影片
更多
2021-10-31
3339 瀏覽
之前喺IG見朋友去咗間裝修好特別嘅餐廳，一問之下發現原來係位於灣仔嘅「杜老誌大飯店」，齋睇餐廳名真係唔知呢度係食打邊爐🥢。我哋一行三人星期五晚去咗幫襯，好彩有訂位，因為全場爆滿，Walk-in嘅話要九點後先有位，人氣超高👏。呢度環境比睇相更正，絕對值得嚟到訪兼打卡📸。餐廳提供各式火鍋湯底同配料🍲，我哋叫到一枱都係，但價錢其實唔算好貴，因為全部都大大碟。大紅袍招牌麻辣鍋($108)，麻辣鍋好震撼，血紅色嘅湯底鋪滿辣椒同花椒等配料🌶，開頭食都幾爽，麻味又夠。但愈滾愈唔對路，因為愈食愈辣，我同其中一個朋友都頂唔順，係咁灌嘢飲🥵。最終我哋忍唔住問女店員可唔可以俾啲滾水溝淡佢，點知佢超好人，幫我們換咗個清湯出嚟🙏🏻。多得佢嘅幫忙，我哋先可以繼續烚吓烚吓。手切封門柳($198)，封門柳好大碟🥩，我諗碟中有超過廿片，而且每片大小厚薄適中，唔會碎濕濕。封門柳嘅紋理平均，肉味極為濃郁，口感富有彈性，高質！招牌五寶丸($98)，手打丸係必食推介🍢，唔好睇佢細細粒，每款各有特色，而共通點係爽彈。五寶丸包括牛筋丸、墨魚丸、梅菜豬肉丸、蝦丸同埋鯪魚丸，每款兩粒，我全部都要❤️。鬼馬蝦膠($68)，佢嘅造法有啲似春
之前喺IG見朋友去咗間裝修好特別嘅餐廳，一問之下發現原來係位於灣仔嘅「杜老誌大飯店」，齋睇餐廳名真係唔知呢度係食打邊爐🥢。
我哋一行三人星期五晚去咗幫襯，好彩有訂位，因為全場爆滿，Walk-in嘅話要九點後先有位，人氣超高👏。呢度環境比睇相更正，絕對值得嚟到訪兼打卡📸。
餐廳提供各式火鍋湯底同配料🍲，我哋叫到一枱都係，但價錢其實唔算好貴，因為全部都大大碟。
大紅袍招牌麻辣鍋
$108
39 瀏覽
0 讚好
0 留言
最終我哋忍唔住問女店員可唔可以俾啲滾水溝淡佢，點知佢超好人，幫我們換咗個清湯出嚟🙏🏻。多得佢嘅幫忙，我哋先可以繼續烚吓烚吓。
手切封門柳
$198
39 瀏覽
0 讚好
0 留言
手切封門柳($198)，封門柳好大碟🥩，我諗碟中有超過廿片，而且每片大小厚薄適中，唔會碎濕濕。封門柳嘅紋理平均，肉味極為濃郁，口感富有彈性，高質！
招牌五寶丸
$98
31 瀏覽
0 讚好
0 留言
鬼馬蝦膠($68)，佢嘅造法有啲似春風得意腸，將蟹籽蝦膠釀入油炸鬼內。🦐蝦膠鮮味彈牙，但個人就唔太鍾意將油炸鬼放湯，因為比較油膩。
沙嗲豬頸肉($60)，🐷豬頸肉有好多條，沙嗲醃得好入味，但始終用泰式燒烤整法會香口啲。
牛脷托($60)，👅牛脷都OK，超碼有成十片八片，淥完肉質都無變韌。
萵筍片($35)，萵筍正常啦，不過都翠綠嘅💚，但我認為片薄啲會更好食。
椒鹽粟米
$52
24 瀏覽
0 讚好
0 留言
竹蔗茅根
$35
16 瀏覽
0 讚好
0 留言
飲品項目並無列於餐牌上🥤，不過餐廳係有賣自家製嘅清熱飲品，分別係酸梅湯同竹蔗茅根。每榨售賣$35，我認為都算幾抵飲，而且佢哋仲救咗我一命，幫手滅火🤣。
留意返⚠️，餐廳收取醬油費($15/位)同前菜費($20/碟)，並設有加一服務費，所以夾夾埋埋計的話，雜項費用都唔少啊。
總括嚟講，呢間餐廳各方面都令人滿意👍，食材質素不俗，定價亦都係合理水平。女店員服務貼心，值得再次表揚。最後，我當然會同大家分享埋餐廳嘅餐牌同環境相片啦😜。
嚟呢度打卡定打邊爐？Why not both😍！
題外話，餐廳連洗手間都係咁打卡Able🚻。
張貼
