杜老誌大飯店 (已結業)

環境衛生，地方大、懷舊特色。疫情下時間做到12點適合去夜街嘅我哋。食物新鮮。灣仔去方便.朋友相聚好去處，經理好好人，我們坐到最後一枱也沒有催促我哋離開，有賓至如歸嘅感覺。下次一定再幫襯

之前喺IG見朋友去咗間裝修好特別嘅餐廳，一問之下發現原來係位於灣仔嘅「杜老誌大飯店」，齋睇餐廳名真係唔知呢度係食打邊爐🥢。我哋一行三人星期五晚去咗幫襯，好彩有訂位，因為全場爆滿，Walk-in嘅話要九點後先有位，人氣超高👏。呢度環境比睇相更正，絕對值得嚟到訪兼打卡📸。餐廳提供各式火鍋湯底同配料🍲，我哋叫到一枱都係，但價錢其實唔算好貴，因為全部都大大碟。大紅袍招牌麻辣鍋($108)，麻辣鍋好震撼，血紅色嘅湯底鋪滿辣椒同花椒等配料🌶，開頭食都幾爽，麻味又夠。但愈滾愈唔對路，因為愈食愈辣，我同其中一個朋友都頂唔順，係咁灌嘢飲🥵。最終我哋忍唔住問女店員可唔可以俾啲滾水溝淡佢，點知佢超好人，幫我們換咗個清湯出嚟🙏🏻。多得佢嘅幫忙，我哋先可以繼續烚吓烚吓。手切封門柳($198)，封門柳好大碟🥩，我諗碟中有超過廿片，而且每片大小厚薄適中，唔會碎濕濕。封門柳嘅紋理平均，肉味極為濃郁，口感富有彈性，高質！招牌五寶丸($98)，手打丸係必食推介🍢，唔好睇佢細細粒，每款各有特色，而共通點係爽彈。五寶丸包括牛筋丸、墨魚丸、梅菜豬肉丸、蝦丸同埋鯪魚丸，每款兩粒，我全部都要❤️。鬼馬蝦膠($68)，佢嘅造法有啲似春

今日同朋友一齊去試下呢間有香港懷舊特色的餐廳，試一試佢既打邊爐。四周的環境都非常具有香港的特色。而且會播香港好多舊式的音樂，整件事都十分配合。非常適合打卡。食物方面，我地主要以打邊爐為主，但都叫左兩個小食試一試。。小食。1.蟹膏帶子刺身（ $95）帶子刺身新鮮，配合少少的蟹膏豐富口感。2.黃金鮮魷（ $82）魷魚爽口，不會太韌，且有咸蛋黃的香味。打邊爐的湯底及材料如下：。湯底。大紅袍麻辣鴛鴦鍋（$128）包括：台式養生美人鍋➰大紅袍招牌麻辣燙1.台式養生美人鍋有非常濃厚的藥材味，包括當歸、杞子、紅棗等。2.大紅袍招牌麻辣燙內由蒜粒、辣椒及蔥，以及飲到少少的藥材味，非常惹味，愈食愈訓，爽。。火鍋配料。1.頂級安格斯牛頸脊（$248/例牌）2.鬼馬蝦膠（ $68）3.紫菜炸響鈴（ $52）4.招牌五寶丸（$98/各兩粒）牛筋丸➰墨魚丸➰梅菜豬肉丸➰蝦丸➰鯪魚丸5.招牌三拼餃（$132）黑松露肉蟹餃➰雙籽鮮蝦雲吞➰韭菜餃6.溫室翡翠苗（$35）7.唐生菜（$38）8.稻庭烏冬（$38）整體以而，食物有質素，新鮮。值得一試。

今日再次黎到灣仔杜老誌食野，呢道一如既往，獎修好幼70 80年代香港風格嘅味道😎，不過食嘢方面就唔同咗，原來依家佢變咗做火鍋專門店🤔。以前點餸食飯就真係好有驚喜，唔知而家轉變為火鍋又係點嘅情況呢😜。。我哋揀咗沙嗲湯底，沙嗲味聞落幾香，食落都幾唔錯👍🏻。食物方面我哋揀咗餐廳推介嘅封門柳同海鮮船，封門柳鮮紅色嘅肉睇落好新鮮，而且脂肪紋路好均勻，食落牛味濃郁之餘又好有口感🤩。而海鮮船真係一條船咁樣上嚟，上面有好多款海鮮，分別有蝦、蟹、鮑魚、花甲、蟶子、魚，食材非常之新鮮，隻蝦用竹籤串起擺喺船上上枱既時候，仲識郁㗎😂。。除此之外，我哋仲叫咗爽滑牛肉、鬼馬蝦膠、紫菜響鈴、五寶丸、皇帝菜、淮山。當中爽滑牛肉同鬼馬蝦膠勁有驚喜🤩，爽滑牛肉上枱嘅時候中間仲有一隻窩蛋，將窩蛋同d牛肉撈埋一齊，牛肉充滿左蛋漿既昧道，而且食落口感更加嫩滑😋。而鬼馬蝦膠原來就係油炸鬼對半切開，上面放上蝦滑同蟹籽，最特別嘅係，因為蝦滑重油炸鬼輕嘅原因，放落去煮嘅時候，就會自動反艇🤣，油炸鬼唔會浸到落個湯度，所以煮熟食嘅時候，依然可以食到油炸鬼爽脆嘅口感😚。