，肉很厚又爽口新鮮🔥意大利麵的軟硬也是剛剛好～炸雞一碟分量適中👍🏻加上檸檬汁和香辣醬一齊吃解膩又惹味🔥雞塊炸得香香脆脆，肉肉也還算滑嫩🌟不錯👍🏻今天餐湯是蘑菇湯，菇味濃郁🌟香草味也夠👍🏻整體調味剛好👍🏻蛋糕有兩款可選～分別是熱情果和乳酪口味🌟我選擇了乳酪口味的比較清爽一點♥️口感軟滑～搭配草莓果醬酸酸甜甜的很不錯🌟

之前食過呢間連鎖澳洲西餐，覺得食物都唔錯～ 今次去咗海濱匯分店，呢間設有戶外露天平台，天氣好嘅時候，坐喺度嘆返杯咖啡都幾好！今次叫咗啲之前無食過嘅食物，整體味道都唔錯～ Brunch Menu 套餐附送汽水或茶，可以加配餐湯或沙律，又可以升級飲咖啡。🔸葡式燒雞扒漢堡配薯條 $128之前食過葡式燒雞覺得幾好味，而呢個葡式燒雞扒嘅調味差唔多，辣醬微辣。雞扒超大塊，啖啖肉，對摺放入burger度，好似有兩塊雞扒咁！加埋生菜、蕃茄一齊食，整體幾juicy唔乾，麵包都幾鬆軟！🔸香草紅酒汁燴牛面肉配黃薑蕃茄飯 $118見平時少食牛面肉，就叫嚟試吓～ 原來都幾好食！牛面肉燴到超過軟腍，吸滿香草紅酒汁，送飯食簡直一流！！仲有啲蘑菇同樣好入味，好食！黃薑蕃茄飯唔會好大味，食落幾清新！🔸香辣炸雞 $88叫咗份炸雞小食，份量唔算多，size唔會好大方便食。炸得幾香脆，唔會好乾，點埋招牌辣醬食幾惹味！

星期五晚本身約咗去尖沙咀食，點知又逃不開ot ，搞到老公等咗我成個鐘頭，我又急肚餓，唯有去附近食， 上網搵了這一個評價相當不錯嘅西餐廳，而且位於海濱，夜上人流較少，因為不屬於觀塘市中心所以佢去碰下運氣，好開心真係仲有兩個位。餐廳有個好大嘅露台，outside area可以望到整個海濱公園，但一早已滿座，我們只得了靠門口位置。我哋兩個人叫咗一了一個前菜炸雞 ，一個雞肉漢堡，一個意粉，兩杯飲品。 嚟到之後每一份都好大份，超好食，食到飽到頂胃。香辣炸雞，數唔到有幾多塊， 鬆脆，唔會硬到介咀，好食過出面好多專賣炸雞的韓式店。葡式雞扒漢堡配炸薯條， 嚟到嚇親，好大份量。有兩大塊雞排，有Piri 醬，帶微辣，非常好味， 麵包鬆軟厚身， 淨係食呢個都已經飽曬。蟹肉香草蕃茄意粉, 厚厚的蟹肉，加上微酸蕃茄及creamy忌廉，開胃又美味，只可惜太飽了，所以只完成一半。另外飲品的水蜜桃茶同荔枝茶都係手搖的，一點都不馬虎。有靚景，又好味，食完又可以去行下海濱，感覺良好。

跟朋友相約在其辦公室樓下商場中共晉晚餐，想不到是一家挺不錯的餐廳地點：牛頭角工業區中商廈附設的商場環境：裝修時尚有情調，整體舒適服務：店員不會催促下單或結帳，感覺友善食物：以西餐小食為主，另主推歡樂時光香辣炸雞 $78炸雞即點即炸，非常香脆可口附上的醬汁不會太濃跟炸雞很搭配葡式香辣燒雞配香烤雜菜 $168燒雞火喉十足，香而不老而烤過的雜菜很香甜，味道討好葡式燒雞漢堡配薯條 $168燒雞肉汁鮮味，麵包烤過後頗為香脆漢堡加上葡汁味道更見升華薯條炸的很脆，放了一段時間亦不會變軟餐廳整體感覺良好，絕對是在工業區中難得一家消閒舒適的餐廳酒吧

Flamess係觀塘海濱附近一間新開嘅西餐廳，價錢唔貴，我最鍾意佢半開放式設計，餐廳對出係一個有草地嘅平台，感覺relax得黎景觀亦開揚。餐廳入口位有酒精搓手液，侍應亦會盡量安排食客分開坐，食得更放心。Flames有套餐亦有散叫，小食、主菜、甜品同飲品都有，價錢唔貴，份量都幾多。黑松露薯條($48)薯條份量幾多，足夠兩三個人食，薯條好香黑松露味，上枱時熱辣辣。香辣炸雞($78)香辣炸雞一客都有成十件，都幾飽肚。炸皮唔會太厚，入口幾香脆，不過辣度只鬆bb辣，鍾意食辣嘅我就覺得佢唔夠辣。瑪格麉塔披薩($78)披薩一客有四件，雖然話係小吃，不過飽肚度同主菜都差唔多。披薩上面有芝士、羅勒同番茄，味道比較清新，啱晒素食朋友。燒大蝦配香草番茄汁扁意粉($158)扁意粉非常大份，一客都夠兩個人食，番茄味香濃好開胃，扁意粉軟硬適中，上面有兩隻燒大蝦，蝦肉結實爽彈，整體唔錯。總結，食物份量偏大，價錢亦公道，兩個人嘅話建議點一個主菜加兩個小食，因為如果叫兩個主菜已經肚到反艇食唔倒其他嘢。

雖則話停課，但係停課不停學，阿女星期一至五都要E-learning，佢話仲辛苦過返學。趁住星期五晚，我哋決定去觀塘海濱長廊走走，先到海濱盡頭嘅牛頭角食個晚餐。呢頭好多新型商廈，我哋去嗰間餐廳喺海濱匯，舊年初先落成，設計新式，又鄰近海皮。餐廳位於商場裡面，格局開揚，有一邊跟出面嘅草原連接，可以呼吸新鮮空氣。唔知係咪今晚係星期五晚嘅緣故，加上呢度有好多金融，跨國企業嘅租戶，有好多打工仔落嚟飲番杯，還有不少外籍人士，似乎大家都忘卻現時疫情嘅煩惱，開懷共聚。我哋揀咗兩個主菜，一個小食，兩杯飲品。蟹肉香草蕃茄汁扁意粉蟹肉豐富，茄汁加上香草很惹味，扁意粉軟硬適中，份量比一般西餐廳多，啖啖蟹肉都充滿意粉上。香草蕃茄汁燴牛面肉扁意粉牛面肉非常之淋，呢個比蟹肉意粉味道較濃，但扁意粉同樣烹調得恰到好處，不淋也不硬，份量也非常大，我倆一口一口地吃也吃過不停。香辣炸雞應該係即叫即炸，炸雞脆口，裏面仲好嫩滑，呢個配啤酒一流，但係我哋兩個都係飲咗Coke Zero同菠蘿汁。侍應們快手快腳，充滿熱誠。感受完開心星期五，我哋過返對面馬路， 照原定計劃，漫步行走海濱長廊。