添好運點心專門店

營業中

休息中

晨早流流想食個早餐 後生仔十之八九揀茶記同cafe偏偏我特別鍾情一盅兩件不過疫情關係諗住茶樓太高危就選擇左點心店而事實話我知...一樣咁多人咁危險疫情下仍然係咁多人食🤔莫非真係咁好食？我地兩個人叫左6樣點心/小食老實講煎蘿蔔糕就預左粉多過蘿蔔普遍都係最多咬到一兩絲蘿蔔喺入面唔期望有臘味、蝦米呢件蘿蔔糕粉得黎口感比較鬆散唔係挺身之餘仲略嫌有啲唔夠實係易夾開分件嗰種，食唔出蘿蔔絲/蘿蔔香再黎叫左蛋白蝦春卷同想像中有啲出入如果蛋白落多啲整得實在啲會更好依家食落蛋白冇特別不過值得讚係真係食到蝦粒幸好係即炸即上入口夠熱夠脆，所以唔難食得去邊不過想食香口野又想食點心可以睇我另外幾篇點心店食評，絕對有更好選擇冰花蛋散呢樣本身都唔係話食佢好食嫁啦只係一種回憶同懷舊始終呢樣野第一從來冇可以係熱嘅第二佢太凍又唔會好食第三佢本身質地係行少鬆化路線，話脆唔脆咁第四呢樣野本身係靠一大堆糖漿令佢有味，所以你只會食到甜、甜、甜同甜，唔會有乜特別只不過咁講，依家好少地方會再見到佢嘅存在以前細細個爺爺嫲嫲帶去酒樓食店心，有得食佢就已經好開心所以唔係食佢好食，而係食個回憶最後唯一食到好食嘅係馬拉糕其實馬拉糕材料好簡單但要

添好運越開越多，唔止攞米芝連，仲衝出埋香港。我覺得食嘢，永遠係總店最好味，之前食過IFC個間覺得一般，咁今次特意係試總店。叫咗幾個點心，坦白講，同其他高級點心比，佢真係比唔上，不過勝在價錢大眾化，以今時今日，兩個人叫到全枱點心，百幾蚊真係去邊到揾，仲要都幾好食，蒸嘅點心入面個料味道唔錯，只係個皮厚咗d，另外，超鍾意食個焗叉燒包，又熱又脆，好味，不過可以唔使咁濃味。總括嚟講，點心未必做到好精緻，不過味道算中上，而且抵食，都值得去

好耐無食添好運，終於搵到機會同男朋友仔去食。由深水步行去要15分鐘，星期日的晚上七點多到也不用排隊。進到裡面，舖面裝修普通，餐具也沒有一般茶樓的韻味。內裡約有一半是遊客，我想大多是冒"車軚人"之名而來。首先到嘅係必食叉燒包落單不夠三分鐘就上枱，但包都仲係熱嘅因為肚餓關係，點了些飽肚點心我男朋友很喜歡吃腸粉，這家有樣特別的潤腸。其他酒家較少提供，第一次食的時候被它深深吸引，但這次有點失望。其他點心方面，與外面酒樓差不多。對於兩個人，這樣叫份量有點多。最推薦的是酥皮叉燒包，其次是坊間少有的豬潤腸粉。其他點心我認為去其他酒樓吃好了。

終於有機會一試聞名已久的點心專門店, 雖是假日, 幸好下午茶時間都不用等位, 實在難得第一個到的點心是馬立糕, 不是很甜, 但非常之鬆, 吃完差不多是像吃一陣風般擺位有點不好看, 亦是較一般細小的粉果, 不過都很多料, 很美味, 但外層稍為太粉, 不是晶瑩的皮賣相十分吸引, 吃下酥皮, 的確鬆脆軟滑, 內裡熱騰騰的饀料, 都很足, 正!看似不錯, 不過不是煎香的脆面, 只是軟身的表面稍為煎了, 內裡都是軟綿綿的, 都算蘿蔔味很重很多料的蒸飯, 飯很軟, 加多一些甜豉油, 都十分不錯另一足料蒸飯, 蒸牛肉十分多, 很軟滑, 很入味, 煎蛋是半生熟的, 非常美味!

差不多下午兩點半到, 成個門口都係等緊入場的人, 到左仲要等個派籌阿姐出來先有籌, 安排入座方面可以有進步空間呢.....都食過好多次, 去過的人都好清楚個環境, 一個字 ------------ 逼! 無計, 想食好野, 有d野就要讓步..... 人多侍應唔係好夠, 叫左好耐先有人理, 侍應態度一般, 可能做得太辛苦的關係吧!兩個人食左以下呢幾樣野:免治牛肉腸 - 腸粉都好滑,牛肉味都幾濃, 醬油咸左d, 同埋個腸粉上檯時已唔熱了馬拉糕 - 都幾鬆軟, 香口, 甜味適中合銀蛋瘦肉粥 - 粥唔熱唔綿, 幸好味道都過得去酥皮焗叉燒包 - 招牌點心, 個酥皮好香好鬆, 個叉燒餡真係好好味, 不過呢次d包 "塔塔"地, 個包唔係好軟....要留住食客, 真係要留意一下員工的服務, 同埋其他食物的水準, 只靠食老本真係唔可以捱得幾耐...

其實旺角舊店開左咁耐一直冇機會幫襯。因為真係好多人,舖仔又細。當開左分店之後,店內位置多左,加上又近屋企,咁就成為左我日常開飯精選之一。添好運既名物。唔試唔得,一試難忘,次次去都要點,唔點唔舒服。哈哈外層好酥脆,內裡叉燒似汁好多,好好味。好大粒,肉好新鮮彈牙。皮夠薄,粟粉冇落好多,唔會有過份滑既感覺!好滑,好香牛肉味。芫茜味好香,提升到牛肉香味。配合喼汁,一d都唔膩。正!好多沙葛足夠令到成隻粉果好爽口,仲有花生同埋西芹。黃沙豬膶腸粉,成碟腸粉熱辣辣,又滑,唔洗咬可以直入喉嚨!正~豬膶真係靚同新鮮先可以起沙!明知食內臟唔好都要食?因為真係正呀嘛~蝦好大隻,睇得出真係即叫即蒸,因為隻隻蝦餃都好飽滿,仲未收水呀!記得趁熱食呀老闆~!馬拉糕都好鬆軟,甜度適中。反觀炒麵一般,下次可以不用點。眾觀店內菜單選擇比較少,但好吃的有一半以上。抵食夾大件,正。以超平民既價格,食到新鮮製作既點心,實屬街坊之福,希望日後唔好因為人多而質素下降!服務質素唔錯,店員都十分勤快及窩心,賓至如歸!等位期間在店外更有水機,可供客人飲用,細心程度可見一班。

旺角果間添好運食過一次，之後就唔敢再去！點解？唔係唔好食，而係真係要等太耐啦！由肚餓等到超級肚餓都等唔到！今次黎到深水埗呢間，都有咁ge心理準備，見都幾多人等，前面仲有30個number，就到對面街行下，涼下冷氣，點知一返去就過左number！睇黎呢邊d位真係多過旺角wor～一開始就揀好左120蚊ge野食～（因為團購）酥皮焗叉燒包呢度有最出名最好食ge點心～熱辣辣咁上枱，一拎上手，好熱呀！但係好忍唔住口即刻咬一啖，出面好脆，同埋真係會爆漿！好正呀！但係真係唔食得多，好飽肚同埋d漿都幾多，幾甜下～二崧滑旦餃因為未食過，又唔知係乜野，就叫左la～成隻都係蛋，似係蒸蛋ge味，再加左d紅蘿蔔，其實個味道又唔係真係好討好，可能米妮覺得佢太奇特啦……馬拉糕係米妮最愛ge添好運點心之一！因為佢做到個甜度岩岩好，唔會太甜，又唔係好黏口～唔知係唔係加左蔗糖呢，好香甜！係酒樓比較難搵到咁高水準ge馬拉糕～蝦餃一般水準，唔會話好驚奇，但係價錢係入面係算貴ge，所以下次會揀第二樣黎試豉汁蒸排骨排骨好肥美，煮到岩岩好，同埋肉質好爽口，唔會太韌～唔錯！煎蛋牛肉飯鍾意呢度ge蛋係半生熟，牛肉好軟滑～但係今次居然個飯

曾經發誓唔會再去旺角間添好運 是否當食生菜, 非也; 今天到來深水涉的分店 於星期六下午五點未夠, 居然唔使點排隊, 只係等左唔夠十分鐘 未可能激起我的燥底, 又可以開開心心咁食番餐 被安排了長枱內最入那個位, 倒茶也是自助形式坐位則有點迫, 但可以接受 我們很快已SCAN 了點心紙一次以極速選出數款點心, 其中粉果和叉燒飽也在旺角中食過印象都唔錯, 所以再次番兜先黎蒸飯打打底 鳳爪排骨飯 : 我沒有試, 聽說幾好味, 而且唔使五分鐘已消失面前 窩蛋牛肉飯 : 牛肉餅有香芹和果皮味, 口感滑而鬆軟, 而是否怕沙門士菌, 所以來個蒸荷包蛋這正正是我杯茶, 但同樣的蒸飯, 為何我呢碗有點硬 ? 　粉果 : 明顯不及在旺角食到的超薄皮, 雖然係厚左小小, 但比一般酒樓食到的都叫薄, 用料則同樣的多, 一咬開皮時, 其錎料自動傾瀉出來, 收貨 豬潤腸 : 起沙的豬潤大大片有嚼頭, 而腸粉皮夠薄夠米氣, 晶瑩剔透滑滑溜的 靚腸粉, 好味 酥皮焗叉燒飽 : 唔使再多講, 酥皮夠酥, 而且叉燒夠腍而有咬口, 叉燒汁香甜非常討好, 但幾油膩, 是必食之選 馬拉糕 : 接近傳統的做法

一直也沒有機會去試旺角店,只要看見長長的人龍已興趣全消!總認為不值得為食一餐而去呆等,不設訂座不設外賣之下,唯有等熱潮散去吧,誰知一等便大半年過去!到最近終於開了分店在深水埗,這天路過剛好一試!這位置真的屬於交通不便,搭港鐵無論太子或深水埗下車也最少要行10分鐘,駕車的話咐近只得錶位,對面馬路停車場又設備環境極差.晚上七時來到不用等位,坐下看見點心紙的選擇不算多,如果4人前來的話應可盡掃餐牌.韮黃鮮蝦腸粉----餡料內的蝦肉份量雖少,但腸粉皮薄滑,豉油調味不錯.陳皮牛肉球----丁點陳皮的味道也吃不到,粉下得太多幸沒有那些會攝在牙縫的筋膜在內.酥皮叉燒包----外皮酥脆內裡一層很薄的义燒餡料,咬落感覺"空心",給我的感覺這不就是在馬來西亞大熱的咖啡包變奏版?外皮一樣,只不過沒有了咖啡味,內裡換成了似有還無的叉燒餡料.鳳爪排骨飯----鳳爪及排骨有豆豉香味,排骨肉多骨少帶一點肥,飯粒略為軟身了一點.煎蘿蔔糕----確是真材實料,但煎得不夠香口,整件糕吃起來也油淋淋,浪費了食材!沙茶牛肉春卷----無沙茶味,牛肉被化學處理得滑潺潺!花彫杞子蒸滑雞----雞肉質地霉,雪藏味十足.鮮蝦燒賣皇-