日喜樓 (已結業)

係銅鑼灣鬧市之中，唔洗等位坐得舒服又可以慢慢食🥰-砂鍋雲吞雞🥘 $98用餐當日店員向我們推介有半價優惠，所以就點了🤣原來係一大煲湯，有雲吞同菜，雞就另上。湯係好足料既中湯，冇味精味，好飲🤤雲吞同菜都好食。雞因爲煲過湯，所以有啲鞋，但食下都無妨。-羅春閣爆汁生煎包 🥟$78/4件果然好爆汁！包底好脆，好好食！拍得住上海食到果啲（雖然上海食係rmb9/4🤣）-高力豆沙香蕉球🍌 $38/3件呢個超推薦！！高力豆沙軟綿綿，好似梳乎厘pancake咁，不會過甜，鍾意甜就可以食埋面層糖霜，唔鍾意撥走就可。餡料是紅豆蓉加香蕉，有香蕉中和紅豆的甜味，好夾🤩-

今日繼續生日月, 朋友請小弟往銅鑼灣日喜樓食中菜, 我們點了北京填鴨，小籠包、蝦仁炒飯、高力豆沙香蕉球、橙汁和西瓜汁。北京填鴨食落肉味香濃, 食落有油花、鴨皮食落薄薄香脆, 肥而不膩,薄餅食落香滑軟綿,青瓜爽脆、醬汁惹味、薄餅連鴨件一起食齒頰留香, 惹味無比；小籠包湯汁很多, 味道香濃、肉質鮮甜, 皮薄餡靚小籠包；蝦仁炒飯飯粒炒得乾身, 食落有鑊氣、蝦肉肉質鮮甜彈牙、蔥花帶出飯的美味, 足料美味的蝦仁炒飯；高力豆沙香蕉炸得金黃, 糖粉甜度適中、豆沙咬落香甜、整份高力豆沙香蕉甜度適中, 食落美味；最後橙汁是鮮柞橙汁, 甜度適中。餐店座位簡約舒適, 食物美味高質, 個人很欣賞餐店重視環保, 例如用I pad落單, 減少紙張和飲品用紙飲管, 減少塑膠, 謝謝朋友宴客, 食了一頓高質美味中菜。

今個weekend 去左銅鑼灣時代廣場買東西，逛逛下又到晚餐時間，由於屋企人偏向中菜，所以即是上網做功課，近近地喺燈龍街搵到一間京川菜館- 日喜樓餐廳位於V Point 地庫一樓，𥚃面呈長方形，兩邊擺放著方形枱子，中間位置放著大圓枱，並且設有廂房，可供多人聚餐餐牌電子化，方便又淸晰茶種類有很多，選左菊花，菊花清香又冇草腥味五香薰魚魚肉肉質新鮮雪白，表面炸得香脆，𥚃面又唔駭囗，夾有煙薰香，味道更有層次茶樹菇，金菇高湯翡翠苖翡翠苖幼㜛多汁，配左茶樹菇金菇，好健康香酥鴨跟荷葉夾一上枱，香酥鴨味香味飄出，十分吸引鴨肉表面煮得乾身，入面鴨肉仍然幼嫰，一尐都唔肥，醃料用左花椒八角等，更為惹味甜品要左高力豆沙香蕉，呢餐好滿足

以前日熹樓喺灣仔既時候都幫襯過搬左去燈籠街V point更加方便就腳喺地面走過電梯就到，同前店唔同係呢度比較光猛，以前裝修古典，現在帶時代感。睇緊menu，店長就介紹北京填鴨做緊推廣價$159 半隻。有淨皮及皮肉相連，鴨香皮脆肉質香嫩。將連皮胸肉加京葱花、青瓜絲及甜麵醬汁用薄薄既麽麽皮包着，層次豐富又減低油膩感。每張麽麽皮有一層牛油紙隔開，唔會痴住一團～大大隻黃金蝦球一碟4件，新鮮大蝦爽口彈牙，外層炸漿香脆薄身，沾滿邪惡的咸蛋黃卻沒有油膩感覺，反之咸香惹味。爆汁牛肉餡餅，唔好睇佢細細個，入面充滿肉汁，咬開餅皮一時忘記會爆汁，熱辣辣既肉汁流埋出黎～主食想清淡點。。鱈魚雪裏紅煨麵是一個不錯的選擇，先呷一口奶白的魚湯，香滑鮮味湯濃。既有金華火腿添鮮，亦有雪裏紅的爽嫩。幼細的麵條軟而不爛，充分吸收魚湯的鮮味。最正係鱈魚肉都唔少，加埋湯麵一齊食，一腹大滿足!食京菜，甜點少不了高力豆沙～沾滿砂塘既蛋白球入口柔軟有彈性，中間紅豆餡唔多亦唔太甜，而入面既香蕉更增添多一份香氣。另外晶瑩透亮既桂花糕，除左桂花仲有一粒粒蘆薈，口感更加清甜滋潤。

知道新開的日喜樓做緊北京填鴨推廣有七折優惠，今日就同朋友試下，入到去見到環境都幾開揚，2人枱都好大，坐得好寬敞，服務超好，希望之後都可以保持住呢種態度。北京填鴨半隻 $228，推廣期間七折優惠，都有好多人食啊，好快就上菜，預先切好，有好多鴨肉，用黎包住填鴨塊皮有火蒸住，等佢唔會凍晒變硬，好貼心呢！日喜灌湯小籠包 $63/4隻，先吃小籠包，皮薄餡靚，沾上醋會更好味。之後食羅春閣爆汁生煎包 $68/4件，估唔到生煎包仲好味，裡面超多湯汁，唔洗沾醬已經夠晒味。食完正餐，點左2 個甜品，高力豆沙香蕉球 $38/3件，剛出爐，圓碌碌脹卜卜，口感好鬆軟，裡面有粒少香蕉同豆沙，不會過甜。另外個個係香糯擂沙湯丸 $48/3件，個樣都好吸引，外面有黃豆粉，芝麻餡湯丸，不馬虎。