鮪世市場 (鴻威大廈) (已結業)

好友介紹話呢間壽司店 "鮪世市場" 好高質，又會有好多omakase嘅魚食又平或美味套餐，所以今次我就嚟試吓。日系裝潢，店面以淺木色為主，坐落感覺和諧舒適，仲可以坐bar枱食，睇到師傅整壽司，就好似貴價料理店一樣。餐廳採用QR Code落單，非常方便。料理方面包括有剌身、壽司、刺身丼、手卷、炸物、清酒、啤酒汽水等等，即點即整，食物夠新鮮。炙燒壽司盛    $146炙燒壽司盛包括玉子、火炙三文魚、火炙蟹棒、輕燒劍魚腩、火炙左口魚裙邊、汁燒海鰻和燒三文魚卷共八件壽司及玉子。炙燒過嘅劍魚腩、三文魚、左口魚裙邊都一樣咁肥美，入口充滿油脂，肉質結實而味道濃郁鮮味。魚肉白色嘅海鰻，肉質細膩，用汁燒過都唔會掩蓋海鰻嘅鮮味。左口魚裙邊味道濃厚，肥美甘香。燒三文魚卷包住青瓜、蟹柳同玉子，再加上燒醬、魚子與三文魚片，口感豐富。魚生角切丼    $78魚生如三文魚、油金魚、吞拿魚切成粒狀，拌上青瓜、玉子和爽脆嘅三文魚籽，材料豐富，又有多重口感！兩個套餐都配備蒸蛋、沙律同埋味噌湯。蒸蛋嫩滑，味道清甜，材料包括海鮮同蔬菜，食起嚟份外鮮甜。沙律新鮮口感爽脆，而食日本嘢常飲嘅味噌湯，味道剛好，不會太鹹，加上豆腐同海

原本諗住出旺角行街街，但天氣實在熱到見到錢都唔識執，經過呢間鮪世市場，一開門冷氣涼浸浸，就二話不說衝咗入去。入面有吧枱亦有長枱，無論獨行俠定三五知己嚟都啱晒。叫咗兩份午市套餐，店員首先奉上前菜，包括麵豉湯、蒸蛋同沙律。沙律選用柚子醋，酸酸味味令人開胃。蒸蛋上枱嘅時候熱辣辣，蒸蛋好滑，入面材料都豐富。麵豉湯裏面有好多昆布同豆腐，湯唔會過鹹，平時我好少飲晒成碗，不過呢個我就可以。其中一份午市套餐就揀咗市場壽司盛，包括有燒三文魚卷、玉子、特大赤海蝦、帆立貝、墨魚、油甘魚同三文魚，壽司魚生用料上乘，而且夠新鮮，所以每一件都咁好食。另外仲揀咗魚生角切丼，選用嘅魚生款式豐富，有三文魚、油甘魚、八爪魚、玉子等，蟹籽份量尤其多。伴隨午市套餐可以追加三點刺身盛，包括有三文魚、帆立貝同油甘魚。三文魚屬於厚切，所以口感特別豐富，每件刺身都好新鮮，真係想再encore。老公話想食吞拿魚，所以就點咗個特選本鮪壽司盛，分別有赤身、中拖羅、大拖羅同拖羅蓉，拖羅級別魚油撲鼻，真係非常甘香，呢個價錢一啲都唔貴。老公唔鍾意食鰻魚，所以冇揀鰻魚飯，唯有叫個鰻魚手卷滿足一下自己。鰻魚都好厚肉又肥美，加埋脆脆紫菜真係冇得彈。

因為喜歡吃壽司，刺身，坊間有抵食，高質壽司店都會book mark定先。今日有時間嚟到「鮪世市埸」品嚐性價比高嘅壽司套餐。店舖座位舒適，一邊有吧枱另一邊係order枱。單點壽司價格合理，不過午市時間有lunch set 就更加抵。👍🏻😋各款盛合包括味噌湯、沙律、茶碗蒸和壽司🍣/丼飯價錢由$78起喺呢個地段絕對物超所值！茶碗蒸蛋香十足，味噌湯稍嫌唔夠熱，沙律菜🥗新鮮爽脆仲有醋汁調味，開胃清新！【市埸壽司盛🍣🍣$138】（玉子、三文魚、油甘魚、墨魚、特大赤海蝦、帆立貝、燒三文魚卷）每款都係新鮮美味，而且每件壽司size比相片感覺竟然還大一點。😌帆立貝：肉厚爽甜！特大赤海蝦：味道鮮，仲帶有少少海水味👍🏻三文魚：新鮮貨式，就是甜美已足夠！油甘魚：肉質粉嫩細緻，魚味輕盈。墨魚：輕炙過後反而帶出墨魚嘅味道！燒三文魚卷：同樣火炙過的三文魚逼出魚油，入口也特別柔潤，三文魚夠厚，可以做到半熟半生啱啱好，口感豐富。玉子：自家製作，有蛋香，甜度恰到好處。【魚生角切丼$78】朋友都話好足料，隻碗唔算大但夠深度，完全盛滿角切魚生和壽司飯，差點也吃不完！🌟👍🏻【蔥吞拿魚腩手卷$28 】吞拿魚腩蓉幼細冇筋，入口有種