新泰東南亞餐廳 (已搬遷) 新店位置

同gym友係附近做完yoga， 就係附近搵食。 咁岩見到有間泰國🇹🇭菜老字號「新泰東南亞餐廳」嘅分店， 就入去補充返體力啦！😂 想一次過試晒所有小食，最好就叫拼盤（$198）啦！ 有蝦餅、魚餅、春卷、肉碎生菜包， 款式和份量都算多～ 炸蝦餅新鮮熱辣炸好，脆炸彈牙， 蘸上泰式辣醬，簡直無懈可擊嘅組合！😍 魚餅魚香味重， 春卷外皮炸得香脆可口，蔬菜餡有點dry， 如果多d肉碎會惹味d～🙊 生菜包相對地做得比較出色， 肉碎微辣惹味，加埋爽脆生菜，正！😋 串燒（$88）有雞、牛、豬， 全部肉質都唔會太乾身，嫩滑多汁， 蘸上秘製沙嗲醬，幾惹味！ 泰式蝦炒金邊粉（$98） 用蛋網包着整個金邊粉，賣相誘人～ 金邊粉炒得乾身， 質感帶點彈牙，甜中帶酸， 加上多種配料如香菜和鮮蝦等一起炒，口感豐富！😋 馬拉盞通菜（$72） 新鮮通菜口感爽脆， 馬拉盞夠晒惹味！ 最後，梗係要食返個泰式甜品啦！ 我地要左泰式甜品大拼盤（$148）， 可以一次過滿足晒所有人嘅願望～😂 比較出色嘅係芒果糯米飯， 暖笠笠嘅糯米飯上蓋滿椰漿， 白糯米軟糯，黑糯米有咬口，加上香甜芒果， 食落幾有層次感～ 千層糕望

今日飲完野去左新泰食泰國菜。我地成九點九先上到去。原來佢地今日都早收𠺢，十點半左右last order. 講真，都唔係早好多。去咗馬拉盞炒通菜，店員好友善咁樣提議我哋叫第二樣，因為好多外籍人士都唔鍾意馬拉盞呢隻口味。最終我照叫，朋友都好鍾意食。桶蝦，冇諗過係以呢個賣相出現。外層炸得好脆亦都唔油膩。配埋泰式甜辣汁非常之好味！冬陰公海鮮炒飯，並唔係度度都有得食嘅。炒飯唔油膩而且有少少辣辣地，但係辣度適中，你唔會令到呢個炒飯太過難食！鴨肉生菜包，比起平時嘅豬肉多咗咬口。生菜包入邊好有檸檬味，有香茅、有芫荽，適量嘅生菜足夠包晒所有嘅鴨肉，而且每片生菜都好新鮮。燒烤魷魚，本身嘅燒汁已經好好味，點埋呢個泰式嘅酸辣汁仲更加好味。我哋再叫咗一jar啤酒。由於之前響啲酒吧已經飲咗好多，所以要飲埋啤酒先至走就搞到啲店員要等好耐先可以收工啦！

同朋友plan左好耐要食泰國同埋東南亞菜，於是上左openrice搵有咩好推介，結果搵到呢間新泰東南亞餐廳頭盤就叫左呢道泰式生蝦沙律，D蝦食得出有鮮味，點埋秘製酸辣醬就更加完美了食泰國菜又點小得馬拉盞通菜呢佢調配得唔係好辣，對於我呢D唔係幾食得辣既朋友就非常好！味餸亦都好香，加左好多分。呢道青咖哩羊架真係非常好食，我自己本身好鐘意食羊，所以就叫左。估唔到有驚喜，如果可以既話唔洗全熟會食到更嫩既肉質。雞，牛，豬串燒係全晚入面最好食既一道菜，熱騰騰而且調味恰到好處，必吃推薦！

朋友生日想食泰菜，但要等齊飯腳開飯就要係港島，但對於九龍人黎講，港島泰菜真係無咩頭緒，於是就靠Openrice搵有咩餐廳，最後朋友揀左呢間當然我地都未食過專登揀灣仔呢間，因為怕人多要等位，果真唔洗等位！朋友未放工咁就先叫左小食同餐飲先椰青炸蝦餅椰青沙冰～要預15-20分鐘馬拉盞通菜～唔會好咸香茅味太重泰式炒金邊粉～一般般青咖喱豬肉～唔辣仲有淡淡椰香有咖喱點少得印度薄餅～好鬆化用來配咖喱一流整體黎講：份量適中、味道唔錯、環境清靜，值得分享

近期公司附近開了一間新泰菜，良久未有機會嘗試。適逢今天飯腳提議吃泰菜，正好是合適機會一試！餐廳用餐區設於二樓，店中放滿大大小小的泰式擺設。除一般餐枱卡座外，店中亦設有大圓枱，二三人的小夥兒以至十餘人的大夥們也能找到合適位置。午市有七款套餐供選擇，$72 一份連餐飲，加 $28 可另享小食一客。除一人餐外，亦另有二至四人餐提供。筆者點了一客泰式海南雞飯，餐中伴有口味清甜的瓜粒湯，爽甜多款的炒雜菜，以及香口的油飯。至於主角海南雞本身，大體上早已去骨，食用方便。就味道而言，雞香只屬中規中矩，嫩滑度亦只算一般，口感上雞翼位置明顯較佳。小吃泰式炸蝦餅，出品的熱辣小巧，交得出應有的彈牙口感。另一小吃馬拉盞通菜，通菜選材都見嫩口，馬拉盞汁鹹香帶辣伴飯吃夠滋味。餐飲本想點新鮮椰青，奈何套餐加錢也沒有此選擇。最後以一杯熱奶茶作結，味道未算有特別驚喜，但在泰菜館而言已屬有交待。